Guinuwa 9:29 - Loina Tabu Auwauna NT

²⁹ Ta me Yudia taudi to'ena Gilisi Saulo ma'ediya sionaona ta siegewagewana, 'enega siloiloina be mwa'adega sida loemwawasa'ese.

Guinuwa 9:29 Σταυροειδείς Αναφορές

Guinuwa 11:20

Ta muliyega 'aidi toekalesiyao, taudi me Saipilosi be me Sailini, siapwesa Anitioki 'enaya, ga 'Inapwana Yesu tetelina siguguyaena me Yudia, be taudi nigeya me Yudia wate, 'ediya,

Guinuwa 17:17

'Enega ma'ediya siegewagewana, nuwanuwa gete manuna, me Yudia ta 'aidi Yaubada 'ana toemisao wate ma'ediya sionaona, me Yudia 'idi anuwa tapwalolo 'ena, ta wate toni'asa, 'eguma 'ialobadi 'ebe gimwane 'ena, ma'ediya sionaona 'asiyata 'ebweuna 'ebweuna 'ediya.

Guinuwa 18:19

'Idi 'adau nina 'ena nugana silugu Epeso, ga Akuila mamwanena sisuya ga simiyami, ta Paulo wate 'isuya ga 'ilugu me Yudia 'idi anuwa tapwalolo 'ena, ga 'itootoo be 'aene 'ilisidima be Keliso 'ena sida emisa, ta ma'ediya si'awa'awagwae.

Guinuwa 19:8

Ga nawalae 'etoi 'ediya me Yudia 'idi anuwa tapwalolo solanaya Paulo nina 'ilugulugu, ta Yaubada 'ina etoloina manuna ma ina 'atepatu 'ionaona, ta 'iegewagewana ta 'i'i'i'imidi.

Guinuwa 22:18

ga 'Inapwana nina ya'itena, 'ionaona 'eguya, 'igwae, “'Ulomanini be Yelusalema 'uda ebesine, manuna 'iabe 'imu simana manugu geya'abo sinoonoyo?”

Guinuwa 6:1

Tuta gote 'ena Yesu 'ana toemisao 'idi boda 'isinasinabwa, ga 'ediyega to'ena Gilisi 'idi bodao to'ena Yudiao silomugiyedi, manuna 'asiyata 'ebweuna 'ebweuna, 'abo tuta nina masula sieguyaiyedi kwabulao 'ediya, taudi to'ena Gilisi 'idi kwabulao 'adi masula nigeya sawesawediya, 'enega sibotabotana.

Guinuwa 9:27

Ta Banaba namo Saulo 'ilemena, ga 'i'au'ewena Yesu 'ana tosimanao 'ediya, ga 'iemwasala 'aene Saulo 'edaya 'Inapwana 'ilobena ga 'enana 'inonona, 'enega Damasiko 'ena ma ina 'atepatu Yesu manuna 'iloguguya.

Guinuwa 9:28

'Enega sitagwala Saulo 'ena ga 'ilugu 'adi boda 'ena, ta 'idi guinuwa maibo'ana Yelusalema 'ena tauna ma'ediya simiyami. Ta Saulo nina ma ina 'atepatu 'iewaiwai 'Inapwana Yesu 'ana loguguya manuna.

2 Kolinita 11:26

Ta wate 'igu 'adau 'ediyega 'ebe esilae yalobedi bwasi sinabwadi 'ediyega, be to'ipwalao 'ediyega, be 'igu bodao taudi me Yudia 'ediyega be taudi nigeya me Yudia 'ediyega ta 'asa sinabwadi 'ediya, be mitawa 'ediya ta wate bwagabwagaya, be wate tasidao kabokabodi 'ediyega,

Yude 1:3

Gosegwao, nuwanuwagu be 'ada 'etoseyana manuna yada 'etoladiwa, ta sa'i nigeya sawesawenaya, manuna 'ebweu mwau ni'atu 'emiya 'iapwesa, 'enega 'ilobwenena be leta gete 'enega yada guguyami be 'aene geya'abo 'ida tapwalolo palupaluna waguiguitoyase, ta esi wada etapewa manuna. Manuna 'ida tapwalolo nina ni'atu 'abo'ada Yaubada 'ana toemisao 'i'ebwa'eda.

Yude 1:9

Ta aniloseyao 'idi toanugana Maikeli lowaenei 'iegewagewana Seitani 'enaya, Mosese kokowana manuna, ta Maikeli nina nigeya Seitani 'iba'eba'e. Nate namo 'igwae, “'Inapwana 'i'etobodeyo.”