Ibeliu 12:9 - Loina Tabu Auwauna NT

⁹ Wanuwa'i'isi 'abo tamadao bale'uya sisapida 'enega ta'amayabedi, ta 'ilobweneda be yaluyaluwada tamadi galewaya tada 'amayabe be 'enega yawasida bobo'ana 'i'ebwa'eda.

Ibeliu 12:9 Σταυροειδείς Αναφορές

Luke 18:2

Gete nadigega 'igwae, “'Ebweu 'asa 'enaya toloina 'ebweu sinabwana 'imiyami, tauna Yaubada nigeya 'ida matautena ta wate tomota nigeya 'ida 'amayabedi.

Luke 18:4

“Tuta 'ebweuna 'ebweuna nadigega 'ina guinuwa, ta toloina nina geya nuwana be 'ileme. Ga 'ebweu tuta 'enaya toloina nina 'ie'oata'oata, 'enega taunamo 'ena 'igwae, ‘Tuwa tuga Yaubada nigeya yamatamataute ta wate tomota nigeya yada 'amayabedi,

Yoni 3:6

Sinadao 'ediyega tatubuwenama bwala namo, ta yaluyaluwada 'ina tubuwa limana Yaubada Yaluyaluwana 'enega.

Guinuwa 2:30

Ta Debida nina palopita 'ebweu, ga Yaubada 'ina onaupaupa waiwaina 'enaya 'inuwa'i'isina 'aene ma'etamo Debida tubuna 'ebweuna Debida nina 'ina 'ebeloina 'ida 'ewa Yaubada 'enega.

Loma 1:3

Tetela nina Yaubada natuna Yesu Keliso manuna. Tauna 'ietomotai Debida 'ina susu 'enega,

Loma 9:3

Ta yanuwanuwa sinabwana 'igu susu nidi manudi be 'aene Yaubada 'ina oboboma nina 'i'ebwa'egu, nate Yesu Keliso, 'aene 'eguyega 'ida 'ewa be 'igu bodao nidi 'ida 'ebwa'edi, ta 'abo'agu yada miyaila Keliso 'enega, taudi manudi.

Loma 9:5

gimi 'inapwanao 'ediya, taudi nadigega Ebelaamo be, Aisake be, Yekobe be, ga muliyega 'idi boda nina 'enega Keliso 'iapwesa. Be yage gete manudi Yaubada tauna Toloetana sana tada tupuna tuta maibo'ana 'ediya. Eimeni.

Yemesa 4:10

Ta wada nuwamwa'uta 'Inapwana matanaya be 'enega tauna 'ida gitu'eyemi.

Yemesa 4:7

'Enega Yaubada 'ena wada tagwalemi, ta Seitani wada guitoyase be tauna 'ida pilisinemi.

1 Pita 5:6

'Enega wada nuwamwa'uta be wada tagwalemi Yaubada Toewaiwai sana nimanaya, be 'enega muliyega tauna 'ina tuta bobo'ana 'enaya 'ida gitu'eyemi.

E'ita'ita 22:6

'Enega anilose nina 'ieonegu, 'igwae, “Ona getedi ona 'ai'aila ta palupaluna, manuna 'Inapwana Yaubada tauna yaluyaluwana 'ana to'ebwaya palopitao 'ediya, ga 'ina anilose 'ietunena be 'ina toguinuwao 'ediya 'ida e'ita to'ase 'iabe 'iapwesama manuna.”