Ibeliu 1:14 - Loina Tabu Auwauna NT

¹⁴ Ta aniloseyao taudi yaluyaluwa tuga ta toepilialeale, taudi Yaubada 'isa'udi be 'aene silemeda 'abo'ada, yaisigedi 'abo 'etoseyana manuna 'iesinuweda.

Ibeliu 1:14 Σταυροειδείς Αναφορές

Madiu 1:20

Ta Yosepa 'ina nuwanuwa ma'etamo 'ipaipaisewa, 'enega 'ina tuta 'enoya madawalega Yaubada 'ina anilose 'ebweu 'ieonena, 'igwae, “Yosepa, 'oyo Debida tubuna, geya'abo 'unuwanuwa mwau Meli 'ina 'euwana manuna, nate Yaluyaluwa Tabuna 'enega, 'enega tuwa tuga 'uda 'au'ewa mwaneyo.

Madiu 13:41

Ta Tomota Natuna 'ina aniloseyao 'ida etunedi be to'umalina 'ana toe'itao be 'ana toguinuwao sida egogonedima be 'ina 'ebeloina 'enega

Madiu 18:10

“Gogama gete nadigega geya'abo 'ebweuna 'ediyega wae'idi'idiye. Ona'ai'aila, gogama nidi 'idi aniloseyao tuta maibo'ana galewaya Tamagu matanaya simiyami, ta siduneduneye.

Madiu 2:13

Tuta muliyega 'ebweu anilose madawalega Yosepa 'enaya 'iapwesa ga 'iemataluwena, 'igwae, “'Utoolo be gwama masinana 'u'au'ewadi be wadedena sena Itipita 'ena be nada wamimi be 'ana laba yaemataluweyo, ta 'enega waila limanama. 'Imi dena gete 'alena, manuna Elodi 'iabe gwama nate 'i'ebese be 'aene 'iloemwawasi.”

Madiu 24:31

Ta wate yoguli sida mu'e be 'igu aniloseyao yaetunedi be 'igu boda esiesinuwadi siegogonedima bale'u maibo'ana ta yagila maibo'adi 'idi sena 'ediyega.

Madiu 25:34

be 'enega toloina 'abo'agu taudi 'ataiguya yada eonadi be yada gwae, ‘'Omi Tamagu 'ina obobomega wada gwausowala, wamai be 'imi 'ebeloina nina bale'u 'ana mweluluwa'unu 'enega 'igibubunaya manumi wada 'ewa.

Madiu 4:11

'Enega Seitani Yesu 'ipilisinena, ga muliyega aniloseyao siapwesa ga silemena.

Maki 10:17

Ga Yesu 'itoolo be 'aene 'itatauya, ta 'ebweu tai 'ipilima ga 'i'aetulasa Yesu matanaya ta 'igwae, “'Inapwana, yamwalamwalatoni 'aene 'oyo toe'ita bobo'ana, 'enega to'ase yada guinuwe be 'enega yawasigu ataya yaloba?”

Luke 1:19

Ta anilose nina 'igwae, “'Abo'agu Gebeliela, ta tuta yauna Yaubada matanaya yatootoolo, ta gete tuga Tauna 'ietuneguma be ale gete bobo'ana yasimane 'emuya.

Luke 1:23

Ta Sakalaya 'ina taliya 'ana 'asiyatao sigumwalaya ga 'iila limana 'ina 'asaya.

Luke 16:22

Ga tuta nina Lasalo 'imwawasa aniloseyao si'au'ewena ga Ebelaamo selabenaya sisa'una topalupaludi 'idi senaya. 'Enega muliyega wate toesaesa nina 'imwawasa ga sisa'u 'ali'aliyena,

Luke 2:13

Ta tuta nina 'enaya anilose wate yaudi siapwesa, ga Yaubada situputupu,

Luke 2:9

ta 'Inapwana 'ina anilose 'iloesalutuidi ga 'ituyayalidi ta maibo'adi simatauta.

Guinuwa 11:22

Taudi nigeya me Yudia, ta ni'atu siemisa 'Inapwana 'enaya, 'enega tetelidi 'i'elelewana ga toekalesiyao Yelusalema 'ena sinonona, 'enega Banaba sietunena be 'iayausidi.

Guinuwa 12:23

Tuta gote 'ena Yaubada 'ina anilose Elodi 'iununa, manuna Yaubada 'ana tupu 'isa'ubalena tauna 'enaya, ga ipwaipwa solana si'enina ga 'imwawasa.

Guinuwa 12:7

Ga Yaubada 'ina anilose 'ebweu manini 'iapwesa ga deli solana 'imaedana, ga anilose nina Pita lesulesuna 'isapina, ta 'ilowanowanona, ga 'igwae, “'Utoolo manini,” ga 'ana 'ebe yonao nimanega sibe'u.

Guinuwa 13:2

Taudi sitapwatapwalolo ma idi 'ebotana Yaubada 'ena ga Yaluyaluwa Tabu 'ieonedi, 'igwae, “Nuwanuwagu Banaba be Saulo 'igu guinuwa 'ebweuna manuna, 'enega wada tagwaledi guinuwa nina 'ena.”

