Guinuwa 25:11 - Loina Tabu Auwauna NT

¹¹ 'Eguma nadigega 'aene 'abo'agu tole'oa loina be 'enega loegesi gete manuna 'ilobwenena yada mwawasa, bobo'ana. Mwawasa nigeya yamatamatautei. Ta 'abo nigeya 'ebweu 'igu to'umalina walobaloba 'idi e'ewa 'ediyega, nigeya 'ilobwelobwene be 'uda 'ebwayaegu 'ediya, ta esi kini sinabwana, tauna Sisa, 'ina etala nuwanuwagu.”

Guinuwa 25:11 Σταυροειδείς Αναφορές

Guinuwa 16:37

Ta Paulo 'iguitoyasa, 'igwae, “Geya'abo 'atautauya. Manuna nigeya 'ebweu 'ima loegesi etala 'enega silobaloba, ta bodao matadiya siunu dadanema, ga deliya sisa'u luguyema, ta 'abo'ama sa'i lowa 'aeLoma. To'ase manuna 'aene sida li'amima be sigieapwesema kwaiyega? Ta 'ilobwenedi esi taudi tuga sida mai be si'au'ewa apwesema.”

Guinuwa 18:14

Ga Paulo 'iabe be 'ieona limadi, ta Galio sa'i 'iona nugana me Yudia 'ediya, ta 'igwae, “Me Yudia, 'omi 'igu ona wanonoi: 'Eguma tai gete 'ibubuna to'umalina nai loegesi 'iguiguinuwe, 'ilobwenena be 'imi e'ewa yada nono,

Guinuwa 22:25

'Enega sitauyena anuwaya ga siyonina sabi sapina, ta tolosaiyao 'idi toanugana selabenaya 'itoolo, 'enega Paulo toanugana nina 'ieonena, “'Abo'agu ni'atu yaeLoma, ta nigeya 'ebweu loina 'imiyami be wada sapigu, manuna nigeya 'ebweu to'ase 'igu loegesi walobaloba etala 'enega.”

Guinuwa 25:10

Ta Paulo 'igwae, “Geya nuwagu 'igu etala manuna me Yudia siloinegu, manuna nigeya 'ebweuna to'ase 'ediya yagiegie loegesiye, ta gete ni'atu 'umwalatonina. Ta esiya me Loma 'imi 'ebe etala 'enaya yatootoolo, ta gete 'ilobwenegu.

Guinuwa 25:12

'Enega Pesito nina 'iapwesa ga 'ina tosinasinapuyao ma'enao si'awagwae, ga 'iilama ma ina e'isa, ta 'igwae, “Bobo'ana, nuwanuwayo kini 'ina etala, 'enega kini Sisa 'ina etala 'ena yada etuneyo.”

Guinuwa 25:21

“Ga Paulo nina 'iguitoyasa, ta Sisa 'ina etala manuna 'isida. 'Enega yatagwalena ta deliya 'ida miyami bemi, 'ana laba 'eda 'aloba be yaetune Sisa 'ena.”

Guinuwa 25:25

Ta nigeya 'ebweu 'ina loegesi yalobaloba be manuna 'ida mwawasa, ta tauna nuwanuwana be 'ida kini sinabwana Sisa 'ena 'ida etala, 'enega yaloina be yada etunena Sisa nina 'enaya.

Guinuwa 26:32

'Enega Kini Agalipa Pesito 'ieonena, 'igwae, “Tai gete 'abo nigeya Sisa 'ina etala manuna 'isidasida, sawesawenaya be ta'etoli'ami.”

Guinuwa 28:19

ta me Yudia sigewana gabana 'ena 'aene geya'abo sili'ali'amigu. Gete 'alena yasida Sisa 'ina etala manuna; ta nigeya 'aene 'ida bodao yae'ewadi,

1 Tesalonaika 2:15

Manuna taudi me Yudia 'idi bubuna gete 'ida 'Inapwana Yesu siloemwawasina, ta wate lowaenei palopitao siloemwawasidi, ta wate 'abo'ama ni'atu sietalauwalema, 'enega Yaubada geya nuwana taudi,