Guinuwa 24:5 - Loina Tabu Auwauna NT

⁵ “Ona'ai'aila, tai gete 'a'italobena tobubuna geyogeyoi, be me Yudia 'adi togieloegesi sena yauyaudi 'ediya, ta boda Nasaleta 'idi to'aala doe.

Guinuwa 24:5 Σταυροειδείς Αναφορές

Madiu 10:25

Ta esi bobo'ana 'eguma 'aene 'omi 'agu tomuliyao ta 'abo'agu taeleleleya. Manuna 'abo'agu tonianuwa, ta 'abo ni'atu sieesegu Bielisibubi, 'omi 'igu bodao 'etamo si'awato'umali wawasaemi.

Madiu 2:23

'Enega Nasaleta 'ena 'ilo'asa. Gete 'enega palopitao 'idi gimisimana 'iapwesa, sigwae, “Tauna sida eese goma Nasaleta.”

Maki 1:24

'igwae, “Yesu, 'oyo goma Nasaleta, to'ase 'alena ga 'umai 'emaya? Nuwanuwayo be 'aene 'uda pe'uma, aga? Ta 'oyo sa'i ni'atu yamwalatonimu, 'oyo tuga Yaubada Natuna.”

Luke 23:19

Balaba nina loemwawasa manuna deliya sisa'unaya, manuna sena nina 'ena lowa Balaba magosenao me Loma silosaiyedi, ga 'aina tomota 'iloemwawasidi.

Luke 23:2

Sitauyena Pailato nina 'ena ga Yesu manuna sisimana kabokabo, sigwae, “Tai gete 'ina e'ita 'anonodi be 'aene 'abo'ama me Yudia 'iagesiyema, nate 'igwae, ‘Geya'abo kini Sisa 'ana takisi wasa'usa'u, manuna 'abo'agu kini nina, ta To'etoseyana nigu.’”

Luke 23:25

Ta tai nina nuwanuwadi be 'aene 'i'etoli'ami manudi, 'i'etoli'amina, tauna toloemwawasa nina deliya sisa'unaya, lowa tuta nina tauna me Loma 'idi toanuganao 'ilosaiya 'ediya. 'Enega Pailato nina pwalu nimadiya Yesu 'isa'una, be 'idi nuwanuwa nina sida losaloni.

Luke 23:5

Ta taudi tuga sie'ewa 'i'isina, sigwae, “'Ikabokaboeyo nate, manuna ni'atu 'alobena tomota 'ikabokaboedi be 'aene gabemaniyao 'ediyega 'iweyalidi. Manuna ni'atu Galili 'ena 'ina kabo 'ie'alena ga Yudia senanao maibo'adi 'iloegumwalidi ga ni'atu 'iapwesama sena gete 'ena.”

Guinuwa 15:5

Ta 'aina Yesu 'ana toemisao Palisi bodadi 'ediyega sitoolo, ga sigwae, “'Eguma 'asa apwesa 'adi tomiyanao siemiemisa, 'ilobwenedi be daba si'ewa be wate tada loinedi be Mosese 'ina loinao sida muliyedi bemi, be muliyega siekalesiya 'ai'aila.”

Guinuwa 21:28

ta sibwaubwau, sigwaegwae, “Me Isileli ye, wamai be wa'ita tai getei, tauna tomota esena yaudi 'ediya 'ie'ita gesiyedi, be 'aene 'ida boda, be 'ida loinao be 'ida Anuwa Tabu sida sinalidi, ta wate Anuwa Tabu gete 'igie yage besobesoena, manuna mali tomota, taudi nigeya me Yudia, 'ime'edi solanaya.”

Guinuwa 22:22

Paulo 'ina ona maibo'ana gete sinono 'ai'ailina, ga 'ana laba taudi nigeya me Yudia manudi 'iona, ta 'enega silolagata ga 'enadi sinabwanega sibwaubwau, “Tai gete 'ilobwenena bale'uyega tada 'ewayaule, be geya'abo 'ida miyami.”

Guinuwa 24:14

“Ta 'idi ona 'ebweuna namo ya'awa 'ai'ailena, nate 'Eda nina sieesena Weyala 'enega yalotapwalolo, tubumao 'idi Yaubada 'ena, ta wate Mosese 'ina loinao be palopitao 'idi 'etoladiyao maibo'adi yaemisedi,

Guinuwa 24:4

Ta geya nuwagu wate 'igu ona 'emuya yagiegie duduli, ta esi yasideyo ma imu oboboma 'uda enonoegu be 'ima ona kukupana tuga yada simanedi, tai gete manuna.

Guinuwa 25:7

'Enega Paulo 'imai, ga me Yudia nidi taudi Yelusalemega simwa'utamaya, sitoolo sakowasiyena, ta 'enega 'idi e'ewa Paulo manuna sisimanedi, ma idi gamwasowala, ta yauna 'idi simana nidi nigeya 'adi 'ai'ailamo.

Guinuwa 26:5

ta tuta dudulana 'enega simwalamwalatonigu 'aene 'abo'ama boda Palisi, ta Palisiyao 'ima loina waiwaina yamuliya 'ai'ailina, be 'abo 'uenaidedi ta nuwanuwadi sie'isa, 'iabe si'awa 'ai'aila.

Guinuwa 28:22

Ta esiya nuwanuwama 'ada nono 'emuyega to'ase 'imu nuwanuwa nidi, manuna sena yauyaudi tomoteninao 'imu boda ekalesiya si'awa to'umaliyena.”

Guinuwa 5:17

Ta totaliyao 'idi 'inapwana sinabwana be Sadusiyao 'idi boda ma'enao sigamwasowala ta sie'ipi'ipiyedi,

Guinuwa 6:13

ta toe'ewa kabokabo nidi sibwauyedima, ta taudi sigwae, “Tai gete, tuta yauyauna 'ediya, Mosese 'ina loinao be Anuwa Tabu gete wate 'isinalidi,

1 Kolinita 11:19

Ta 'imi eweyaweyala 'ana bobo'ana nate 'aene yaisigedi taudi toekalesiya 'ai'ailao ta'inanadi.

1 Kolinita 4:13

Ta wate 'abo sigamwasowalema ma ima nuwabobo'ana, 'aegosigosiyanedi. Ona'ai'aila, 'abo'ama 'atuwa sumwana, 'enega tomota siguiguitoyasema.

1 Pita 2:19

Manuna 'abo nigeya 'ebweu 'imi guinuwa to'umalina, ta sigie'elouya daisimi be Yaubada manuna wanuwanuwa sinabwana ga wae'alama'i'itanemi, nate bubuna bobo'ana Yaubada matanaya.