Guinuwa 23:35 - Loina Tabu Auwauna NT

³⁵ 'Enega gabana 'igwae, “'Amu toe'ewao simamai bemi be 'enega 'imi etala yada guinuwe.” Ga tolosaiyao 'iloinedi be Paulo nina sida lomata'i'isi anuwa esaesa nina, lowa Elodi 'ina anuwa, 'enaya.

Guinuwa 23:35 Σταυροειδείς Αναφορές

Madiu 2:1

Tuta nina Yesu 'itubuwa Bedileema 'enaya, Elodi tauna 'iloiloina Yudia solanaya. Ta tuta nina 'enaya 'aidi tosinasinapuyao sena bomatuyega simai ga me Yelusalema 'ediya sienaida,

Madiu 2:16

Ta tuta nina Elodi tosinasinapuyao 'iyamwa yogenediya, manuna nigeya siilailama. 'Idi kabo manuna 'igamwasowala sinabwana, 'enega 'ina loina 'isa'una be tolosaiyao 'ietunedi Bedileema be 'asanao 'ediya, be 'aene gogama me'olotodi taudi 'adi yakwala 'eluwa 'enega 'imwa'utama sida loemwawasidi. Gogama nidi gete nadigega 'adi loina Elodi 'isa'una, manuna tosinasinapuyao 'idi ona 'enega ni'atu 'isinapuna to tutaya gwama nina 'itutubuwa.

Madiu 2:3

'Idi ona gete Kini Elodi 'inonona ga 'i'atesa'ala ta wate me Yelusalema yaudi si'atesa'ala ona gete manuna.

Madiu 27:27

'Enega toloina nina 'ina tolosaiyao Yesu sisapina ta siluguyena 'idi anuwa sinabwana solanaya, ga 'idi boda maibo'adi sibwau egogonedima Yesu 'enaya,

Yoni 18:28

'Enega Yesu Kaiyapa 'ina anuwega si'au'ewena ga sitauyena toloina sinabwana Pailato 'ina anuwaya. Ta ni'atu tomwa 'iulisina, 'enega nigeya sawesawediya be me Yudia nidi silulugu Pailato 'ina anuwaya, manuna to tuta 'ena Ataona masulina sida 'ani geya'abo me Loma 'idi anuwa 'ediya silugulugu. Nate 'idi tabu sinabwana.

Guinuwa 23:30

Ga ni'atu emataluwa yanonona 'idi loina kwaiya Paulo 'ana loemwawasa manuna, 'enega yalomanini ga yaetunenawa 'emuya, ta 'ana toe'ewa wate yaeonedi be siwawa 'emuya, be nada sida simana to'ase 'idi e'ewa 'alena tai gete manuna.”

Guinuwa 24:1

Ta 'asiyata nima sigumwala ga Ananayasi, tauna totaliya sinabwana, be 'aidi me Yudia 'idi 'inapwanao, ta wate 'ebweu tai, tauna ona 'alena, 'ana esana Telitulo, ga tauna ma'enao simwa'utama, ga gabana Pilikesa 'ena 'idi e'ewa Paulo manuna sime'ena.

Guinuwa 24:10

Ta 'enega gabana nimanega Paulo 'ieonena be 'ida ona. 'Enega Paulo 'ilolagata, 'igwae, “Yamwalatonina 'oyo 'ebeloina gete 'ena yakwala yauna 'uloiloina, 'enega ma igu gwausowala be matamuya yada onaila 'agu e'ewa gete manuna.

Guinuwa 24:19

ta sa'i 'aina tomota si'itegu, taudi Esia 'ana tomiyanao, be 'ilobwenena taudi matamuya gete sida mai, 'abo nuwanuwadi be sie'ewagu, ta nigeya simeemai.

Guinuwa 24:22

Ta 'eda nina manuna Paulo 'ionaona, Pilikesa wate 'imwalatoi 'ai'ailina, ga 'iupaila, 'igwae, “Tuta 'abo boda saiya 'ana toloina Lisiasi 'imwa'utama, 'enega 'imi etala manuna yada esinuwa, nai Paulo palupaluna nai nigeya.”

Guinuwa 24:23

'Enega Pilikesa tolosaiyao 'adi toanugana 'ieonena, “Tai gete waile deliya, ta geya'abo waloiloina pa'ale, ta 'abo gosenao nuwanuwadi be simeemai 'ana lema sabi 'ebwa'ena, geya'abo wa'eto'etobodedi.”

Guinuwa 25:16

Ga yaeonedi yagwae, ‘Nigeya me Loma 'ima bubuna nadigega 'aene tomota 'emiya 'atagwala 'imi loinao manudi, ta esi 'ilobwenena be nugana etala tada guinuwa be 'imi e'ewao be tauna 'ina eyaseyase wada simana apwesedi.’