Guinuwa 16:26

ta mwani'ini'i sinabwana 'iniuniu ga silosuyaedi, ta anuwa deli 'ana 'autui 'iloniu, ga deli nina 'ana 'awao si'egegedi, ta 'enega tolugu nidi 'aedi 'adi talayainao sieli'amidi taudimo.

Guinuwa 27:23

manuna guluwanai 'igu Yaubada nina, tauna yaemisena, 'ina anilose 'imai ga selabeguya 'itoolo,

Guinuwa 5:19

Ta boiboiya, 'Inapwana 'ina anilose 'ebweuna deli 'ana 'awa 'igigegena, ga 'i'au'ewa apwesedi,

Loma 11:14

be 'enega me Yudia, 'omi nigeya me Yudia sida e'ipi'ipiyemi, be 'idi e'ipi'ipi nina 'enega 'ida giesana iledi, be 'etoseyana siloba Yaubada 'enega.

Loma 13:6

Wate 'ilobwenena be 'ida takisi tada 'ebwa'edi, manuna taudi Yaubada 'iesinuwedi ga 'ida bobo'ana manuna sipaipaisewa.

Loma 15:16

be 'aene Yesu Keliso manuna yada etosimana 'omi nigeya me Yudia 'emiya. 'Igu paisewa gete 'ena 'atuwa nadigega taliya yaguiguinuwe be 'enega Yesu tetelina wada nono, be muliyega yada 'ebwayaemi Yaubada 'enaya, manuna Yaluyaluwa Tabuna ni'atu 'igie'esasemi ga Yaubada manumi 'igwausowala sinabwana.

Loma 15:27

manuna taudimo gete nadigega 'idi nuwanuwa. Ona'ai'aila, 'ilobwenena be me Yelusalema 'adi lema sida loba me Esia 'ediyega, manuna nugana me Yelusalema 'ediyega Keliso tetelina me Esia nidi sinonona, yaluyaluwadi 'adi lema manuna, 'enega taudi sa'i bale'u gwegwenao si'ebwa'ebwaya me Yelusalema 'ediya.

Loma 8:17

Be 'enega oboboma nidi natuna Yesu Keliso manuna 'isa'u bubuna, 'iabe Yesu ma'edai oboboma nina leleleya taloba Yaubada 'enega. Manuna 'abo Keliso ma'edai 'elouya taloba, ma'etamo wate ma'eda 'ida esaesa talobai.

1 Kolinita 1:21

Manuna sinasinapu bale'u geya'abo sa'i 'enega Yaubada tamwalamwalatoni. Ta esi Yaubada 'ina nuwanuwa, ta 'ina tetela 'ana loguguya namo 'enega, 'ana toemisao 'abo'ada 'i'etoseyeda. Tetela nina me bale'u sieyage besobesoena,

2 Kolinita 9:12

'Imi 'ebwayadaita gete 'enega toekalesiyao gomagomabesodi 'adi lema silobaloba, ta wate Yaubada 'ana tupu sinabwana 'ida apwesa.

Galetia 3:29

be maibo'ada Ebelaamo 'ina susuyao, manuna maibo'ada Keliso 'ina bodao, 'enega Yaubada 'ina onaupaupa Ebelaamo 'enaya ta'ewena.

Galetia 3:7

be wada mwalatoni 'aene Yaubada 'ana toemisao taudi Ebelaamo natunao.

Galetia 3:9

'Enega tamwalatonina toemisao maibo'adi 'aene toemisa nina Ebelaamo ma'enao 'idi 'ebe gwausowala siloba.

Epeso 3:6

'aene 'omi nigeya me Yudia sawesawenaya be Yaubada 'ina 'etoseyana walobai, 'abo'ama me Yudia nadigega, ta 'ina 'etoseyana nina lowa 'iona upaupaenaya, ga Yesu Keliso tetelina 'enega talobena, ga taeboda 'ebweu.

Pilipai 2:17

Wate 'eguma 'iabe 'agu talauwalao siloemwawasigu, 'atuwa nadigega sitaliyaegu, yada gwausowala tuga, be 'omi wate wada gwausowala. 'Omi lowa wataliya Yaubada matanaya, tuta nina Yesu waemisena; ta 'igu mwawasa 'imi taliyao 'ida loeposeyanedi.

Pilipai 2:25

Ta gete tuga 'igu nuwanuwa 'aene 'ilobwenena be Epapilodito yaetune ilenawa 'emiya, tauna tasigu ta ma'iyagu 'apaipaisewa, 'atuwa nadigega 'alosalosaiya Yesu Keliso manuna. Epapilodito nina lowa 'agu lema 'emiyega 'ime'ena,

2 Tesalonaika 1:7

'Omi tomiyamwau yaeonami 'aene ma'etamo 'ida 'Inapwana Yesu galewega 'ida mwa'uta maninima, ma ina aniloseyao ta 'awe sabelulu wate 'ida me'e, be 'omi ta 'abo'ama 'ida 'ebe eyawai'ata 'ida 'ebwa'eda,

Taito 3:7

Ta taunamo 'ina obobomega 'i'awa palupaluyeda ga yawasida ataya 'ana nuwayaina 'i'ebwa'eda.

