Guinuwa 7:27 - Loina Tabu Auwauna NT

²⁷ “Ta tolosaiya nidi 'ebweuna 'ediyega Mosese 'ina ona 'ie'isena, ga 'igwae, ‘Yaita 'oyo 'utoo be 'uetoloina 'emaya?

Guinuwa 7:27 Σταυροειδείς Αναφορές

Madiu 21:23

'Enega Anuwa Tabu 'ena 'ilugu ga 'ie'ie'ita, ta totaliyao sinabwadi be 'inapwanao simai ga Yesu sienaidena, sigwae, “Tai, yaita 'ina loinega ga gete nadigega 'uguiguinuwa'esa?”

Luke 12:14

Ta Yesu tai nina 'ina ona 'ie'isena, 'igwae, “Tai, 'abo'agu nigeya sawesaweguya be yaetoloina 'ami egueguyai manuna.”

Guinuwa 4:7

'Enega Pita be Yoni gamwagamwanidiya sietoolodi, ga sienaidedi, sigwae, “'Imi guinuwa gete yaita 'ina waiwaiyega, nai yaita 'ana esanega waguinuwena?”

Guinuwa 5:33

Ta toloinao Yesu 'ana tosimanao 'idi ona gete sinonona, ga sigamwasowala 'ai'aila, ta nuwanuwadi be siloemwawasidi.

Guinuwa 7:35

“Ona'ai'aila, Mosese nina lowa siguitoyasena, sigwae, ‘'Oyo sana yaita ga 'utoo be 'uetoloina 'emaya?’ Ta esi tauna Yaubada 'iesinuwena be 'ida loinedi, ta wate 'ida 'etoseyedi, anilose 'ina lemega, tuta nina mitawaya 'iapwesa 'ena.

Guinuwa 7:39

“Ta tubudao nidi Mosese 'ina loina siguitoyasena, ta nuwanuwadi be siila Itipita 'ena,

Guinuwa 7:54

Sitibeni 'ina ona gete toloinao sinonona ga sigamwasowala sinabwana, ta siesala'i'ita 'idi gamwasowala manuna.