Ibeliu 12:28 - Loina Tabu Auwauna NT

²⁸ Gete 'ida sena auwauna 'ena talugulugu, waiwaina ta miyamiya atayana, 'enega 'ilobweneda be Yaubada 'enaya tada lokagutoki, be tada lotapwalolo to'ase 'ina nuwanuwa 'ana lobwene nadigega, be wate tada 'amayabei ma ida matauta,

Ibeliu 12:28 Σταυροειδείς Αναφορές

Madiu 25:34

be 'enega toloina 'abo'agu taudi 'ataiguya yada eonadi be yada gwae, ‘'Omi Tamagu 'ina obobomega wada gwausowala, wamai be 'imi 'ebeloina nina bale'u 'ana mweluluwa'unu 'enega 'igibubunaya manumi wada 'ewa.

Luke 1:33

be 'enega Yekobe 'ina bodao 'iloinedi, ta 'ina loina nina geya'abo 'igumwagumwala.”

Loma 11:20

Nate ona'ai'aila. Ta esi wada nuwa'i'isi 'aene naliyao nidi 'ilasedi, manuna nigeya siemiemise, ta esi 'omi 'imi emisa 'enega yawasimi bobo'ana walobena. 'Enega 'ilobwenemi be Yaubada wada mataute ta geya'abo wanuwanuwatu'e,

Epeso 1:6

be Yaubada tada tupui gete oboboma bobo'ana wawasae manuna, tauna Natu 'ai'ailina 'i'ebwaya daitena manuda,

Epeso 5:10

Be wate watootoo be to'ase 'Inapwana nuwanuwana wada mwalatonidi be waguinuwedi,

Pilipai 4:18

Ta 'imi 'ebwayadaita nina Epapilodito 'ime'ena, maibo'ana yalobena 'imaa tasitasiwa, 'atuwa nadigega 'imi taliya bobo'ana Yaubada 'enaya, ni'atu wagabuna ga maina bobo'ana Yaubada 'imuina ga manuna 'igwausowala.

Ibeliu 10:19

Gosegwao, Yesu lalana manuda ni'atu 'idau, 'enega ma ida 'atepatu talulugu Yaubada 'ina Sena Tabu Wawasae 'enaya,

Ibeliu 13:15

'Enega Yesu 'ilemelemeda be tuta yauna 'ediya Yaubada tada tuputupu. Gete 'ida taliya nonowana, 'eguma tauna 'ana esana ta'awa'awa sinabwae.

Ibeliu 13:21

Ga Yaubada yage yauyauna bobo'adi 'i'ebwa'emi, be 'ediyega 'ina nuwena wada muliya 'ai'aili, be 'enega Yesu Keliso 'ina guinuwega Yaubada 'ida giebobo'anemi to'ase nadigega 'ina nuwanuwa, be manumi 'ida gwausowala. 'Enega Keliso nina tada tupu atae. Eimeni.

Ibeliu 3:6

Ta Keliso Yaubada 'ina anuwaya 'ietapewa nigeya toguinuwa 'atuwa ta esi tauna natu 'ai'ailina. 'Abo'ada Yaubada 'ina anuwa nina tuga, 'eguma taemisa ataya ma ida 'atepatu be ma ida gwausowala.

Ibeliu 4:16

'Enega ma ida 'atepatu talalaga be tasidasida 'ada Toloina nina 'ena, be 'enega 'ida miyamwau 'ediya 'ida 'atenuwa 'ole'oleyeda, be wate 'ilemeda.

Ibeliu 5:7

Lowa Yesu bale'uya 'imiyami, ma ina dedoi 'isidasida Tamana 'ena, be nuwanuwana mwawasega 'i'etoseye, 'enega 'i'etoseyenaya manuna Yesu Tamana 'i'amayabena.

1 Pita 1:17

'Etamo Yaubada 'ina loina 'ebweuna ta palupaluna 'enega tomota maibo'ada 'ida loineda, nadigega 'ida guinuwa, bobo'ana, nai to'umalina. Tauna Yaubada nina waeesena Tamami 'imi sidasidao 'ediya, 'enega 'ilobwenemi be wada 'amayabe tuta maibo'ana bale'u gete 'ena wamiyami.

1 Pita 2:20

Ta wada nuwa'i'isi 'aene 'abo 'ida guinuwa to'umalina 'enega sigie'elouyaeda be tae'alama'i'itana, nate nigeya yage sinabwana. Ta esi 'abo 'ida guinuwa bobo'ana 'enega sigie'elouyaeda be tae'alama'i'itana, Yaubada manuda 'ida gwausowala.

1 Pita 2:5

'Enega 'omi wate 'atuwa mwadale mayawasina, yaluyaluwami wada tagwaledi, be 'emiyega Yaubada 'ina Anuwa 'ida 'abi, be gote 'ena wada etotaliya 'esasemi, ta Yesu Keliso 'ida lememi be yaluyaluwamiyega wada taliya bobo'ana Yaubada 'enaya.

E'ita'ita 1:6

'Enega 'iegogoneda be 'aene 'abo'ada 'ina toloinao be 'ina totaliyao Tamana Yaubada 'enaya. Tauna Yesu nina 'ina esaesa be 'ina waiwai miyamiya atayadi. Eimeni.

E'ita'ita 15:4

“'Inapwana ye, tomota maibo'adi sida 'amayabeyo ta sida 'awa eseeseyo, manuna tebweuyo 'esaseyo, 'enega me bale'u maibo'adi sida mai be matamuya sibwagobwago, manuna tomota maibo'adi 'imu loinao palupaludi ni'atu si'itedi.”

E'ita'ita 5:10

Manuna 'oyo 'uesinuwedi be 'aene 'imu 'ebeloina solanaya sida etotaliya Yaubada manuna, be wate bale'uya sida etoloina.”