Guinuwa 27:3 - Loina Tabu Auwauna NT

³ Ta tomwa 'iulisina ga Saidoni 'ena 'alugu, ta Yuliasi Paulo 'i'atenuwa 'ole'oleyena ga 'itagwalena ga 'itauya gosenao 'ediya, be sida 'ita'i'isina.

Guinuwa 27:3 Σταυροειδείς Αναφορές

Madiu 11:21

“'Omi me Kolesini be me Beteseida nuwa'ole'olemi sa'i. Manuna 'ebe nuwaowana nidi ni'atu yaguinuwedi 'emiya, ta esi nigeya wanuwanuwa 'ebuni, ta esi 'eguma me Taiya be me Saidoni 'ediya yada guinuwenaya, nai lowaenei sida nuwa'ebuni, be kumata 'adi 'oamao sida 'otedi be kwausa 'ediyega sida kwausidi, be sie'itaedi 'aene 'idi bubuna to'umalina 'ediyega ni'atu sinuwa'ebuni.

Guinuwa 12:20

Elodi nina me Taiya be me Saidoni lowa 'igamwasowaledi, 'enega Elodi 'ina to'ita'i'ita, 'ana esana Bilasito, sigiegwausowalena, ga muliyega mabodadi simai Elodi 'ena, ga nuwanuwadi be ma'enao sida egosigosiyana limana, manuna taudi 'adi masula Kini nina 'ina senega silobaloba.

Guinuwa 24:23

'Enega Pilikesa tolosaiyao 'adi toanugana 'ieonena, “Tai gete waile deliya, ta geya'abo waloiloina pa'ale, ta 'abo gosenao nuwanuwadi be simeemai 'ana lema sabi 'ebwa'ena, geya'abo wa'eto'etobodedi.”

Guinuwa 27:1

Ta ni'atu siloina 'aene Itali 'ena 'ada tauya, 'enega Paulo be 'aina yoniyonidi wate ma'enao si'ebwayaedi Sisa 'ina tolosaiyao 'adi toanugana 'enaya, 'ana esana Yuliasi, be 'ima 'adau 'ena 'i'ita'i'isidi.

Guinuwa 27:43

Ta 'adi toanugana nina nuwanuwana be Paulo 'i'etoseyei, 'enega 'i'etobodedi, 'aene geya'abo siloeloemwawasidi. Ta esiya 'iloinedi taudi sawesawediya be situtube sida 'atui nugana be dabala manuna sida tube,

Guinuwa 28:16

Gote 'enega 'atauya ga Loma 'ena 'aapwesa, ta tolosaiyao Paulo sitagwalena be 'ida miya dumaduma, be 'ana to'ita'i'ita tolosaiya 'ebweuna namo tuga.