Ibeliu 1:2 - Loina Tabu Auwauna NT

² Ta 'ebe losalowa 'abo'ada 'ida tutaya, 'ina onao 'isimanedi 'edaya, natuna 'enega. Yaubada natunana 'iesinuwena, be yage maibo'adi 'ediya 'ietoloina, ta lowaenei natunana ma'iyana yage maibo'ana simweluluidi.

Ibeliu 1:2 Σταυροειδείς Αναφορές

Madiu 13:39

ta pwatula 'ana tolelewana nate tauna Seitani, ta tuta sesoi nate tuta 'ana 'ebe losalowa, ta tosesoi taudi aniloseyao,

Madiu 17:5

Pita 'ina ona ma'etamo nigeya 'ilosalosaloni ta pwana maedanina 'italaekabobodi, ta pwana 'enega 'enana 'ebweu sinonona, 'igwae, “Gete natugu bobo'ai'ailina, tauna manuna yagwausowala sinabwana, 'enega 'ina onao wada nonodi.”

Madiu 21:38

“Ta natunana 'iapwesa 'ediya ga to'ita'i'itao nidi taudimo 'ediya sigwae, ‘Gosemao, tai gote 'imeema, tauna 'inapwana nina natuna 'ebweuna namo tuga, 'enega batuwa nina taloemwawasi be 'abo'ada bagula taloine.’

Madiu 26:63

Ta Yesu tuga 'i'alaenono. 'Enega totaliya sinabwana Yesu 'ieonena, “'Uona 'ai'aila Yaubada matanaya, mwa'adega 'oyo To'etoseyana niyo, ta Yaubada natuna, nai nigeya?”

Madiu 28:18

'Enega Yesu 'imai 'ediya ta 'ieonedi, 'igwae, “Tamagu loina maibo'ana galewaya ta bale'uya ni'atu 'i'ebwa'egu.

Madiu 3:17

Ta sa'i 'ebweu 'enana galewega 'ionama 'igwae, “Nate natu'ai'ailigu. Tauna manuna yagwausowala sinabwana.”

Maki 1:1

Gete tetela bobo'ana To'etoseyana Yesu, Tauna Yaubada natuna, tetelina 'ana 'ebe e'ale.

Maki 12:6

“Gote 'ena 'ebweuna namo 'imiyami, tauna natu'ai'ailina. 'Enega tauna wate 'ietunena 'ediya, 'igwae, ‘Tauna sana natugu, 'enega sida 'amayabe.’

Maki 12:7

“Ta ni'atu natuna 'iapwesa 'ediya ga to'ita'i'itao nidi taudimo 'ediya sigwae, ‘Gosemao, 'Inapwana gete natuna 'imeemai, 'enega batuwa nina taloemwawasi be 'abo'ada bagula taloine.’

Yoni 1:10

Tauna ni'atu 'imai bale'uya ga bale'uya 'imiyami, ta tauna tuga bale'u 'ana tomweluluwa, ta tomiya bale'u nigeya simwalamwalatoni yaita tauna.

Yoni 1:14

Ona nina ni'atu 'edaya 'ietomotai, ga 'ina esaesa 'ena 'a'itena, tosinabwa sana 'ituyayalina, manuna tauna Yaubada natu'ai'ailina, ta wate tauna tooboboma ta adelina palupaluna maibo'ana.

Yoni 1:3

ta Ona nina, tauna Keliso, Yaubada ma'iyana yage maibo'adi simweluluidi, ta nigeya 'ebweu wate yaita tomweluluwa, ta Ona nina tuga.

Yoni 13:3

Yesu ni'atu 'imwalatonina 'aene Yaubada yage maibo'adi 'i'ebwa'ena be tauna 'ida loina, ta wate 'imwalatonina 'aene tauna Yaubada 'enega 'imai, be wate Yaubada 'ena 'ida ila.

Yoni 13:32

Ona'ai'aila, Yaubada tauna 'enega 'igu esaesa 'ida gieapwese manini.

Yoni 15:15

Lowa ya'awa toguinuwaemi, ta esi tuta gete 'enaya ya'awa'awa gosiyanemi, manuna toguinuwao nigeya wate 'ilobwelobwenedi be 'idi 'inapwana 'ina nuwanuwa sida mwalatoni. Ta esi yada 'awa gosiyanemi, manuna to'ase nadigega Tamagu 'enega yanononaya ni'atu yasimanedi 'emiya.

