Ibeliu 10:22 - Loina Tabu Auwauna NT

²² 'Enega Yaubada tada loselabe ma ida 'atetagwala be ma ida emisa 'ai'aila be 'enega ooda tada gie'esasedi bwasi bobo'ana 'enega, ta wate 'ida nuwanuwa sida 'esasa, manuna Yesu 'ina loseuseula 'enega 'ida nuwanuwa to'umalidi 'igie'esasedi.

Ibeliu 10:22 Σταυροειδείς Αναφορές

Madiu 3:11

“'Eguma wanuwa'ebuni 'abo'agu bwasiyega yada giebapitaisoemi, ta sa'i ma'etamo 'ebweu tai muliguyega 'imeemai, tauna 'isinabwa sinegu, ta nigeya 'ilobwelobwenegu be manuna 'ana 'aelawa ya'aali. Ta tai nina 'iabe 'imama be Yaluyaluwa Tabuna, nadigega 'awesabelulu, 'enega 'ida giebapitaisoemi.

Luke 1:1

Ye 'inapwana Tiopilo. Ni'atu tomota yaudi Yesu tetelina si'etoladina to'ase nadigega 'ina guinuwa 'edaya manuna.

Yoni 3:5

Ta Yesu 'iona limana, “Yasimana 'ai'aila 'aene 'eguma nigeya bwasiyega be Yaluyaluwa Tabuna 'enega 'utubutubuwa, geya'abo Yaubada 'ina 'ebeloina 'enaya 'ulugulugu.

Yoni 8:9

Ta gote 'ena Yesu 'ina ona sinonona ga 'idi loegesi sinuwedi, 'enega 'ebweuna 'ebweuna sitautauya. Taudi 'inapwanao sitauya nugana 'enega maibo'adi simuliya, ga siteluwa Yesu be waine nina 'itootoolo ma'iyana sipilisinedi.

Guinuwa 22:16

Ta to'ase sana 'uyamwayamwa? 'Utoolo be 'ana esana 'ubwauye, be 'enega 'ubapitaiso be 'aene 'imu to'umalinao 'uda 'utuyauledi.”

Guinuwa 8:21

'Oyo nigeya 'ima boda, ta esi 'ateyo 'ibubuna geyogeyoi Yaubada matanaya.

1 Kolinita 6:11

Manuna 'aimi lowa wabubuna nadigega, ta esi gete tuga Yaubada ni'atu 'i'utumi ga wa'esasemi, manuna 'ida 'Inapwana Yesu Keliso 'ana esanega, ta Yaluyaluwa Tabuna 'ina guinuwega, ni'atu 'igiepaepalumi.

2 Kolinita 7:1

Gosegwao, Yaubada 'ina onaoboboma getedi tada nonodi be ooda be yaluyaluwada tagie'esasedi yage baibailidi 'ediyega, be ta'esasa 'ai'aila ma ida 'amayaba Yaubada 'ena.

Epeso 3:12

be 'abo Keliso nina taemise ta'atepatu, be sawesawenaya talulugu Yaubada tauna matanaya, be tasidasida 'enaya.

Epeso 5:26

'ada gie'esasa manuna, nate 'ida to'umalina 'ana 'ebe'utu bwasina 'ina ona 'enega,

Epeso 6:5

'Omi topaisewao 'imi 'inapwanao bale'uya wada 'amayabedi, be 'idi ona waematamatanedi, nadigega Keliso 'ina ona waematamatana 'esena, ta geya'abo wate waenuenuwanaluwa.

1 Timoti 4:2

Toe'ita nidi tomota kabokabodi, ta 'idi kabo nidi manudi nigeya sida nuwanuwa.

Taito 3:5

ga 'i'etoseyeda, nigeya 'ida guinuwa palupaludi manudi, ta esi tauna 'ina 'atenuwa 'ole'oleyega. 'Enega 'ina Yaluyaluwa Tabuna 'enega 'ida to'umalinao 'i'utudi, ga 'igie'esaseda, ta yawasida auwauna 'i'ebwa'eda.

