Guinuwa 8:17 - Loina Tabu Auwauna NT

¹⁷ 'Enega Pita be Yoni nimadi sisa'udi 'ediya ga Yaluyaluwa Tabuna 'ediya 'ilugu.

Guinuwa 8:17 Σταυροειδείς Αναφορές

Maki 5:23

ga 'isida waiwai, 'igwae, “'Inapwana, natugu mewainena 'ana le'oasa 'imwau 'ai'aila, ta tauna gwama tuga, ta nuwanuwagu 'umama be 'uda gitoo be 'ida bobo'ana, ta geya'abo 'imwawamwawasa.”

Guinuwa 13:3

'Enega Yaubada 'ena sisidasida limana mabotanidi, ga sigidebedi, ga Banaba be Saulo sietunedi 'idi guinuwa nina manuna.

Guinuwa 19:6

ga Paulo 'igidebedi ga Yaluyaluwa Tabuna 'ilugu 'ediya, ta 'ina waiwaiyega mali 'enana be mali 'enana 'ediyega siona apwesa, ta Yaubada manuna siloguguya.

Guinuwa 2:4

'Enega maibo'adi Yaluyaluwa Tabuna 'iloemaedi, ta sie'ale ga mali 'enana be mali 'enana 'ediyega sionaona, nate Yaluyaluwa Tabuna 'ina waiwaiyega.

Guinuwa 6:6

'Enega tai getedi sigilagasidi Yesu 'ana tosimanao matadiya, ta sigidebedi ga manudi sisidasida Yaubada 'enaya, ga guinuwa nina sie'alidi.

Guinuwa 8:18

Ta Saimoni guinuwa gete 'i'itena 'aene Yesu 'ana tosimanao nimadi sisa'udi tomota 'ediya ga Yaluyaluwa Tabuna 'ediya 'ilugu, 'enega mani 'i'ewena be 'aene Pita be Yoni 'ida 'ebwa'edi,

Guinuwa 9:17

'Enega Ananayasi 'itoolo ga 'itauya, ga Yudasa 'ina anuwaya 'ilugu, ga Saulo 'igidebena, ta 'igwae, “Tasigu Saulo, 'Inapwana nina Yesu 'edaya 'iapwesa 'emuya, tauna gete 'ietuneguma matayo 'adi gie'esasa manuna, be wate 'aene Yaluyaluwa Tabunega 'iloemaeyo.”

Loma 1:11

Manuna nuwanuwagu be ya'itami be yada lememi, ta 'enega yaluyaluwami sida ewaiwai.

1 Timoti 4:14

Lowa tapwalolo 'ana 'inapwanao sigidebemuya, ta Yaubada 'ina guinuwa manuna siona obobomemu, 'enega guinuwa nina manuna Yaubada 'igiewaiwaiyemu. Ta 'unuwa'i'isi,

1 Timoti 5:22

Toanugana 'ana esinuwa 'enaya geya'abo 'uemanimanini, 'abona nai ma ina to'umalinao kwaikwaiyidi esinuwa 'iloba, be nate 'ana 'ita 'atuwa 'ina to'umalinao 'ediya 'ulemeleme. Ta 'oyo wate tauyo 'imu bubuna 'u'ita'i'ita 'ai'aili.

2 Timoti 1:6

Wate tuta nina 'ena yagidebemuya ga Yaubada waiwai 'i'ebwa'emu, waiwai nina 'uda 'ita'i'isi be geya'abo 'emuyega 'igumwagumwala.

Ibeliu 6:2

bapitaiso 'ana e'ita, ta wate 'ada toanuganao nimadi 'adi sa'u debadaya, be tomwawasa 'idi toololimana, ta to'umalina 'ana e'isa esilae ataya. E'ita getedi ni'atu wamwalatonidi.