Ibeliu 1:1 - Loina Tabu Auwauna NT

¹ Lowaenei 'eda yauna 'ediyega Yaubada 'ina ona palopitao 'i'ebwa'edi, ga taudi sisimanena tubudao 'ediya.

Ibeliu 1:1 Σταυροειδείς Αναφορές

Luke 1:55

Ona'ai'aila, tubudao nidi taudi Ebelaamo ma ina susuyao 'ediya 'ionaupaupa be 'aene 'ida 'atenuwa 'ole'ole ataedi.”

Luke 1:72

ta wate lowa 'ionaupaupa be 'aene gimi tubudao 'i'atenuwa 'ole'oleyedi, ta 'ina onaupaupa nina geya'abo 'inuwanuwa pupulei.

Luke 24:27

'Enega 'ie'ale be 'ediya 'ili'ama to'ase nadigega Buki Tabu 'ina simana To'etoseyana nina manuna. Mosese be palopitao 'idi bukiyao 'ediyega 'ie'ale ga Buki Tabu maibo'ana 'iloegumwalina, be 'enega mwalatoi sida loba.

Luke 24:44

Ta 'ieonedi, 'igwae, “Ona nidi ni'atu yaemwasalidi 'emiya tuta nina 'abo'agu ma'emi, maibo'ana manugu si'etoladina Mosese 'ina buki 'enaya be palopitao 'idi buki 'ediya ta wate wali Same 'ediya, be 'enega 'igu simana nina 'ana mwalatoi 'ai'aila 'ida apwesa.”

Yoni 16:13

Ta ma'etamo Yaluyaluwa 'esa'esasena 'imamai, tauna 'ida anuganemi yage palupaludi maibo'adi 'ediya. Ta tauna geya'abo 'ina nuwenuwega 'ionaona, ta esi to'ase nadigega 'inonodi 'ida onaedi, ta wate 'ida eonami yage matamiya manudi.

Yoni 7:22

Ta mwa'adega 'omi 'imi guinuwa tuta Sabate 'ena? Manuna Mosese 'ina loinega natumiyao me'olotodi bwaladiya we'iwe'iyaya walodabedi. (Ta loina getei nigeya Mosese 'enega ta esi lowaenei gimitubudao 'ediyega 'imai.)

Yoni 9:29

manuna ni'atu 'amwalatonina 'aene Yaubada 'ina simana Mosese 'enaya, ta esi tai nina Yesu nigeya 'amwalamwalatoni mane 'enega 'imai.”

Guinuwa 13:32

Ta 'abo'ama wate tetela bobo'ana gete 'a'ebwa'emi, lowa Yaubada 'iona upaupaena tubudao 'ediya,

Guinuwa 2:30

Ta Debida nina palopita 'ebweu, ga Yaubada 'ina onaupaupa waiwaina 'enaya 'inuwa'i'isina 'aene ma'etamo Debida tubuna 'ebweuna Debida nina 'ina 'ebeloina 'ida 'ewa Yaubada 'enega.

Guinuwa 28:23

'Enega 'asiyata siupaena, ga boda yaudi siegogonama Paulo 'ina anuwaya, ga gonegonega ga 'ana laba 'iboi, 'ediya 'iloguguya, Yaubada 'ina etoloina manuna, ta Mosese 'ina loina 'enega, be palopitao 'idi onao 'ediyega, 'ie'itedi Yesu manuna, ta 'itoona be 'aene 'ida gienuwa sabwalenidi.

Guinuwa 3:21

Tauna ni'atu galewaya 'itauya, be 'ida miyami 'ana laba yage maibo'adi 'ida giepaepaludi, nadigega Yaubada 'ina palopitao lowaenei sigimi simanena.

Ibeliu 11:2

Tubudao lowaenei tanuwa'i'isidi taudi 'idi emisa 'enega Yaubada 'i'awa bobo'anedi.

Ibeliu 12:25

'Enega wa'ita'i'isimi be tauna galewega 'ionaona 'edaya geya'abo 'enana waguiguitoyase. Manuna lowa tomota 'aidi bale'uya Mosese 'ina guguya 'ediya siguitoyasena ga mwau silobena. Ta gete tuga Yaubada galewega 'iloguloguguya 'edaya, 'enega 'abo 'enana taguitoyasei mwau sinabwa wawasae taloba.

Ibeliu 2:2

Lowa aniloseyao Yaubada 'ina ona sisimanena tomota 'ediya, ta ona nina ona 'ai'aila, 'enega 'abo tomota nigeya simulimuliye 'idi to'umalinao 'ebweuna 'ebweuna 'ana e'isa siloba.

Ibeliu 2:3

'Abo'ada wate 'abo 'etoseyana nina sinabwana taguitoyasei, bwa'omatana taloba, ta nigeya kapekapeyana tadedena 'enega. Ona nina 'etoseyana manuna 'ida 'Inapwana Yesu 'igimisimana apwesena, 'enega 'ina onao 'ana togimi nonoyao 'abo'ada si'ebwa'eda.

Ibeliu 3:5

Mosese Yaubada 'ina anuwaya 'ietapewa toguinuwa 'atuwa, ga Yaubada 'ina onao yage nidi ma'etamo sida apwesa manudi 'isimana apwesedi.

Ibeliu 4:8

Ta 'ebe eyawai'ata nina Yaubada 'ionaenaya nigeya Yosuwa ma 'ana bodao 'idi 'ebe eyawai'ata manuna, ta mali 'ebe eyawai'ata manuna, tuta 'ebweu auwauna 'isa'una be 'aene tomota 'ebe eyawai'ata nina sida loba.

Ibeliu 5:5

Wate nadigega Keliso nigeya tauna 'igilagilagasi be 'ietotaliya, ta Yaubada 'iesinuwena ga 'ieonena, 'igwae, “'Oyo natugu. Batuwa tuga ya'awa natunemu.”

Ibeliu 9:19

Manuna loina maibo'adi 'isimanedi tomota 'ediya, ga 'enega bulumakau gidalidi be goti laladi bwasi ma'iyana 'inekwasinaya 'i'ewena, ga sipi 'uya'uyana bweyabweyalina 'i'ewena ta kaiwe 'ana esana isopa matanaya 'ibadiyena ga lala be bwasi solanaya 'iepwasena, ga 'enega buki be tomota 'iloseuseulidi,