Ibeliu 10:1

Ma'etamo be 'ebe gwausowala 'ai'aila 'edaya 'iapwesama, ta Mosese 'ina loina 'atuwa ma'ama'ayau namo ta nigeya 'ebe gwausowala 'ai'aila. Mosese 'ina loina nina 'aene yakwala be yakwala yobai siunuunudi be Yaubada 'enaya sitalitaliyaedi, ta guinuwa nidi nigeya sawesawenaya be 'igiepaepaluyedi.

Ibeliu 10:19

Gosegwao, Yesu lalana manuda ni'atu 'idau, 'enega ma ida 'atepatu talulugu Yaubada 'ina Sena Tabu Wawasae 'enaya,

Ibeliu 11:28

Ta wate 'ina emisega Ataona Sagalina 'iguinuwena ga lalega 'idi anuwao siloseuseulidi, be geya'abo tomatuwao 'adi toloemwawasa 'ediya 'ilugulugu be 'iunuunudi.

Ibeliu 12:24

ta wate Yesu 'ena, tauna loina auwauna 'ana to'ebwaya nina ga lalana 'ana loseuseula 'enega 'i'etoseyeda, ta nigeya nadigega Ebeli lalana, manuna nate 'ebe esilae.

Ibeliu 4:16

'Enega ma ida 'atepatu talalaga be tasidasida 'ada Toloina nina 'ena, be 'enega 'ida miyamwau 'ediya 'ida 'atenuwa 'ole'oleyeda, be wate 'ilemeda.

Ibeliu 6:11

'Enega nuwanuwagu be 'omi 'ebweuna 'ebweuna waetapewa, be 'aene 'imi emisa uwana maibo'ana tuta muliyega waloba.

Ibeliu 9:10

'eguma loinao nidi tomota simulimuliyedi masula be bwasi be mali esiwe be mali esiwe manudi. Manuna lowa loina nina kadekadelina Yaubada 'isa'una ga 'imiyami 'ana laba Keliso 'iapwesa be loina 'isa'u gelase.

Ibeliu 9:19

Manuna loina maibo'adi 'isimanedi tomota 'ediya, ga 'enega bulumakau gidalidi be goti laladi bwasi ma'iyana 'inekwasinaya 'i'ewena, ga sipi 'uya'uyana bweyabweyalina 'i'ewena ta kaiwe 'ana esana isopa matanaya 'ibadiyena ga lala be bwasi solanaya 'iepwasena, ga 'enega buki be tomota 'iloseuseulidi,

Yemesa 1:6

Ta wada sidasida ma imi emisa 'ai'aila ta geya'abo ma imi enuwanaluwa, manuna taudi ma idi enuwanaluwa taudi nadigega lisu silasalasa bwagabwagaya, 'abo yagila 'isiyesiyeyedi.

Yemesa 4:8

Ta wada mai Yaubada selabenaya be 'enega tauna wate 'ida wai selabemiya. Ta 'omi to'umalimi ta kabokabomi nimami wada 'utudi be 'atemi wada gie'esasedi,

1 Pita 1:2

'Omi lowa Yaubada 'inuwena be 'aene 'ida esinuwemi 'ina tomotaiyao, 'enega 'ina Yaluyaluwa Tabunega ni'atu 'igie'esasemi, nate Natuna lalanega, be 'aene Yesu Keliso nina 'enana wada ematamatane. Oboboma be nuwasiwalowa sida sinabwa 'emiya.

1 Pita 3:21

Bwasi nina gete 'ie'ita 'ai'aila 'edaya 'aene gete tuga bwasi nina 'ebe bapitaiso 'i'etoseyeda. Ta bapitaiso nina 'enega nigeya 'aene bwalada 'ana 'utu namo manuna, ta esi 'ida sidesidega Yaubada 'ateda 'igie'esasadi, Yesu Keliso 'ina toololimana 'enega,

E'ita'ita 1:5

Ta Yesu Keliso tauna Tosimana 'ai'aila, ta wate tauna mwawasega 'igimi toololimana, ta bale'u 'ana toloinao 'idi kini. Tauna Yesu nina 'iobobomeda ga 'ida loegesiyao lalanega 'i'utu yauledi.