Ibeliu 13:16 - Loina Tabu Auwauna NT

¹⁶ 'Ebweu taliya wate Yaubada nuwanuwana sinabwana, nate oboboma tomota manudi ma ida 'atenuwa'ole'ole.

Ibeliu 13:16 Σταυροειδείς Αναφορές

Luke 18:22

'Ina ona gete nadigega Yesu 'inonona, 'enega 'igwae, “'Ebweuna yage namo 'ilogegesemu, nate 'aene 'imu gwegweyao maibo'ana 'uda egimwaneyedi be 'adi maisa togomabeso 'ediya 'ueguyaiyedi, ta 'enega 'umamai be 'umuliyegu be 'enega ma'etamo 'imu esaesa galewaya 'uda loba.”

Guinuwa 10:38

Tetela nina 'aene Yaubada Yesu goma Nasaleta 'igiewaiwaiyena Yaluyaluwa Tabuna 'enega, ga 'isakosakowasi ga tomota 'ilemelemedi, ta 'abo yaisigedi Seitani be yaluyaluwa to'umalidi sigiele'oasidiya, Yesu 'igiebobo'anedi, manuna Yaubada 'ina waiwai 'enaya 'imiyami.

Guinuwa 9:36

Ta 'asa Yopa 'ena, Yesu 'ana tomuliya 'ebweu waine 'imiyami, 'ana esana Tabita, ta 'ana gibui Dokasa, ta Dokasa 'ana gibui yobai 'ana esana diya, ta waine nina lema be oboboma 'alena,

Loma 12:13

Ta 'abo tasimiyao mwau 'ediya 'iapwesa, 'imi gwegweyega wada lemedi, be wada bwauyedi 'imi anuwaya.

Galetia 6:10

'Enega 'ilobweneda be tuta maibo'ana 'ediya tomota yauyaudi tada lemedi, ta esi Yaubada 'ana toemisao talemedi sinabwana.

Galetia 6:6

Tapwalolo 'ana toe'itao, 'eguma sinasinapu sie'itada, 'ilobweneda be gwegwe ta'ebwa'edi, 'abo to'ase 'ediya 'ikukupa.

Epeso 4:28

To'ipwalao 'ilobwenedi be silosa'u, ta esi paisewa bobo'ana nimadiyega sida guiguinuwe, be paisewa nina 'ana maisa 'enega lema sida 'ebwa'ebwaya togomabeso 'ediya.

Pilipai 4:14

Ta ni'atu 'igu miyamwau gete wagie kapekapeyanena 'imi lemega ga manuna yalokagutoki sinabwana 'emiya.

Pilipai 4:18

Ta 'imi 'ebwayadaita nina Epapilodito 'ime'ena, maibo'ana yalobena 'imaa tasitasiwa, 'atuwa nadigega 'imi taliya bobo'ana Yaubada 'enaya, ni'atu wagabuna ga maina bobo'ana Yaubada 'imuina ga manuna 'igwausowala.

1 Tesalonaika 5:15

Wa'ita'i'isimi be geya'abo 'ebweu yaita 'emiyega to'umalina 'ie'ie'isa to'umalina 'enega, ta esi tuta maibo'ana wada eobooboboma be wada elemalema. Mali tomota wate wada lemedi.

2 Tesalonaika 3:13

Gosemao, guinuwa bobo'adi manudi geya'abo walo'ame'ame.

1 Timoti 6:18

Ta wate toesaesa nidi 'uemataluwedi be guinuwa bobo'adi be eobooboboma be lo'ebwa'ebwaya 'ediyega sida eesaesa 'ai'aila.

Pilimoni 1:6

'Enega nuwanuwawagu be 'ida egosigosiyana Keliso 'enega 'ida giewaiwaiyeyo, be 'enega yage yaudi bobo'adi Keliso 'enega siapweapwesama 'uda sinapudi.

Ibeliu 6:10

Yaubada 'ina loina 'emiya palupaluna, 'enega 'imi guinuwao bobo'adi tuta yauyauna, be 'imi obobomao Yaubada 'ana esanega, ta 'imi lema toekalesiyao 'ediya, geya'abo 'inuwanuwa pupuledi.

3 Yoni 1:11

Gosegwao, geya'abo bubuna to'umalina wamulimuliye, ta bubuna bobo'ana esi. Ona'ai'aila, tobobo'adi taudi Yaubada 'ina bodao, ta toto'umalidi nigeya Yaubada sida mwalatonina.