Guinuwa 25:10 - Loina Tabu Auwauna NT

¹⁰ Ta Paulo 'igwae, “Geya nuwagu 'igu etala manuna me Yudia siloinegu, manuna nigeya 'ebweuna to'ase 'ediya yagiegie loegesiye, ta gete ni'atu 'umwalatonina. Ta esiya me Loma 'imi 'ebe etala 'enaya yatootoolo, ta gete 'ilobwenegu.

Guinuwa 25:10 Σταυροειδείς Αναφορές

Madiu 27:18

Manuna Pailato 'imwalatonina 'aene e'ipi'ipiyega Yesu siwasegigiyena sabi loemwawasina.

Madiu 27:19

Ta wate tuta nina 'etamo Pailato etala 'iguiguinuwe, ta mwanena ale 'ietunenama ga 'igwae, “Geya'abo wate to'ase 'uloiloine tai palupaluna gete manuna, manuna ni'a yamadawalena ga 'ebe matauta sinabwana 'eguya.”

Guinuwa 23:29

ta yalobena 'idi e'ewa 'alena nate sionaona taudi tuga 'idi tapwalolo 'ana loina manuna, ta 'idi e'ewa nina nigeya loemwawasa nai sa'u deli 'ilobwelobwene.

Guinuwa 25:17

“'Enega sideli egogonama gete 'ena, ta nigeya yaso'iso'i, ga tomwa 'iulisina ga 'ebemi etala 'ena yamiyatowa, ta yaona, ga tai nina si'au'ewenama.

Guinuwa 25:25

Ta nigeya 'ebweu 'ina loegesi yalobaloba be manuna 'ida mwawasa, ta tauna nuwanuwana be 'ida kini sinabwana Sisa 'ena 'ida etala, 'enega yaloina be yada etunena Sisa nina 'enaya.

Guinuwa 25:6

Ta wiki 'ebweuna ta tupwana namo 'ediya 'imiyami, ta 'enega 'imwa'uta Sisalia, ta tomwa 'iulisinaya, ga etala 'ana 'ebemi 'ena 'imiyatowa, ta 'iloina be Paulo sida me'ena.

Guinuwa 26:31

ta sieonaona taudimo, sigwae, “Tai gete nigeya 'ebweu to'ase 'ina loegesi be manuna mwawasa nai sa'udeli 'ilobwelobwene.”

Guinuwa 28:18

Ta 'igu etala mulinaya me Loma nidi nuwanuwadi be sida li'amigu, manuna nigeya 'ebweu 'igu to'umalina silobaloba, be 'aene manuna sida loemwawasigu,

2 Kolinita 4:2

Ni'atu bubuna to'umalidi nai kabokabodi 'aguitoyasedi, ta wate geya'abo Yaubada 'ina ona 'agibugibuni be 'aene e'ita kabokabona 'enega 'ae'ie'ita, ta esi e'ita 'ai'aila 'aonaona apwese, be tomota maibo'ami 'ima bubuna bobo'ana Yaubada matanaya wa'ita.