Guinuwa 9:38 - Loina Tabu Auwauna NT

³⁸ Ta 'asa nina Yopa, Lida 'enega nigeya 'edasola, ga toekalesiyao sinonona 'aene Pita 'asa Lida 'ena 'imiyami, 'enega tomota 'eluwa sietunedi Lida 'enaya Pita sabi 'au'ewana, ga Lida 'ena siapwesa, ga Pita sisidena, sigwae, “'Inapwana, 'umai be tatauya manini 'ima 'asaya.”

Guinuwa 9:38 Σταυροειδείς Αναφορές

Guinuwa 10:5

'Enega 'imu toguinuwao 'aidi 'uetunedi be sitatauya Yopa, be Saimoni tauna sieesena Pita si'au'ewenama.

Guinuwa 10:8

'Enega anilose 'ina simana Konilio 'iemwasalina sitetoi nidi 'ediya, ga 'ietunedi Yopa 'enaya, ga sitauya.

Guinuwa 11:13

“Ta tai nina 'emaya 'iemwasala 'igwae, ‘Lowa 'ebweu anilose ya'itena 'igu anuwa solanaya 'itootoolo, ta 'igwae, “Konilio, 'imu 'ali'eiyao 'uetunedi Yopa 'ena, be Saimoni, tauna sieesena Pita, sida 'au'ewenama,

Guinuwa 11:26

ga 'ilobena, 'enega ma'iyana siila Anitioki 'enaya. 'Enega yakwala 'ebweuna solanaya silugulugu toekalesiyao nidi 'idi deliegogonao 'ediya, ta tomota yaudi sie'ie'itadi. 'Asa nina Anitioki 'enaya Yesu 'ana tomuliyao tuta nina 'ena sigimi eesedi Kelisitianiyao.

Guinuwa 11:5

“Lowa 'abo'agu Yopa 'ena yamiyami ta yasidasida Yaubada 'ena, ga 'enomata'ita'ita, 'enega 'ebweu yage ya'itena 'atuwa kaleko sinabwana ta tupitupinao ata 'ediyega sietabetabe mwa'utenama 'eguya.

Guinuwa 9:19

ta wate masula 'i'ewena ga 'iloepa'ala. 'Enega 'aina 'asiyata 'ediya Saulo Yesu 'ana tomuliyao ma'enao simiyami Damasiko 'ena.

Guinuwa 9:32

Ta Pita 'isakosakowasi toekalesiyao 'ediya, ga 'imai 'ebweu 'asa 'ana esana Lida 'enaya,

Guinuwa 9:36

Ta 'asa Yopa 'ena, Yesu 'ana tomuliya 'ebweu waine 'imiyami, 'ana esana Tabita, ta 'ana gibui Dokasa, ta Dokasa 'ana gibui yobai 'ana esana diya, ta waine nina lema be oboboma 'alena,

Guinuwa 9:42

Ga tetela 'i'elelewana sena Yopa maibo'ana 'ediya, 'enega tomota yaudi 'Inapwana Yesu 'ena siemisa.

Guinuwa 9:43

Ta Pita Yopa 'ena 'imiya'amana, tai 'ana esana Saimoni 'ina anuwaya, tauna 'ina paisewa yobai bwaladiyega gwegwe 'iguiguinuwedi.