Guinuwa 9:27 - Loina Tabu Auwauna NT

²⁷ Ta Banaba namo Saulo 'ilemena, ga 'i'au'ewena Yesu 'ana tosimanao 'ediya, ga 'iemwasala 'aene Saulo 'edaya 'Inapwana 'ilobena ga 'enana 'inonona, 'enega Damasiko 'ena ma ina 'atepatu Yesu manuna 'iloguguya.

Guinuwa 9:27 Σταυροειδείς Αναφορές

Guinuwa 11:22

Taudi nigeya me Yudia, ta ni'atu siemisa 'Inapwana 'enaya, 'enega tetelidi 'i'elelewana ga toekalesiyao Yelusalema 'ena sinonona, 'enega Banaba sietunena be 'iayausidi.

Guinuwa 11:25

'Enega Banaba 'itauya Tasisi, ga Saulo 'i'ebesena,

Guinuwa 12:25

Ta Banaba be Saulo 'idi guinuwa Yelusalema 'ena silosalonina, ga 'enega simwa'uta limana Anitioki 'ena, ta Yoni, tauna 'ana esana 'eluwena Maki, si'au'ewenama ma'edi.

Guinuwa 13:2

Taudi sitapwatapwalolo ma idi 'ebotana Yaubada 'ena ga Yaluyaluwa Tabu 'ieonedi, 'igwae, “Nuwanuwagu Banaba be Saulo 'igu guinuwa 'ebweuna manuna, 'enega wada tagwaledi guinuwa nina 'ena.”

Guinuwa 15:2

Ta Paulo be Banaba nigeya si'awa'awa 'ai'ailedi, 'enega ma'ediyao siegewagewana sinabwana. Ga toekalesiyao Anitioki 'ena Paulo, be Banaba, be 'aina wate tomuliyao 'ediyega, siesinuwedi be 'aene sida tu'e Yelusalema, be nuwanuwa gete manuna sida onaona, nai sida loina, Yesu 'ana tosimanao site tuwelo be wate toanuganao ma'ediyao.

Guinuwa 4:13

Ga toloinao nidi si'itena Pita be Yoni 'idi 'atepatu, ta simwalatonina 'aene taudi tuga tomiya 'asa, ta 'ebe sikulu sinabwana 'ediya nigeya silugulugu, 'enega sinuwaowana ta sinuwa'i'isina 'aene lowa Yesu ma'ediya simiyami.

Guinuwa 4:29

'Inapwana ye, 'idi 'enapa'ala 'imu toguinuwao 'emaya geya'abo 'unoonodi, ta esi 'uda giewaiwaiyema be ma ima 'atepatu 'imu ona 'ada simana apwese.

Guinuwa 4:36

Toesaesa 'ebweuna 'ediyega, 'ana esana Yosepa, ta 'ana esana auwauna tosimanao nidi si'ebwa'ena Banaba, nate 'ana mwalatoi “Togie'atepatu,” tauna goma Saipilosi, ta Libai 'ina susu 'ebweu,

Guinuwa 9:17

'Enega Ananayasi 'itoolo ga 'itauya, ga Yudasa 'ina anuwaya 'ilugu, ga Saulo 'igidebena, ta 'igwae, “Tasigu Saulo, 'Inapwana nina Yesu 'edaya 'iapwesa 'emuya, tauna gete 'ietuneguma matayo 'adi gie'esasa manuna, be wate 'aene Yaluyaluwa Tabunega 'iloemaeyo.”

Guinuwa 9:29

Ta me Yudia taudi to'ena Gilisi Saulo ma'ediya sionaona ta siegewagewana, 'enega siloiloina be mwa'adega sida loemwawasa'ese.

1 Kolinita 15:8

Ga 'ebe losalowa 'abo'agu wate ya'itena, ta esi 'abo'agu 'igu tubuwa 'ebe nuwaowana, nigeya nadigega taudi 'idi tuta silobena ga situbuwa.

1 Kolinita 9:6

Ta 'abo'agu be Banaba nigeya sa'i 'emaya nadigega wada guinuwa'esa, manuna 'abo'ama tauma 'a'ita'i'isima 'ima guinuwa 'ana maisa 'ediyega.

Galetia 2:13

'Enega me Yudia yaudi wate sikabo, ga Banaba wate 'idi kabo nina 'imuliyena, nate 'aene toekalesiyao taudi nigeya me Yudia ma'ediyao geya'abo sida 'e'ai.

Galetia 2:9

'Enega toanuganao nidi, Yemesa be Pita be Yoni, Yaubada 'ina oboboma 'eguya si'italobena, 'enega sitagwala Banaba be 'abo'agu 'emaya, ga ma'emao 'aenimalotuna. Ona'ai'aila, toekalesiyao nidi sitetoi getedi sieesedi 'adi toanuganao, ta sitetoi nidi sitagwala 'emaya be 'aene 'abo'agu be Banaba 'atatauya taudi nigeya me Yudia 'ediya, ta taudi sitatauya me Yudia namo 'ediya.