Ibeliu 10:11

Ta totaliyao maibo'adi Anuwa Tabu 'ena sitootoolo be 'asiyata 'ebweuna 'ebweuna 'idi taliyao nidi si'ebwa'ebwaya Yaubada 'ena, ta esi taliyao nidi nigeya sawesawenaya be bubuna to'umalidi si'ewa yauledi.

Ibeliu 2:3

'Abo'ada wate 'abo 'etoseyana nina sinabwana taguitoyasei, bwa'omatana taloba, ta nigeya kapekapeyana tadedena 'enega. Ona nina 'etoseyana manuna 'ida 'Inapwana Yesu 'igimisimana apwesena, 'enega 'ina onao 'ana togimi nonoyao 'abo'ada si'ebwa'eda.

Ibeliu 5:9

ga 'enega 'ina bubuna maibo'ana palupaluna. 'Enega 'abo'ada wate 'abo taematamatanei, 'etoseyana ataya Yesu nina 'enega taloba,

Ibeliu 6:12

Geya'abo waloogwautoyasa, ta esi 'abo'ama waetotowanema, manuna ma ima 'alama'i'ita 'aemiemisa be 'enega yage nidi Yaubada 'iona upaupaediya ta'ewadi.

Ibeliu 6:17

Yaubada nadigega nuwanuwana sinabwana be 'ina ona 'ai'aila 'abo'ada 'ie'itada 'aene to'ase ni'atu 'iona upaupaena 'edaya ma'etamo taloba, 'enega tauna 'ana esanega 'isawa tamatamana.

Ibeliu 8:6

Ta gete tuga Keliso 'ina guinuwa, guinuwa kadekadelidi 'ibobo'ana sinedi, nadigega wate 'ina loina gimi loina 'ibobo'ana sinena, manuna 'ina loina nina onaupaupa auwauna 'enega 'iapwesama. Ta onaupaupa nina gimi onaupaupa 'ibobo'ana sinena.

Ibeliu 9:28

Wate nadigega Keliso 'ina mwawasega tauna 'italiyaena ma'ebweuna namo, be yauyauda 'ida bubuna to'umalidi 'i'ewa yauledi, ta ma'etamo 'iila limanama, be nigeya 'aene bubuna to'umalidi 'i'ewayaula limadi, ta esi sabi 'etoseyeda 'abo ma ida nuwa'ewa tayamwayamwa.

Yemesa 2:5

Tasigwao, 'igu ona gete wada nonodi, 'aene Yaubada togomabeso bale'uya 'iesinuwedi be emisa 'enega sida eesaesa. Manuna Yaubada 'ina 'ebeloina 'iona upaupaena be 'ena sida apwesa, 'abo tauna siobobomena.

1 Pita 1:12

Ta Yaubada palopitao nidi 'ie'itedi 'aene onaupaupa nidi sigimi simanedi nigeya taudi manudi, ta 'omi esi manumi, ta yage nina lowa manuna siona ni'atu gete wanononodi, tetela bobo'ana 'ana tosimanao 'ediyega, nate Yaluyaluwa Tabuna galewega 'ina waiwaiyega. Ta yage nidi bobo'adi manudi sieonemi, aniloseyao galewaya nuwanuwadi be taudi wate sida mwalatoni.

1 Pita 1:4

Gote 'ena oboboma nidi 'isa'u 'ai'ailidi manumi, be geya'abo sidaudaula, nai sito'uto'umali, nai sisawasawala.

1 Pita 3:7

Ta 'omi wate toai me'olotomi, mamwanemiyao wamiyami, wada nuwayai 'aene taudi nenetadi, 'enega wada 'amayabedi be wa'ita'i'isidi, manuna 'omi be mwanemiyao ma'emiyao yawasimi Yaubada 'i'ebwa'emi. Gete nadigega wabubuna'esa be 'enega geya'abo to'umalina 'imi sidasidao 'i'eto'etobodedi.

Yude 1:14

Lowaenei taudi manudi Inoki 'iloguguya, ta Inoki nina 'abo 'epatao tasawadi Adama 'enega be 'itauya 'epata sikisi sigugumwala, ta 'epata esebenina nate Inoki 'ina 'epata, ga Inoki nina 'ina loguguya 'ena 'igwae, “Wa'ita! 'Inapwana 'ina aniloseyao 'esasedi ma'enao simeemai

E'ita'ita 5:6

Ta wate 'ebemi esaesa nina selabenaya 'ebweu lami ya'itena, yobai ata gamwagamwanidiya 'itootoolo ta 'inapwanao wate gamwagamwanidiya, ta lami nina 'ana 'ita 'atuwa tauna siloemwawasina, ta kunanao sebeni ta matanao wate sebeni, taudi matanao nidi nate Yaubada yaluyaluwanao taudi 'ietunedi bale'u maibo'ana 'enaya.