Guinuwa 7:54 - Loina Tabu Auwauna NT

⁵⁴ Sitibeni 'ina ona gete toloinao sinonona ga sigamwasowala sinabwana, ta siesala'i'ita 'idi gamwasowala manuna.

Guinuwa 7:54 Σταυροειδείς Αναφορές

Madiu 13:42

sida ula apwesedi kaiwe 'ala'alasina solanaya, nate sena nina 'enaya tomota sida dedoi be sida esala'i'ita 'elouya 'enega.

Madiu 13:50

be sida ula apwesedi kaiwe 'ala'alasina solanaya, be 'ena sida dedoi ta siesala'i'ita 'elouya 'enega.”

Madiu 22:13

'Enega kini nina 'ina toguinuwao 'ieonedi, ‘Tai gote wagiyai be nimana be 'aena wayonidi be waula apwese sena guguyoi 'enaya, be gote 'ena tomota sidedoi ta siesala'i'ita 'elouya 'enega.

Madiu 24:51

'iabe anuwega 'ipa'i be e'isa to'umalina 'i'ebwa'e tokaboyao 'idi senaya, sena gote 'ena sidedoi be siesala'i'ita 'elouya 'enega.

Madiu 25:30

'Enega 'ina 'ali'eiyao 'iloinedi be toguinuwa to'umalina nina siula apwese 'atamanaya sena guguyoi 'enaya, be nada tomota ma idi 'elouya sidedoi ta siesala'i'ita ma'enao.

Madiu 8:12

ta esiya 'omi 'aene Yaubada natunao 'iula apwesemi guguyoi solanaya be nada wadedoi be waesala'i'ita 'elouya 'enega.”

Luke 13:28

Be 'enega 'etamo 'abo Ebelaamo be Aisake be Yekobe be wate palopitao maibo'adi ma'ediyao wa'itadi Yaubada 'ina 'ebeloina 'ena simiyami ta 'omi ma imi dedoi ta ma imi esala'i'ita tuta nina 'ena 'abo 'etauluya wamiyami.

Guinuwa 5:33

Ta toloinao Yesu 'ana tosimanao 'idi ona gete sinonona, ga sigamwasowala 'ai'aila, ta nuwanuwadi be siloemwawasidi.