Ibeliu 5:5 - Loina Tabu Auwauna NT

⁵ Wate nadigega Keliso nigeya tauna 'igilagilagasi be 'ietotaliya, ta Yaubada 'iesinuwena ga 'ieonena, 'igwae, “'Oyo natugu. Batuwa tuga ya'awa natunemu.”

Ibeliu 5:5 Σταυροειδείς Αναφορές

Yoni 3:16

Ta Yaubada sa'i tomota maibo'adi bale'uya 'iobobomedi ga natuna tebweuna 'itagwalena be 'enega yaisigedi tauna 'ena siemisa, geya'abo simwawamwawasa ta esi yawasidi ataya sida loba.

Yoni 7:18

Ta 'omi 'imi bubuna 'aene 'eguma yaita tauna 'ina nuwena 'enega 'ie'ita, tauna tuga taunamo 'ana esana manuna 'ietaetapewa. Ta 'abo'agu esi nigeya nadigega 'omi, manuna 'abo'agu nuwanuwagu be 'agu toetune 'ana esana yada giesinabwa, manuna 'igu bubuna palupaluna ta nigeya 'ebweu wate 'igu to'umalinamo.

Yoni 8:54

Ga Yesu 'ediya 'igwae, “'Eguma 'abo'agu taugu yatupugu, 'agu tupu nina yage besobeso tuga, ta Tamagu tauna 'agu totupu nina, tauna waona 'aene 'imi Yaubada.

Guinuwa 13:33

ga ni'atu 'igieapwesena 'epata auwauna 'abo'ada 'edaya, tuta nina Yesu mwawasega 'igietoolona. Gete manuna Same 'eluwena 'ena Yaubada 'ina ona sigimi simanena, 'igwae, ‘'Oyo natugu, batuwa 'ena ya'awa natunemu.’

Loma 8:3

Li'ama gete Mosese 'ina loina nigeya sawesawenaya, manuna bubuna tomota nenetana, ta esi Yaubada 'iguinuwena, manuna natu 'ai'ailina 'itagwalena ga 'imai bale'uya ga 'abo'ada toto'umalida bwalada 'i'otena, ga 'ida to'umalina manuna 'italiya ga to'umalina nina 'iewaiwai sinena,

Ibeliu 1:1

Lowaenei 'eda yauna 'ediyega Yaubada 'ina ona palopitao 'i'ebwa'edi, ga taudi sisimanena tubudao 'ediya.

Ibeliu 1:5

Manuna nigeya 'ebweu tuta Yaubada 'ebweu anilose 'ena 'ida gwae, “'Oyo natugu, batuwa tuga ya'awa natunemu.” Nai wate 'ebweuna manuna 'igwae, “'Abo'agu 'eguya 'ida 'awatamana, ta tauna 'ena yada 'awanatuna.” Ona nidi getedi natuna namo manuna 'ionaedi.

Ibeliu 2:17

'Enega Yesu 'ietomotai 'abo'ada tasinao nadigega, ga 'ietotaliya sinabwana ma ina 'atenuwa'ole'ole manuda, ga Yaubada 'ina guinuwa 'ena 'ietapewa, ta 'italiya 'ida bubuna to'umalidi manudi be 'aene Yaubada 'ida nuwataudi.

Ibeliu 3:1

Gosegwao, 'omi be 'abo'agu Yaubada 'iesinuweda 'ina sena manuna, 'ilobwenena be Yesu tanuwa'i'isi, manuna tauna 'ida tapwalolo 'ana tosimana be wate 'ida totaliya sinabwana,

Ibeliu 5:10

manuna Yaubada Yesu 'iaseyena be 'ietotaliya ataya nadigega Melikisedeki.