Guinuwa 8:1 - Loina Tabu Auwauna NT

¹ Ta Saulo boda nidi 'i'awa bobo'anedi, Sitibeni 'ana loemwawasa manuna. 'Asiyata gote 'ena toekalesiyao sena Yelusalema 'ena 'adi talauwalao sie'ale be silosaiyedi, 'enega si'elelewana Yudia be Samelia senanao 'ediya, ta Yesu 'ana tosimanao site tuwelo dimo Yelusalema 'ena simiyami.

Guinuwa 8:1 Σταυροειδείς Αναφορές

Madiu 22:6

ta 'aidi wate 'inapwana 'ina toguinuwao sigiyaidi ga sigie omayamayaedi ta siloemwawasidi.

Madiu 23:34

'Enega palopitao be tomwalatoiyao be loina 'ana toe'itao yaetunediwa be 'enega 'aidi wada loemwawasidi, nai kelose 'ediya wada tutu epa'iyedi, be 'aidi 'imi anuwa tapwalolo 'ediya balaeyega wada unudi, be 'asa 'ebweuna 'ebweuna 'ediyega wada pa'idi.

Madiu 5:13

'Omi nadigega ola me bale'u manudi. Ta wanuwa'i'isi 'eguma ola 'ina waiwai 'igugumwala nigeya sawesawenaya be 'ibobo'ana limana, 'enega taguitoyasei be tasiwayaule 'eda 'enaya.

Yoni 15:20

“Wanuwa'i'isi ona nina lowa ya'ebwa'emi 'aene nigeya 'ebweu toguinuwa 'ina 'inapwana 'ida loetana sinena. 'Abo'agu lowa sietalauwaleguya, 'enega 'omi wate nadigega sietalauwalemi. Ta 'eguma lowa 'igu ona siematamatanediya 'omi wate 'imi ona sida ematamatanedi.

Yoni 16:2

Manuna ma'etamo anuwa tapwaloloega sipa'imi, ta wate ma'etamo tuta 'imeemai be 'abo yaita 'ida loemwawasimi, tauna 'inuwanuwa 'aene gete Yaubada 'ina 'ebe gwausowala.

Guinuwa 1:8

Ta 'omi esi ma'etamo Yaluyaluwa Tabuna 'imamai be 'igiewaiwaiyemi, be manugu wada etosimana Yelusalema 'enaya, be Yudia ta Samelia 'asanao maibo'adi 'ediya, be wate bale'u maibo'ana 'ediya.”

Guinuwa 13:1

'Asa Anitioki 'enaya, ekalesiya 'idi palopitao be toe'itao getedi: Banaba be Simioni (tauna sibwauyena Bwalagai) be Lusiasi (tauna goma Sailini) be Maneeni (tauna kini Elodi 'ana 'epata 'ebweu) ta Saulo.

Guinuwa 13:36

“Ona getedi nigeya Debida tauna manuna. Debida nina 'ina tutaya Yaubada 'ina nuwanuwa 'iguinuwedi, ga 'ikwaiya, ga sisa'u 'ali'aliyena, ga tubunao ma'ediya simwaumwaulu,

Guinuwa 2:47

ta Yaubada situputupu. Ta wate pwalu maibo'ana toemisao nidi si'awa bobo'anedi. Ga 'asiyata 'ebweuna 'ebweuna 'ediya Yaubada 'aina tomota wate 'i'eto'etoseyedi, ga toekalesiyao 'adi yau 'isinasinabwa.

Guinuwa 22:20

Ta tuta nina 'amu tosimana Sitibeni siloemwawasina, 'abo'agu wate selabenaya yatootoolo, ta 'idi guinuwa nina 'ena yatagwala, ta wate tounuwa nidi 'adi 'oamao ya'ita'i'isidi.”

Guinuwa 26:10

Gete manuna Yelusalema 'ena toekalesiyao yaudi deliya yasa'u luguyedi, nadigega totaliya sinabwadi siloinegu, be 'eguma sida loemwawasidi, 'abo'agu wate yatagwatagwala.

