Guinuwa 23:17 - Loina Tabu Auwauna NT

¹⁷ Ga Paulo tolosaiyao 'idi toanugana 'ebweu 'ibwauyenama, ta 'ieonena, “Tubuwau gete 'uda tauyena boda saiya 'ana toloina 'ena, be to'ase 'ina nuwanuwa 'ida simana 'enaya.”

Guinuwa 23:17 Σταυροειδείς Αναφορές

Madiu 10:16

“Wanuwa'i'isi 'aene 'abo'agu yaetuetunemi 'omi nadigega sipi panapanaisimi watautauya kedewa bosasa gamwagamwanidiya, 'enega 'ilobwenemi be wada nuwasinapu mwata 'atuwa, ta esi wada bubuna nuwana bunebune 'atuwa.

Yoni 18:12

'Enega tolosaiyao nidi ma idi toanuganao be wate me Yudia 'idi 'ali'eiyao Yesu sigiyaina ga nimana siyonina.

Guinuwa 22:26

Ta toanugana nina Paulo 'ina ona 'inonona, 'enega 'ilomanini ga 'itauya 'idi boda saiya 'ana toloina 'ena, ga 'ieonena, “To'ase 'aene 'uda guinuwe? Tai gete tauna goma Lomana!”

Guinuwa 23:16

Ta Paulo 'ina 'ali'ei, tauna waana, toloemwawasa nidi 'idi sipupu 'alena 'inonona, ga anuwaya 'ilugu, ga Paulo 'ena 'isimana.

Guinuwa 23:18

Ta 'i'au'ewena toloina nina 'enaya, ta 'ieonena, “Paulo deliya 'imiyami 'ibwauyeguya ga 'ieonegu 'aene tubuwau nina gete ya'au'ewenama, be to'ase 'ina nuwanuwa 'ida simana 'emuya.”

Guinuwa 23:23

'Enega boda saiya 'ana toloina nina tolosaiya 'adi toanuganao 'eluwa 'ibwauyedi, ga 'iloinedi, “Batuwa guguyoiya, tolosaiya tu analedi, be togelu osi site sebeniti be to'aalagita tu analedi wate wada egogonedi, be sida tauyemi Sisalia 'ena.