Yoni 16:15

Ta wate to'ase nadigega Tamagu 'ina yage, maibo'ana 'abo'agu tuga 'igu yage. Nate 'enega yagwae, ‘'Igu sinasinapuyega 'emiya 'ida e'ita.’ ”

Yoni 17:2

Manuna 'oyo loina 'u'ebwa'egu tomota maibo'adi manudi, be 'enega 'abo'agu yawasi ataya yada 'ebwaya taudi maibo'adi 'u'ebwa'eguya 'ediya.

Yoni 3:16

Ta Yaubada sa'i tomota maibo'adi bale'uya 'iobobomedi ga natuna tebweuna 'itagwalena be 'enega yaisigedi tauna 'ena siemisa, geya'abo simwawamwawasa ta esi yawasidi ataya sida loba.

Yoni 3:25

Ta Yoni 'aina 'ana tomuliyao ta 'ebweuna Yudia taina ma'edi siegewagewana bapitaiso manuna, 'aene yaita 'ina bapitaiso bobo'ana be tomota 'ida gie'esasedi.

Yoni 5:26

Tamagu tauna yawasida 'alena, 'enega ni'atu 'itagwala 'eguya be 'abo'agu wate yawasi 'alena.

Yoni 5:27

Ta wate bwa'omatana 'ana loina 'i'ebwa'eguya be yada guinuwedi manuna 'abo'agu yaetomotai bale'uya.

Yoni 9:29

manuna ni'atu 'amwalatonina 'aene Yaubada 'ina simana Mosese 'enaya, ta esi tai nina Yesu nigeya 'amwalamwalatoni mane 'enega 'imai.”

Guinuwa 10:36

Ta To'etoseyana Yesu, tauna maibo'ada 'ida 'Inapwana, ga Yaubada 'ina tetela bobo'ana Yesu 'i'ebwa'ena, 'abo'ama me Isileli 'ima 'ebe gwausowala manuna. Ta 'omi tetela nina wamwalamwalatoni,

Guinuwa 2:17

‘Yaubada 'ina simana gete nadigega 'igwae, “Ma'etamo tuta 'ana 'ebe losalowa 'enaya, yaluyaluwagu yada 'etosiwa tomota maibo'adi 'ediya, be natumiyao me'olotodi nai mewainedi sida loguguya, be 'imi tubuwauyao sida 'enomata'ita'ita, ta 'imi 'inapwanao sida madawala.

Loma 1:4

ta muliyega Yaluyaluwa Tabuna 'ina waiwaiyega Yaubada 'ida 'Inapwana nina mwawasega 'igietoolo limena, ga 'ie'ita apwesena 'aene Yesu Yaubada Natuna.

Loma 8:17

Be 'enega oboboma nidi natuna Yesu Keliso manuna 'isa'u bubuna, 'iabe Yesu ma'edai oboboma nina leleleya taloba Yaubada 'enega. Manuna 'abo Keliso ma'edai 'elouya taloba, ma'etamo wate ma'eda 'ida esaesa talobai.

1 Kolinita 2:7

ta esi mwalatoi nina Yaubada 'enega lowa kwaikwaiyina, ta gete tuga ni'atu 'igie apwesenama. Manuna muliyega be bale'u 'imweluluina, nugana nuwanuwana be 'ida 'ebe gwausowala nina 'ida 'ebwa'eda.

1 Kolinita 8:6

Ta 'abo'ada Yaubada taemise 'aene Tamada nina, ta tebweuna namo, ga yage maibo'adi 'ibubudi, ta wate 'abo'ada 'ibubuda, tauna manuna. Ta wate 'ida 'Inapwana taemisena 'aene tebweuna namo, Yesu Keliso, ta Keliso nina 'enega 'abo'ada Yaubada 'ibubuda, ta wate yage maibo'adi 'ibubudi.

Galetia 4:4

ta muliyega Yaubada natuna 'ina tuta bobo'ana 'ilobena, ga natuna 'ietunenama, ta sinana 'ienatunena, ga 'ietomotai 'emaya, nate 'abo'ama Mosese 'ina loinao siyoniyonima, be 'ediyega 'ida 'etoseyema, ta 'omi wate 'ida 'etoseyemi, be Yaubada maibo'ada ida 'awanatuneda.

