Ibeliu 2:17 - Loina Tabu Auwauna NT

¹⁷ 'Enega Yesu 'ietomotai 'abo'ada tasinao nadigega, ga 'ietotaliya sinabwana ma ina 'atenuwa'ole'ole manuda, ga Yaubada 'ina guinuwa 'ena 'ietapewa, ta 'italiya 'ida bubuna to'umalidi manudi be 'aene Yaubada 'ida nuwataudi.

Ibeliu 2:17 Σταυροειδείς Αναφορές

Loma 15:17

Ona'ai'aila, ma igu gwausowala Yaubada 'ina guinuwa yaguiguinuwe, manuna Yesu Keliso ma'iyagu 'apaipaisewa.

Loma 5:10

Ona'ai'aila, lowa Yaubada taetalauwalena ta gete tuga Natuna 'ina mwawasa 'enega ni'atu ma'eda tae'ebweu, be Natunana yawasina manuna 'i'etoseye 'ai'ailida.

Epeso 2:16

ta wate 'ida weyala 'ediyega 'ili'amida ga 'ime'eda Yaubada 'enaya be tauna ma'edai taegosigosiyana limana, be gete 'ina guinuwa, tauna oona 'ebweuna namo kelose 'enaya situtu epa'iyena, ga 'enega etalauwala nidi sigumwala.

Kolose 1:21

'Omi wate lowa wamiya 'edasola ta 'imi nuwanuwa 'enega Yaubada waetalauwalena, ga wabubuna to'umalina,

Ibeliu 10:21

Ta wate 'ida totaliya nina Toloetana sana ga Yaubada 'ina anuwa manuna 'iguiguinuwa.

Ibeliu 2:11

Yesu nina 'ada To'etoseyana ga 'abo'ada wate 'igie'esaseda, ta tauna be 'abo'ada Yaubada 'enega tamai, 'enega geya'abo Yesu 'iomayamaya manuda, ta esi 'i'awa'awa tasineda,

Ibeliu 2:14

Ona'ai'aila, Yesu 'ina gogamao 'abo'ada tomota maesiyoda be malalada, 'enega Yesu wate 'ietomotai ga tomota oona 'i'ewena ga 'imwawasa, be 'aene 'ina mwawasega Seitani 'iloesawali, be Seitani 'ina loina mwawasa manuna wate 'iloesawali.

Ibeliu 2:16

'Etoseyana nina nigeya aniloseyao manudi ta esi 'abo'ada Ebelaamo tubunao manuda.

Ibeliu 3:1

Gosegwao, 'omi be 'abo'agu Yaubada 'iesinuweda 'ina sena manuna, 'ilobwenena be Yesu tanuwa'i'isi, manuna tauna 'ida tapwalolo 'ana tosimana be wate 'ida totaliya sinabwana,

Ibeliu 3:2

ga 'ietaetapewa 'ina guinuwa nina Yaubada 'i'ebwa'ena manuna, nadigega lowa Mosese 'ietaetapewa'esa Yaubada 'ina anuwaya.

Ibeliu 3:5

Mosese Yaubada 'ina anuwaya 'ietapewa toguinuwa 'atuwa, ga Yaubada 'ina onao yage nidi ma'etamo sida apwesa manudi 'isimana apwesedi.

Ibeliu 4:14

'Ida totaliya sinabwana ta bobo'ana 'imiyami, tauna Yesu, Yaubada Natuna, ni'atu manuda 'itu'e galewaya, 'enega 'ida emisa 'enaya tagiyai'i'isi.

Ibeliu 4:15

'Aidi totaliyao nigeya si'ate'atenuwa 'ole'oleyeda 'ida nenetao manudi, ta Yesu esi 'ida miyamwau 'inuwa sabwalenidi ta 'i'atenuwa 'ole'oleyeda, manuna lowa bale'uya Seitani 'ina 'ebetoo maibo'ana 'ilobedi nadigega 'abo'ada talobaloba 'esedi, ta Yesu nigeya 'ebweu wate 'iloeloegesi.

Ibeliu 5:1

Totaliyao sinabwadi Yaubada 'iesinuwedi ga 'iaseyedi, be tauna matanaya sitalitaliya 'abo'ada tomota 'ida bubuna to'umalidi manudi.

Ibeliu 5:10

manuna Yaubada Yesu 'iaseyena be 'ietotaliya ataya nadigega Melikisedeki.

Ibeliu 5:2

'Ida totaliyao nidi sida bubuna nuwana toemwagemwageyao be toloegesiyao 'ediya, manuna totaliyao tomota tuga, ma idi neneta.

Ibeliu 5:5

Wate nadigega Keliso nigeya tauna 'igilagilagasi be 'ietotaliya, ta Yaubada 'iesinuwena ga 'ieonena, 'igwae, “'Oyo natugu. Batuwa tuga ya'awa natunemu.”

Ibeliu 6:20

Gote 'ena Yesu ni'atu manuda 'igimilugu, ta 'ietotaliya sinabwana ta miyamiya atayana manuda, nadigega Melikisedeki lowaenei.

Ibeliu 7:26

Ona'ai'aila, Yesu nina sawesawenaya be 'ietotaliya manuda, manuna tauna adelina maibo'ana bobo'ana tuga, ta nigeya nadigega toto'umalida 'abo'ada, 'enega Yaubada Yesu nina 'igilagasina, ga galewa 'ana tomiyanao 'iloetana sinedi.

Ibeliu 7:28

'Epata nuganuganidi 'ediya Mosese 'ina loinega tomota mayaluyaluwa nenetadi sietotaliya sinabwana, ta muliyega Yaubada 'ina onaupaupa 'enega Natuna tauna adelina palupaluna 'ietotaliya ataya.

Ibeliu 8:1

'Igu ona maibo'ana 'alena gete 'aene 'ida totaliya sinabwana, ta gete tuga Toloetana sana galewaya 'ina 'ebemi esaesa 'atainaya 'imiyami.

Ibeliu 8:3

Bale'u 'ana totaliyao maibo'adi 'idi paisewa nate oboboma be taliya si'ebwa'ebwaya Yaubada 'ena, 'enega 'ida totaliya nina auwauna 'ilobwenena be tauna wate 'ebweu oboboma 'ida 'ebwaya Yaubada 'ena.

Ibeliu 9:11

Manuna Keliso 'ina taliya 'enega miya bobo'ana wawasae 'i'ebwa'eda, ga mali Anuwa Tabu 'ena 'ilugu, ta anuwa nina sinabwana ta bobo'ana. Manuna tomota nigeya si'abi'abi sena gete bale'u 'enaya.