Ibeliu 12:11 - Loina Tabu Auwauna NT

¹¹ Ona'ai'aila, tuta nina 'abo 'inapwana 'ebweu 'isapida ta'elouya sinabwana ta geya'abo tagwaugwausowala, ta esi 'abo 'igiepaepaluyeda 'etamo uwana bobo'ana taloba, nate bubuna palupaluna be miya siwalowa.

Ibeliu 12:11 Σταυροειδείς Αναφορές

Loma 14:17

Ta esi wada nuwa'i'isi 'aene Yaubada 'ina 'ebeloina nigeya masula be bwasi manudi, ta esi bubuna bobo'ana be nuwasiwalowa be gwausowala, Yaluyaluwa Tabuna 'enega, manudi.

2 Kolinita 4:17

'Elouya nidi gete tuga kapekapeyadi be tuta kukupana namo 'ediya talobalobadi, ta esi sigiewaiwaiyeda be 'aene 'ida esaesa bobo'ana wawasae ta miyamiya atayana ma'etamo ta'ewa.

2 Timoti 4:8

'Enega ma'etamo 'ida 'Inapwana 'agu pali, bubuna palupaluna manuna, 'i'ebwa'egu. Ta pali nina ni'atu manugu 'igibubuna ga 'imiyami. Ta 'Inapwana nina ma ina loina palupaluna, 'abo 'asiyata nina 'iapwesama, 'abo'ada 'ina ilalimanama 'ana toyamwanao 'ada pali 'i'ebwa'eda.

Ibeliu 12:10

Manuna tamadao bale'uya taudimo 'idi nuwanuwa 'ediyega sisapida ta sigiepaepaluyeda tuta kukupana namo manuna, ta Yaubada esi 'isapisapida 'ada lema manuna be 'aene 'igie'esaseda be tada bubuna bobo'ana tauna 'ina bubuna nadigega.

Ibeliu 5:14

Ta 'abo yaisigedi 'idi mwalatoi 'imatuwa, taudi 'atuwa masula pa'alina 'ana to'aiyao, manuna nuwadi ni'atu 'isabwalena ga sawesawediya siesinuwa to'ase bobo'ana ta to'ase to'umalina.

1 Pita 1:6

'Enega wada gwausowala sinabwana, 'anabwa'ayoi tuta kukupana namo gete 'ena 'aina 'ebe tooyao mwaudi walobalobadi.

2 Pita 2:14

Ta 'idi loelata 'enega ga simatamata yauyau, ta 'idi loelata limalimana manuna nigeya tona'adi 'ida towa. Ta toneneta sianuganedi 'eda to'umalina 'ena, ta gwegwe 'ana nuwa'ewa 'ediya 'isinabwa wawasae. Ta Yaubada ma'etamo 'ie'isadi 'idi bubuna to'umalina manuna.