Ibeliu 3:5 - Loina Tabu Auwauna NT

⁵ Mosese Yaubada 'ina anuwaya 'ietapewa toguinuwa 'atuwa, ga Yaubada 'ina onao yage nidi ma'etamo sida apwesa manudi 'isimana apwesedi.

Ibeliu 3:5 Σταυροειδείς Αναφορές

Madiu 24:45

“Toguinuwa bobo'adi ta sinasinapudi 'idi bubuna gete nadigega: 'Abo yaita tauna 'ina 'inapwana 'iesinuwena be anuwa 'ida 'ita'i'isi be gosenao 'adi masula 'i'ebwa'edi 'asiyata 'ebweuna 'ebweuna 'ediya,

Madiu 25:21

“Ta 'inapwana nina 'igwae, ‘Bobo'ana, 'oyo togwaunuwa 'ai'aila ta palupaluna. Ni'atu 'uetapewa yage gidalidi 'ediyega, 'enega 'amu loina yage sinabwadi manudi ya'ebwa'eyo, be wate 'igu 'ebe gwausowala gete 'ena 'uda miyami.’

Luke 12:42

'Enega Yesu 'igwae, “Toguinuwa bobo'adi ta sinasinapudi 'idi bubuna gete nadigega, 'abo yaita tauna 'ina 'inapwana 'iesinuwena be anuwa 'ida 'ita'i'isi, be gosenao 'adi masula 'i'ebwa'edi 'asiyata 'ebweuna 'ebweuna 'ediya,

Luke 24:27

'Enega 'ie'ale be 'ediya 'ili'ama to'ase nadigega Buki Tabu 'ina simana To'etoseyana nina manuna. Mosese be palopitao 'idi bukiyao 'ediyega 'ie'ale ga Buki Tabu maibo'ana 'iloegumwalina, be 'enega mwalatoi sida loba.

Luke 24:44

Ta 'ieonedi, 'igwae, “Ona nidi ni'atu yaemwasalidi 'emiya tuta nina 'abo'agu ma'emi, maibo'ana manugu si'etoladina Mosese 'ina buki 'enaya be palopitao 'idi buki 'ediya ta wate wali Same 'ediya, be 'enega 'igu simana nina 'ana mwalatoi 'ai'aila 'ida apwesa.”

Yoni 5:39

“Tuta yauyauna Buki Tabu wasawasawa ga wanuwena 'aene ma'etamo yawasimi ataya wada loba, ta nigeya wanuwanuwa sabwaleni 'aene Buki Tabu nina 'isimasimanegu.

Guinuwa 28:23

'Enega 'asiyata siupaena, ga boda yaudi siegogonama Paulo 'ina anuwaya, ga gonegonega ga 'ana laba 'iboi, 'ediya 'iloguguya, Yaubada 'ina etoloina manuna, ta Mosese 'ina loina 'enega, be palopitao 'idi onao 'ediyega, 'ie'itedi Yesu manuna, ta 'itoona be 'aene 'ida gienuwa sabwalenidi.

Guinuwa 7:37

“Gete Mosese nina me Isileli 'ieonedi 'igwae, ‘Yaubada ma'etamo tasimiyao 'ediyega 'ebweu palopita 'ida esinuwe manumi, nadigega lowa 'iesinuwegu.’

Loma 3:21

'Enega gete tuga Yaubada 'ada 'awapalupalu 'igieapwesena, 'aene nigeya loina 'enega, ta esi mali 'eda 'enega. Ta 'eda nina ni'atu Mosese 'ina loina be palopitao sisimanena,

1 Kolinita 4:2

'Ima paisewa nina 'ena 'ilobwenena be 'ada paisewa bobo'ana.

1 Timoti 1:12

Ta wate 'ida 'Inapwana Yesu Keliso 'igiewaiwaiyegu 'igu paisewa gete manuna, 'enega 'ena yalokagutoki, manuna 'iemisegu, ga paisewa nina 'i'ebwa'egu.

Ibeliu 1:1

Lowaenei 'eda yauna 'ediyega Yaubada 'ina ona palopitao 'i'ebwa'edi, ga taudi sisimanena tubudao 'ediya.

Ibeliu 3:2

ga 'ietaetapewa 'ina guinuwa nina Yaubada 'i'ebwa'ena manuna, nadigega lowa Mosese 'ietaetapewa'esa Yaubada 'ina anuwaya.

Ibeliu 3:4

Ona'ai'aila, anuwa 'ebweuna 'ebweuna 'adi to'abi simiyami, ta yage maibo'adi 'adi toguinuwa Yaubada.

Ibeliu 8:5

Ta 'idi 'ebe taliya nina Anuwa Tabu solanaya. Ta Anuwa Tabu nina bale'uya 'ebe'ita nai ma'ama'ayau tuga, ta Anuwa Tabu 'ai'ailina galewaya 'imiyami. Manuna lowaenei muliyega be Mosese gimi Anuwa Tabu 'i'abiya, ta Yaubada 'iemataluwena, 'igwae, “Mosese, 'unuwa'i'isi anuwa nina 'ana 'ita maibo'ana ni'atu 'oyaya yae'itemu, maibo'ana 'uetotowane be 'igu Anuwa Tabu nina 'u'abi.”

Ibeliu 9:24

Ta Keliso nigeya 'ilugulugu Anuwa Tabu 'abi'abina 'enaya, nate Anuwa 'ai'aila 'ana ma'ama'ayau tuga, ta esi galewaya 'ilugu ga Yaubada matanaya 'imiyami be 'ilemalema manuda.

E'ita'ita 15:3

ga maibo'adi Mosese walina siwaliwaliye, tauna Yaubada 'ina toguinuwa, ta wate Lami walina siwaliwaliye, sigwae, “'Inapwana Yaubada Toewaiwai sayo, 'imu guinuwao sinabwadi ta 'ebe nuwaowanao, ta 'imu bubuna maibo'ana bobo'adi ta palupaludi, ta wate 'ebeloina maibo'adi 'uloiloinedi.