Guinuwa 5:18

'enega sitoolo ga Yesu 'ana tosimanao nidi sigiyaidi, ga deliya sisa'udi.

Guinuwa 5:20

ta 'ieonedi, 'igwae, “Watauya Anuwa Tabu 'ena, be nada watoolo be tomota 'ediya ona nidi yawasi bobo'ana manuna waloguguya.”

Guinuwa 5:33

Ta toloinao Yesu 'ana tosimanao 'idi ona gete sinonona, ga sigamwasowala 'ai'aila, ta nuwanuwadi be siloemwawasidi.

Guinuwa 5:40

'Enega Gamelieli 'ina loina simuliyena, ga tosimanao wate sibwauyedima 'ediya, ga sisapidi, ta sigwae, “Geya'abo wate Yesu 'ana esanega waonaona tomota 'ediya.”

Guinuwa 7:38

“Ta wate Mosese nina mitawaya tubudao maibo'adi ma'enao 'oya Sainai 'ena simiyamiya, ta anilose Mosese loina bobo'ana yawasida manuna 'i'ebwa'ena.

Guinuwa 7:54

Sitibeni 'ina ona gete toloinao sinonona ga sigamwasowala sinabwana, ta siesala'i'ita 'idi gamwasowala manuna.

Guinuwa 7:58

ta 'asega siula apwesena, ga gulewega siloibweibwena. Ta Sitibeni 'ana toe'ewa kabokaboyao 'adi 'oamao sialolodi be 'aene gulewega Sitibeni sida unu. Ta 'adi 'oamao nidi tubuwau 'ana esana Saulo 'i'ita'isidi.

Guinuwa 8:14

'Enega Yesu 'ana tosimanao taudi Yelusalema 'ena simiyami, ale sinonona 'aene me Samelia ni'atu sitagwala Yaubada 'ina ona 'enaya, 'enega Pita be Yoni sietunedima,

Guinuwa 8:2

Ta 'aina tomota, taudi Yaubada 'ana to'amayabao, Sitibeni nina sisa'u 'ali'aliyena ma idi dedoi sinabwana.

Guinuwa 8:4

Ta toekalesiyao si'elelewana, be 'abo to sena 'ena sitautauya, tetela bobo'ana siloguguyaena tomota 'ediya.

Guinuwa 8:5

'Enega Pilipi 'imwa'uta 'ebweu Samelia 'asana 'enaya, ga nada To'etoseyana nina tetelina 'iloguguyaena 'ediya,

Guinuwa 9:31

Gote 'ena toekalesiyao me Yudia be me Galili be me Samelia senadiyao 'ediya simiya gwausowala, ta sipa'ala, ta ma idi 'amayaba 'Inapwana 'ena, ta Yaluyaluwa Tabuna 'ina 'ita'i'ita 'enega 'adi boda 'isinabwa.

Loma 1:32

Ta tomota getedi nadigega, taudi ni'atu Yaubada 'ina loina simwalamwalatoni 'aene 'abo yaisigedi nadigega sibubuna'esa mwawasa namo tuga 'ilobwenedi, ta sa'i tuwa tuga to'umalina nina siguiguinuwe, ta 'abo gosediyao wate sietotowanedi, 'idi guinuwa nidi si'awa bobo'anedi.

Pilipai 1:12

Gosegwao, nuwanuwagu be wada mwalatoni 'aene mwau nidi ni'atu yalobedi 'ediyega tetela bobo'ana 'i'elelewana tomota yaudi 'ediya,

Ibeliu 11:27

'Enega 'ina emisega Itipita 'ipilisinena ga nigeya kini Pelo 'ina gamwasowala 'imatamataute, ta esi 'i'atepatu 'aene 'i'itena Yaubada matanaya 'imiyami, nigeya 'ina 'ita matanega ta esi 'ina emisega.