Guinuwa 5:36 - Loina Tabu Auwauna NT

³⁶ Wada nuwa'i'isi tuta lowa Tudasi 'iapwesa 'aene tauna mali toanugana 'ebweu, ta tomota 'adi yau nadigega powa analedi silugu 'ina boda 'ena, ta esi gabemani Tudasi nina siloemwawasina, ga 'ana tomuliyao si'elelewana, ta 'idi boda 'igumwala.

Guinuwa 5:36 Σταυροειδείς Αναφορές

Madiu 24:24

Manuna Keliso kabokabo be palopitao kabokabo 'iabe siapwesa be we'iwe'iyaya waiwaidi tomota 'ediya sida e'itaedi be 'ediyega 'abo sawesawediya Yaubada 'ina bodao esiesinuwadi wate sikwakwani.

Madiu 24:26

“'Enega 'eguma sieonami, sigwae, ‘Keliso sena mwatui daitaya 'imiyami’, geya'abo mitawa gote 'ena watautauya. Be 'eguma sigwae, ‘Keliso anuwa sola'ai'ailinaya 'imiyami’, geya'abo waeemisedi.

Madiu 24:5

Manuna ma'etamo tomota yaudi 'agu esanega simama be 'aene sianugana gesiyemi be 'ebweuna 'ebweuna 'ida gwae, ‘'Abo'agu To'etoseyana nina’, be tomota yaudi sida muliyedi.

Guinuwa 21:38

'Igu nuwanuwa 'oyo goma Itipita nina, tauna lowa 'imai ga toloemwawasa powa tausani 'iegogonedi losaiya manuna, ga 'ianuganedi mitawa daitaya.”

Guinuwa 5:35

'enega muliyega toloinao nidi 'ieonedi, 'igwae, “Me Isileli ye, wa'ita'i'isimi be geya'abo waloiloina pa'ala tai gotedi manudi.

Guinuwa 8:9

Ta toni'asa 'ebweuna, 'ana esana Saimoni, tauna Pilipi 'ina ona 'iemisena. Saimoni nina lowa 'i'oba'oba sinabwana 'asa nina 'enaya,

Galetia 2:6

Ta wate taudi toekalesiyao sieesedi 'aene 'idi toanuganao, taudi nigeya 'ebweu wate loeposeyana sisa'usa'u 'igu loguguya 'enaya. Ta 'abo'agu 'igu nuwanuwa 'aene nigeya yage sinabwana 'eguma taudi sieesedi toanuganao nai to'ase, manuna tomota maibo'ada leleleya Yaubada matanaya.

Galetia 6:3

'Eguma yaita gomabeso, ta 'inuwena 'aene toesaesa, taunamo sa'i 'ikaboena.

2 Pita 2:18

Toe'itao nidi 'idi bubuna to'umalidi ma idi ona gagasa siemwaemwasala, ta wate yalakwaiya to'umalidi 'ediyega tonuwa'ebuni'unu silisidi be siila limana 'idi gimi bubuna 'ediya.

2 Pita 2:2

Ta tomota yaudi 'idi guinuwa to'umalina nadigega loelata sida etotowanedi, nate Yesu 'ina 'eda 'ai'aila 'ana 'ebe 'awato'umali.

Yude 1:16

Tomota nidi lomugi 'aledi ta wate 'awa to'umali 'aledi, ta taudi 'adi lotoona 'enega sitautauya, be 'enega onatu'e 'aledi, 'enega 'abo gosediyao 'ediya siona oboboma, nate gwegwe manuna.

E'ita'ita 17:3

Ga Yaluyaluwa Tabuna 'enega yalotoogu 'atuwa anilose nina 'i'au'ewegu sena mwatui daitaya, ga waine 'ebweuna ya'itena yobai bweyabweyalina 'igeluna, ta yobai nina bwalana maibo'ana 'enaya esana to'umalidi si'etoladidi, ta bulubuluna 'adi yau sebeni, be kunanao 'adi yau sanau.

E'ita'ita 17:5

Ta debanaya 'ana esana si'etoladina, 'ana kunuwadawada, 'igwae, “Babiloni sinabwana, nate tosogalao be toloelata gadiluluyao sinadiya.”