Guinuwa 28:4 - Loina Tabu Auwauna NT

⁴ Ta ni'atu me salu si'itena Paulo nimanaya mwata 'itabetabe, ga sieonaona taudimo, sigwae, “Ona'ai'aila, tai gote toloemwawasa, be nigeya sawesawenaya loinega taunamo 'i'etoseyei. 'Anabwa'ayoi damanega 'idenama dabalaya, ta wada 'ita mwata 'igo'ina.”

Guinuwa 28:4 Σταυροειδείς Αναφορές

Madiu 23:35

Ta 'ana 'ebe losalowa 'enaya topalupaludi 'adi loemwawasa 'ana e'isa maibo'ana 'omi wada loba. Gimi tai Ebeli tauna topalupaluna siloemwawasina ga 'enega siloeloemwawasa ga 'ana laba Balakaya natuna Sakalaya wate siloemwawasina Anuwa Tabu ta 'ebe taliya gamwagamwanidiya.

Madiu 27:25

Ta boda maibo'adi sigwae, “Bobo'ana! 'Abo'ama 'ada loine, ta 'ana e'isa 'ada loba, 'abo'ama, ta 'epata simeemai 'ediya wate.”

Luke 13:2

'Enega Yesu 'ieonedi, “Ta wanuwena 'aene taudi toto'umalidi sinabwana, 'enega siloemwawasidi, aga? Nigeya! Me Galili maibo'adi 'idi to'umalinao tuga nadigega.

Luke 13:4

“Ta mwa'adega 'imi nuwanuwa taudi me Sailoma site eitini nidi manudi, tuta nina anuwa nina sinabwana 'ibe'u ga 'iloemwawasidi, 'aene taudi 'idi bubuna to'umalina sinabwa wawasae me Yelusalema maibo'adi 'ediyega, ga 'enega esilae nina silobenaya?

Yoni 7:24

Geya'abo gosemiyao 'adi 'ita 'enega waesiesinuwa manudi, ta esi loina palupaluna 'enega wada esinuwa.”

Guinuwa 28:2

Ta me salu nidi siobobomema sinabwana, ga kaiwe simu'ena, ta maibo'ama sibwauyema ga 'asiyasiyata, manuna 'i'usa'usana, ta gogai wate.

Guinuwa 28:3

Ta Paulo kaiwe 'ielaganinama, ga kaiwe 'ena 'isa'ubaledi, ta yaiyai manuna ga mwata bolausa 'iapwesama, ga Paulo nimana 'igo'ina.

Guinuwa 28:5

Ta Paulo mwata nina 'i'ausepalena 'awesabelulu solanaya, ta nigeya 'elouya 'ilotolotoo.

E'ita'ita 21:8

Ta esi taudi 'ate nenetadi be taudi nigeya siemiemisa be tosogalao be toloemwawasao be toloyaweyao be Taumudumudulele magosenao be gulewa 'adi toemisao, be toekabokaboyao, taudi getedi 'idi sena yaiyai sinabwana, nate mwawasa 'eluwena.”