Guinuwa 28:18 - Loina Tabu Auwauna NT

¹⁸ Ta 'igu etala mulinaya me Loma nidi nuwanuwadi be sida li'amigu, manuna nigeya 'ebweu 'igu to'umalina silobaloba, be 'aene manuna sida loemwawasigu,

Guinuwa 28:18 Σταυροειδείς Αναφορές

Guinuwa 22:30

Ta tomwa 'iulisina ga boda saiya 'ana toloina nina 'inuwanuwa be 'aene 'ale 'ai'aila sida 'ebese, to'ase manuna me Yudia Paulo sie'ewena, 'enega Paulo 'igieapwesena, ta 'iloina 'aene totaliya sinabwadi be me Yudia 'idi toloinao maibo'adi sida mai, ta 'enega toloina nina Paulo 'i'au'ewenama ga matadiya 'ietoolona.

Guinuwa 23:29

ta yalobena 'idi e'ewa 'alena nate sionaona taudi tuga 'idi tapwalolo 'ana loina manuna, ta 'idi e'ewa nina nigeya loemwawasa nai sa'u deli 'ilobwelobwene.

Guinuwa 24:10

Ta 'enega gabana nimanega Paulo 'ieonena be 'ida ona. 'Enega Paulo 'ilolagata, 'igwae, “Yamwalatonina 'oyo 'ebeloina gete 'ena yakwala yauna 'uloiloina, 'enega ma igu gwausowala be matamuya yada onaila 'agu e'ewa gete manuna.

Guinuwa 24:22

Ta 'eda nina manuna Paulo 'ionaona, Pilikesa wate 'imwalatoi 'ai'ailina, ga 'iupaila, 'igwae, “Tuta 'abo boda saiya 'ana toloina Lisiasi 'imwa'utama, 'enega 'imi etala manuna yada esinuwa, nai Paulo palupaluna nai nigeya.”

Guinuwa 25:25

Ta nigeya 'ebweu 'ina loegesi yalobaloba be manuna 'ida mwawasa, ta tauna nuwanuwana be 'ida kini sinabwana Sisa 'ena 'ida etala, 'enega yaloina be yada etunena Sisa nina 'enaya.