Ibeliu 3:12 - Loina Tabu Auwauna NT

¹² Gosegwao, wa'ita'i'isimi be geya'abo wadebadeba pa'ala nai waneeneta 'abona nai Yaubada mayawasina wamiyasine.

Ibeliu 3:12 Σταυροειδείς Αναφορές

Madiu 16:16

'Enega Saimoni Pita 'ilolagata ga 'igwae, “'Oyo To'etoseyana Yaubada mayawasina natuna.”

Madiu 24:4

'Enega Yesu 'ieonedi, 'igwae, “Wa'ita'i'isimi 'abona nai tomota 'aidi sikaboemi.

Maki 13:23

'Enega wa'ita'i'isimi manuna yage getedi manudi ni'atu yagimi simanedi 'emiya.

Maki 13:33

'Enega walomata'i'ita manuna 'igu tuta ila limanama nigeya wamwalamwalatoni.”

Maki 13:9

“Ta 'omi esi wa'ita'i'isimi, manuna tomota sida giyaimi be sitauyemi etala manuna, be Anuwa Tapwalolo 'ediya 'etamo sisapisapimi, ta wate 'iabe toloinao be kiniyao matadiya si'au'ewami be watoolo ta sietalaemi, manuna 'omi 'aene 'igu bodao, be teteligu 'ediya wada simane.

Luke 21:8

Ga Yesu 'ediya 'igwae, “Wa'ita'i'isimi 'abona nai tomota 'aidi sikaboemi, manuna ma'etamo tomota yaudi 'agu esanega simama be 'aene sianugana gesiyemi be 'ebweuna 'ebweuna 'ida gwae, ‘'Abo'agu To'etoseyana nina,’ nai 'aina wate sida gwae, ‘To'etoseyana 'ina tuta ni'atu 'iapwesama.’ Ta esi geya'abo wamulimuliyedi.

Loma 11:21

'abona nai Yaubada 'ina kaiwe nali 'ai'ailinao ni'atu 'ilasedi 'ediyega 'omi 'ida elopa'eluyemi, ta wate 'omi 'ida lasa yaulemi.

1 Kolinita 10:12

'Enega 'abo yaita 'oyo 'unuwena 'aene ma imu waiwai 'utootoolo, 'uda 'ita'i'isiyo be geya'abo 'uneeneta,

Kolose 2:8

Geya'abo 'ebweu yaita 'ikabokaboemi tomota 'idi sinasinapu 'enega, manuna mwalatoi nidi yage besobeso bale'uyega, ta nigeya Keliso 'enega.

1 Tesalonaika 1:9

manuna taudi 'emaya siemwaemwasala 'imi tagwala lowa 'emaya manuna, 'aene 'imi 'ebe emisa kadekadelidi waguitoyasedi ga 'enega Yaubada 'ena watagwalemi, manuna taunamo Yaubada 'ai'aila ta mayawasina, 'enega tauna manuna waguiguinuwa,

Ibeliu 10:31

Ta 'enega Yaubada nina mayawasina be tada mataute, 'abona nai 'iloineda.

Ibeliu 10:38

'Enega yaisigedi topalupaludi 'idi emisega yawasidi bobo'ana sida loba, ta 'abo 'idi 'atesa'alega sisanaila, Yaubada geya nuwana tomotai nidi.

Ibeliu 12:15

Wa'ita'i'isimi 'abona nai 'emiyega yaita Yaubada 'ina oboboma geya'abo 'ilobaloba. Ta geya'abo 'ebweu yaita 'emiyega 'ie'ale be 'ibubuna to'umalina, 'abona nai yaudi simuliye.

Ibeliu 12:22

Ta 'omi esiya ni'atu wamai Sayoni 'oyana 'enaya, nate Yaubada tauna mayawasina 'ina 'asa, Yelusalema nina galewaya 'ena, aniloseyao yau wawasae simiyami ta sigwaugwausowala 'atuwa sagali 'enaya,

Ibeliu 12:25

'Enega wa'ita'i'isimi be tauna galewega 'ionaona 'edaya geya'abo 'enana waguiguitoyase. Manuna lowa tomota 'aidi bale'uya Mosese 'ina guguya 'ediya siguitoyasena ga mwau silobena. Ta gete tuga Yaubada galewega 'iloguloguguya 'edaya, 'enega 'abo 'enana taguitoyasei mwau sinabwa wawasae taloba.

Ibeliu 3:1

Gosegwao, 'omi be 'abo'agu Yaubada 'iesinuweda 'ina sena manuna, 'ilobwenena be Yesu tanuwa'i'isi, manuna tauna 'ida tapwalolo 'ana tosimana be wate 'ida totaliya sinabwana,

Ibeliu 3:19

'Enega tamwalamwalatoni 'aene taudi nigeya silugulugu, manuna nigeya siemiemisa.

Ibeliu 9:14

Ta esi Keliso lalana 'ebe gie'esasa bobo'ana wawasae, manuna 'ateda 'igie'esasedi be 'aene guinuwa besobeso taguitoyasedi, ta Yaubada nina mayawasina 'ina guinuwao taguinuwedi. Manuna Yaluyaluwa Tabuna miyamiya atayana Keliso 'igiewaiwaiyena, ga tauna ma ina bubuna maibo'ana palupaluna ta nigeya 'ebweu wate to'umalina 'enaya, 'enega tauna 'italiyaena Yaubada 'enaya, nate 'imwawasa 'abo'ada 'ida 'esasa manuna.