Epeso 1:10

ta 'ina loina nina gete 'aene tuta 'ana 'ebe losalowa 'enaya Keliso yage maibo'adi 'ida egogonedi be sida e'ebweu, nate yage galewaya be wate yage bale'uya yauyaudi 'isa'u egogonedi matanaya.

Epeso 3:9

be wate tomota maibo'adi sida mwalatoni 'aene Yaubada tauna yage maibo'adi 'adi tomweluluwa, ta tuta dudulana 'ediya 'ina nuwanuwa 'ikwaiyena, ga ni'atu 'igieapwesena,

Ibeliu 1:5

Manuna nigeya 'ebweu tuta Yaubada 'ebweu anilose 'ena 'ida gwae, “'Oyo natugu, batuwa tuga ya'awa natunemu.” Nai wate 'ebweuna manuna 'igwae, “'Abo'agu 'eguya 'ida 'awatamana, ta tauna 'ena yada 'awanatuna.” Ona nidi getedi natuna namo manuna 'ionaedi.

Ibeliu 1:8

Ta esi natunana manuna 'igwae, “'Oyo Yaubada ma imu loina palupaluna 'uda loina ataya.

Ibeliu 11:3

'Abo'ada wate 'ida emisa 'enega tamwalamwalatoni 'aene Yaubada 'ina ona 'enega bale'u maibo'ana 'imweluluina, 'aene yage nidi nigeya tada 'itedi 'ediyega yage nidi ta'ita'itadi 'imweluluidi.

Ibeliu 2:3

'Abo'ada wate 'abo 'etoseyana nina sinabwana taguitoyasei, bwa'omatana taloba, ta nigeya kapekapeyana tadedena 'enega. Ona nina 'etoseyana manuna 'ida 'Inapwana Yesu 'igimisimana apwesena, 'enega 'ina onao 'ana togimi nonoyao 'abo'ada si'ebwa'eda.

Ibeliu 3:6

Ta Keliso Yaubada 'ina anuwaya 'ietapewa nigeya toguinuwa 'atuwa ta esi tauna natu 'ai'ailina. 'Abo'ada Yaubada 'ina anuwa nina tuga, 'eguma taemisa ataya ma ida 'atepatu be ma ida gwausowala.

Ibeliu 4:14

'Ida totaliya sinabwana ta bobo'ana 'imiyami, tauna Yesu, Yaubada Natuna, ni'atu manuda 'itu'e galewaya, 'enega 'ida emisa 'enaya tagiyai'i'isi.

Ibeliu 5:8

Yesu nina Yaubada natuna, ta tuwa tuga 'elouya 'ilobena ga 'ina 'alama'i'itega 'iematamatana 'ai'aila,

Ibeliu 7:28

'Epata nuganuganidi 'ediya Mosese 'ina loinega tomota mayaluyaluwa nenetadi sietotaliya sinabwana, ta muliyega Yaubada 'ina onaupaupa 'enega Natuna tauna adelina palupaluna 'ietotaliya ataya.

Ibeliu 7:3

Ta Melikisedeki nina nigeya tamanamo ta nigeya sinanamo, ta wate nigeya 'ina susumo, ta 'ina tubuwa be 'ina mwawasa nigeya 'adi mwalatoimo, ta esi 'atuwa nadigega Yaubada natuna 'ietotaliya ataya Yaubada 'enaya.

Ibeliu 9:26

Ona'ai'aila, 'eguma Keliso 'ina guinuwa taudi totaliyao sinabwadi nadigega, 'ida mwawasa limalimana bale'u 'ana mweluluwa 'enega ga batuwa. Ta esi ma'ebweuna namo tuga, tuta 'ana 'ebe losalowa gete 'enaya, bwalana tauna 'italiyaena, bubuna to'umalidi 'adi nuwatau manuna.

1 Pita 1:20

Yaubada Keliso nina 'igimi esinuwena 'ina guinuwa gete manuna, ta muliyega bale'u 'imweluluina, ta ni'atu tuta 'ana 'ebe losalowa 'enaya Keliso nina 'iapwesama, 'abo'ada manuda.

2 Pita 3:3

Ta 'ebweu yage wada gimimwalatoni 'aene tuta 'ana 'ebe losalowa 'enaya 'aina totuyeya sida apwesa, be 'Inapwana 'ina 'eda manuna sida onaona besobeso, ta situyetuyeya, be taudi 'idi nuwanuwa to'umalidi simuliyedi,