Guinuwa 4:27 - Loina Tabu Auwauna NT

²⁷ “Ona'ai'aila, 'asa gete solanaya sideli egogonama sabi losaiya 'imu 'ali'ei 'esasena ta esiesinuwana, tauna Yesu 'enaya, taudi tolosaiyao nidi nate Elodi, be Ponitio Pailato, be me Yudia, be wate taudi nigeya me Yudia,

Guinuwa 4:27 Σταυροειδείς Αναφορές

Madiu 14:1

Tuta gote 'enaya Elodi, tauna Galili 'ana toloina, Yesu 'ina guinuwa alena 'inonona,

Madiu 14:3

Manuna lowa Elodi Yoni 'igiyaina ga 'iyonina ta deliya 'isa'una. Ta Yoni 'ana giyai 'alena nate 'ebweu waine 'ana esana Elodiasa, nate Elodi tasina Pilipi mwanena,

Madiu 14:6

Muliyega Elodi 'ina 'asiyata tubuwa 'ana 'ebe nuwa'i'ita sagalina 'enaya boda siegogona, ga Elodiasa natuna mewainena boda matadiya 'ilausa ga Elodi 'igiegwausowalina.

Madiu 21:28

'Enega Yesu wate 'ieonedi, “Mwa'adega 'eguma tai natunao me'olotodi 'eluwa be tamadina tomatuwa 'enaya 'iona, 'igwae, ‘Natugu batuwa 'utatauya bagulaya be 'upaisewa,’

Madiu 23:37

“Yelusalema ye! Mwa'adega ga palopitao 'uloemwawasidi ta wate Yaubada 'ina toepilialealeyao gulewega 'uloibweibwedi. Tuta yauna nuwanuwagu be 'imu tomotaiyao yabwau egogonedima 'atuwa kakaleko natunao papenega 'i'aubodebodedi, ta sa'i siguitoyasegu.

Madiu 27:2

'Enega Yesu nimana siyonidi ga sitauyena toloina sinabwana Pailato 'enaya be 'aene Pailato nina 'ida loine.

Maki 10:33

'igwae, “Gete tuga tatu'etu'e Yelusalema. 'Abo'agu Tomota Natuna ta 'agu tosipupu nina 'ida telesipupuyegu totaliyao sinabwadi be loina 'ana toe'itao 'ediya, be 'igu mwawasa manuna sida loina, be muliyega sida 'ebwayaegu taudi nigeya me Yudia 'ediya,

Maki 15:31

Ta wate totaliyao sinabwadi be loina 'ana toe'itao taudimo 'ediya sionaona gagasa, ga Yesu si'eetetena, sigwaegwae, “Mali tomota 'i'etoseyedi ta tauna 'ida 'etoseye!

Luke 1:35

Ta anilose nina 'igwae, “Yaluyaluwa Tabuna 'iabe 'emuya 'imwa'utama be Yaubada 'ida giewaiwaiyeyo be natuyo 'uenatune gwama 'esasena, tauna 'iabe sieese Yaubada Natuna.

Luke 22:63

'Enega Yesu 'ana to'ita'i'itao taudi Yesu situyeyena ga sisapina.

Luke 23:1

'Enega maibo'adi sitoolo ga Yesu si'au'ewena ga sitauyena toloina sinabwana 'ana esana Pailato 'enaya, sabi etalaena.

Luke 4:18

“'Inapwana Yaluyaluwana 'eguya 'imiyami. Tauna 'iesinuwegu be togomabeso 'ediya tetela bobo'ana yaguguyae. Ta yoniyonidi wate 'ediya 'ietunegu be 'adi li'ama manuna yada simane. Ta tomatakebokebo wate 'idi 'esasa limana manuna yasimane. Ta wate 'ietunegu be tomiyamwau 'adi talauwalao nimadiyega ya'etoli'amidi.

Luke 9:22

'Enega wate 'ieonedi, 'igwae, “'Abo'agu Tomota Natuna be ma'etamo 'elouya sinabwana yaloba. Manuna 'Inapwanao be totaliyao sinabwadi ta wate loina 'ana toe'itao 'iabe sie'idi'idiyegu be siloemwawasigu, ta 'asiyata 'etonina 'enaya Yaubada 'ida gietoolo limagu.”

Yoni 1:11

Ta tuta nina tauna 'imai 'ina bu'unao 'ediya taudi wate sie'idi'idiyena.

Yoni 10:36

'Enega to'ase 'alena tuta nina yagwae, 'aene 'abo'agu Yaubada natuna, ga 'igu ona nina manuna wanuwena 'aene ona oopa'ala? Ta 'abo'agu 'iesinuwegu ta 'ietuneguma ga bale'uya yamai be 'ina guinuwa yada guinuwei.

Yoni 18:28

'Enega Yesu Kaiyapa 'ina anuwega si'au'ewena ga sitauyena toloina sinabwana Pailato 'ina anuwaya. Ta ni'atu tomwa 'iulisina, 'enega nigeya sawesawediya be me Yudia nidi silulugu Pailato 'ina anuwaya, manuna to tuta 'ena Ataona masulina sida 'ani geya'abo me Loma 'idi anuwa 'ediya silugulugu. Nate 'idi tabu sinabwana.

Yoni 18:29

Nate 'alena ga 'enega Pailato 'iapwesa 'ediya ta 'ienaidedi, 'igwae, “To'ase 'imi e'ewa tai gete manuna? Wada eonagu.”

Yoni 19:34

Ta tolosaiya 'ebweu gita 'igilagasina ga Yesu lesulesunaya 'ibadina, ga lala be bwasi sidau.

Guinuwa 10:38

Tetela nina 'aene Yaubada Yesu goma Nasaleta 'igiewaiwaiyena Yaluyaluwa Tabuna 'enega, ga 'isakosakowasi ga tomota 'ilemelemedi, ta 'abo yaisigedi Seitani be yaluyaluwa to'umalidi sigiele'oasidiya, Yesu 'igiebobo'anedi, manuna Yaubada 'ina waiwai 'enaya 'imiyami.

Guinuwa 2:27

'Abo'agu 'imu tai esiesinuwagu, 'enega geya'abo yaluyaluwagu 'usa'usa'u ataya tomwawasao 'idi 'asaya, nai bwalagu wate 'imwaulu.

Guinuwa 4:30

Ta wate 'imu waiwaiyega tole'oasao 'uda giebobo'anedi, be 'imu 'ali'ei esiesinuwana, 'ana esana Yesu, 'enega we'iwe'iyayao be edeedede 'uda gieapwesedi.”

Ibeliu 7:26

Ona'ai'aila, Yesu nina sawesawenaya be 'ietotaliya manuda, manuna tauna adelina maibo'ana bobo'ana tuga, ta nigeya nadigega toto'umalida 'abo'ada, 'enega Yaubada Yesu nina 'igilagasina, ga galewa 'ana tomiyanao 'iloetana sinedi.