Ibeliu 12:27 - Loina Tabu Auwauna NT

²⁷ Gete nadigega 'ieona'esa manuna yage mwelumweluluidi 'ida gieloniuyedi, be 'enega yage nidi nigeya sipa'apa'ala sida be'u, be yage pa'alidi sida toolo ataya.

Ibeliu 12:27 Σταυροειδείς Αναφορές

Madiu 24:35

Ma'etamo galewa ta bale'u sisasawala, ta 'igu onao geya'abo sa'i sisawasawala.

Loma 8:19

manuna Yaubada 'ina mwelumweluluwao maibo'adi siyamwayamwa be nuwanuwadi sinabwana be 'aene natunao nida 'ida gieapweseda be sida 'itada.

Loma 8:21

manuna 'etamo Yaubada 'igieauwaudi be geya'abo sidaudaula, ta esi 'idi miya bobo'ana 'ida 'ebwa'edi, nadigega 'abo'ada natunao nida.

1 Kolinita 7:31

be wate geya'abo bale'u gete yagenao manudi wanuwanuwa wawasae, manuna tuta gidalina be sisasawala be bale'u gete 'igugumwala.

Ibeliu 1:10

Ta 'ebweu wate 'ina ona natunana 'ena 'igwae, “'Inapwana ye, tuta nugana 'ena bale'u 'umweluluina ta nimamuyega galewa 'uguinuwena.

Ibeliu 13:14

Manuna bada bale'uya nigeya 'ebweu 'ida 'asa miyamiya atayana 'imiyami, 'enega 'ilobweneda be 'asa miyamiya atayana tuta 'imeemai manuna tada 'ebese.

Ibeliu 9:11

Manuna Keliso 'ina taliya 'enega miya bobo'ana wawasae 'i'ebwa'eda, ga mali Anuwa Tabu 'ena 'ilugu, ta anuwa nina sinabwana ta bobo'ana. Manuna tomota nigeya si'abi'abi sena gete bale'u 'enaya.

E'ita'ita 11:15

'Enega anilose esebenina 'ina yoguli 'imu'ena, ta galewega 'enadi sinabwana 'enega sigwaegwae, “To'etoseyana nina maTamana Yaubada ni'atu sietoloina bale'u 'ina 'ebeloinao maibo'adi 'ediya, ta geya'abo 'idi loina nina 'igumwagumwala.”

E'ita'ita 21:1

'Enega galewa be bale'u auwaudi ya'itedi siapwesa, ta nigeya ola, ta esi gimigalewa be gimibale'u ni'atu sikwaiya.

E'ita'ita 21:4

be mataseludi 'ida lo'i'ilidi, manuna geya'abo wate mwawasa nai 'elouya nai dedoi 'ediya 'iapweapwesa, manuna miya kadekadelina ni'atu 'igumwala.

E'ita'ita 21:5

'Enega 'ebemi esaesa 'ana tomiya nina 'igwae, “Yage yaudi yada gieauwaudi”, ga wate 'igwae, “Ona getedi 'u'etoladidi, manuna ona 'ai'aila ta palupaluna.”