Ibeliu 10:12 - Loina Tabu Auwauna NT

¹² Ta Keliso esi ma'ebweuna 'italiya bubuna to'umalina manuna, ga 'ina taliya nina tuta maibo'ana 'ediya sawesawenaya, ga 'ina taliya mulinaya Yaubada 'atainaya 'imiyatowa,

Ibeliu 10:12 Σταυροειδείς Αναφορές

Maki 16:19

'Ida 'Inapwana Yesu 'ina emataluwa 'ediya ni'atu 'ilosalonina ga 'itu'e galewaya, ga Yaubada 'atainaya 'imiyatowa.

Loma 8:34

Ga wate nigeya sawesawenaya be 'ebweu yaita 'ina ona mwauna 'edaya 'isa'u, manuna Yesu Keliso ni'atu manuda 'imwawasa ga mwawasega 'itoolo limana, 'enega gete tuga Yaubada 'atainaya 'imiyami, ta manuda 'isidasida.

Epeso 5:2

be wate wada eoboobobomemi nadigega Keliso 'ioboboma 'eseda, ga tauna 'itagwalena ga 'italiyaena Yaubada 'enaya manuda, ga 'imwawasa.

Kolose 3:1

Manuna Keliso ma'emi ni'atu watoolo limana, 'ilobwenemi be galewa yagenao wa'ebesedi, manuna Keliso nina Yaubada 'atainaya galewaya 'imiyamiya.

Ibeliu 1:3

Ta Yaubada natunana tamana 'ina maedana 'imaemaedanae ta tauna Yaubada 'ilowa'eluna. Ta 'ina ona waiwaina 'enega yage maibo'ana galewaya ta bale'uya 'igiyagiyaidi. Ta 'ida to'umalinao 'ediyega 'igie 'esaseda, ga muliyega Yaubada Toloetana sana 'atainaya 'imiyatowa.

Ibeliu 10:10

Ta Yaubada 'ina nuwanuwa be Yesu Keliso bwalana 'italiyae sabi gie'esaseda 'ina mwawasa ma'ebweuna namo 'enega.

Ibeliu 10:14

Manuna 'ina taliya 'ebweuna namo, ta sawesawenaya be tuta maibo'ana 'ediya 'igie'esaseda be 'igie bobo'aneda.

Ibeliu 5:1

Totaliyao sinabwadi Yaubada 'iesinuwedi ga 'iaseyedi, be tauna matanaya sitalitaliya 'abo'ada tomota 'ida bubuna to'umalidi manudi.

Ibeliu 5:3

'Enega taudi 'idi to'umalinao manudi, ta wate tomota yaudi 'idi to'umalinao manudi, sitalitaliya Yaubada 'ena.

Ibeliu 7:27

Ta gimi totaliyao 'asiyata 'ebweuna 'ebweuna Yaubada 'ena sitalitaliya, taudi 'idi to'umalinao, ta tomota wate 'idi to'umalinao manudi. Ta Yesu ma'ebweuna namo oona 'itagwalena ga 'italiyaena Yaubada 'ena manuda.

Ibeliu 8:1

'Igu ona maibo'ana 'alena gete 'aene 'ida totaliya sinabwana, ta gete tuga Toloetana sana galewaya 'ina 'ebemi esaesa 'atainaya 'imiyami.

Ibeliu 9:12

'Enega Yesu Sena Tabu Wawasae 'ena 'ilugu ma'ebweuna ga lala 'enega 'iguinuwa, ta lala nina nigeya yobai laladi, goti nai bulumakau gidalidi laladi, ta esi tauna lalana ga 'enega 'ada gie'esasa ataya talobena.

Ibeliu 9:14

Ta esi Keliso lalana 'ebe gie'esasa bobo'ana wawasae, manuna 'ateda 'igie'esasedi be 'aene guinuwa besobeso taguitoyasedi, ta Yaubada nina mayawasina 'ina guinuwao taguinuwedi. Manuna Yaluyaluwa Tabuna miyamiya atayana Keliso 'igiewaiwaiyena, ga tauna ma ina bubuna maibo'ana palupaluna ta nigeya 'ebweu wate to'umalina 'enaya, 'enega tauna 'italiyaena Yaubada 'enaya, nate 'imwawasa 'abo'ada 'ida 'esasa manuna.