Ibeliu 10:1 - Loina Tabu Auwauna NT

¹ Ma'etamo be 'ebe gwausowala 'ai'aila 'edaya 'iapwesama, ta Mosese 'ina loina 'atuwa ma'ama'ayau namo ta nigeya 'ebe gwausowala 'ai'aila. Mosese 'ina loina nina 'aene yakwala be yakwala yobai siunuunudi be Yaubada 'enaya sitalitaliyaedi, ta guinuwa nidi nigeya sawesawenaya be 'igiepaepaluyedi.

Ibeliu 10:1 Σταυροειδείς Αναφορές

Loma 8:3

Li'ama gete Mosese 'ina loina nigeya sawesawenaya, manuna bubuna tomota nenetana, ta esi Yaubada 'iguinuwena, manuna natu 'ai'ailina 'itagwalena ga 'imai bale'uya ga 'abo'ada toto'umalida bwalada 'i'otena, ga 'ida to'umalina manuna 'italiya ga to'umalina nina 'iewaiwai sinena,

Kolose 2:17

Yage getedi 'ebe'ita tuga, ta 'adi mwalatoi 'ai'aila Keliso tauna 'igieapwesedi.

Ibeliu 10:22

'Enega Yaubada tada loselabe ma ida 'atetagwala be ma ida emisa 'ai'aila be 'enega ooda tada gie'esasedi bwasi bobo'ana 'enega, ta wate 'ida nuwanuwa sida 'esasa, manuna Yesu 'ina loseuseula 'enega 'ida nuwanuwa to'umalidi 'igie'esasedi.

Ibeliu 7:11

Libai tubunao taudi 'idi guinuwa Yaubada 'ina loinao me Isileli sie'itada, ta loina nina nigeya sawesawenaya 'igiepalu 'ai'ailida, 'enega nuwanuwada 'ebweu totaliya auwauna be 'igiepaluda. Totaliya nina nadigega Melikisedeki, ta nigeya Eloni matubunao nadigega.

Ibeliu 8:5

Ta 'idi 'ebe taliya nina Anuwa Tabu solanaya. Ta Anuwa Tabu nina bale'uya 'ebe'ita nai ma'ama'ayau tuga, ta Anuwa Tabu 'ai'ailina galewaya 'imiyami. Manuna lowaenei muliyega be Mosese gimi Anuwa Tabu 'i'abiya, ta Yaubada 'iemataluwena, 'igwae, “Mosese, 'unuwa'i'isi anuwa nina 'ana 'ita maibo'ana ni'atu 'oyaya yae'itemu, maibo'ana 'uetotowane be 'igu Anuwa Tabu nina 'u'abi.”

Ibeliu 9:11

Manuna Keliso 'ina taliya 'enega miya bobo'ana wawasae 'i'ebwa'eda, ga mali Anuwa Tabu 'ena 'ilugu, ta anuwa nina sinabwana ta bobo'ana. Manuna tomota nigeya si'abi'abi sena gete bale'u 'enaya.

Ibeliu 9:23

Anuwa Tabu 'ana gwegweyao galewaya simiyami, ta 'adi ma'ama'ayau bale'uya Mosese 'iguinuwedi, ga 'ilobwenena be lala 'ana guinuwega 'itataliya Yaubada 'enaya be 'igie'esasedi, ta esi yage nidi galewaya 'adi gie'esasa taliya bobo'ana wawasae 'enega, nate Keliso lalanega.

Ibeliu 9:25

Keliso nina geya'abo tuta yauna tauna bwalana 'i'ebwa'ebwaya nai 'italitaliya Yaubada 'enaya, nadigega yakwala 'ebweuna 'ebweuna Sena Tabu Wawasaena solanaya totaliya sinabwana 'ilugulugu be lalega 'italitaliya, ta lala nina nigeya tauna lalana.