Guinuwa 22:25 - Loina Tabu Auwauna NT

²⁵ 'Enega sitauyena anuwaya ga siyonina sabi sapina, ta tolosaiyao 'idi toanugana selabenaya 'itoolo, 'enega Paulo toanugana nina 'ieonena, “'Abo'agu ni'atu yaeLoma, ta nigeya 'ebweu loina 'imiyami be wada sapigu, manuna nigeya 'ebweu to'ase 'igu loegesi walobaloba etala 'enega.”

Guinuwa 22:25 Σταυροειδείς Αναφορές

Madiu 10:17

“'Enega wa'ita'i'isimi, manuna tomota 'etamo sitauyemi etala manuna, be anuwa tapwalolo 'ediya 'etamo sisapisapimi,

Madiu 27:54

Ta tolosaiyao nidi ma idi toanugana ma'etamo Yesu si'ita'ita'i'isi, ga mwani'ini'i be yage maibo'ana siapwesaya si'itedi, ga simatauta sinabwana, ta sigwae, “Ona'ai'aila, tai gete Yaubada natuna.”

Madiu 8:8

Ta tai nina Yesu 'ina ona 'ie'isena, 'igwae, “'Inapwana, nigeya 'ilobwelobweneyo be 'igu anuwaya 'ululugu, ta esi 'uda onamo be 'enega 'igu 'ali'ei 'ida bobo'ana.

Guinuwa 10:1

Ta 'asa Sisalia 'enaya 'ebweu tai 'ana esana Konilio 'imiyami. Tauna me Loma tolosaiyao 'adi yau analedi 'idi toanugana, boda Itali 'enega,

Guinuwa 16:37

Ta Paulo 'iguitoyasa, 'igwae, “Geya'abo 'atautauya. Manuna nigeya 'ebweu 'ima loegesi etala 'enega silobaloba, ta bodao matadiya siunu dadanema, ga deliya sisa'u luguyema, ta 'abo'ama sa'i lowa 'aeLoma. To'ase manuna 'aene sida li'amima be sigieapwesema kwaiyega? Ta 'ilobwenedi esi taudi tuga sida mai be si'au'ewa apwesema.”

Guinuwa 22:26

Ta toanugana nina Paulo 'ina ona 'inonona, 'enega 'ilomanini ga 'itauya 'idi boda saiya 'ana toloina 'ena, ga 'ieonena, “To'ase 'aene 'uda guinuwe? Tai gete tauna goma Lomana!”

Guinuwa 23:17

Ga Paulo tolosaiyao 'idi toanugana 'ebweu 'ibwauyenama, ta 'ieonena, “Tubuwau gete 'uda tauyena boda saiya 'ana toloina 'ena, be to'ase 'ina nuwanuwa 'ida simana 'enaya.”

Guinuwa 23:27

Tai gete me Yudia sigiyaina be 'iabe siloemwawasi, ta alena yanonona 'aene tauna goma Lomana, ga tolosaiyao ma'egwao 'atauya 'ediya, ga nimadiyega 'a'etoseyena.

Guinuwa 25:16

Ga yaeonedi yagwae, ‘Nigeya me Loma 'ima bubuna nadigega 'aene tomota 'emiya 'atagwala 'imi loinao manudi, ta esi 'ilobwenena be nugana etala tada guinuwa be 'imi e'ewao be tauna 'ina eyaseyase wada simana apwesedi.’

Guinuwa 27:1

Ta ni'atu siloina 'aene Itali 'ena 'ada tauya, 'enega Paulo be 'aina yoniyonidi wate ma'enao si'ebwayaedi Sisa 'ina tolosaiyao 'adi toanugana 'enaya, 'ana esana Yuliasi, be 'ima 'adau 'ena 'i'ita'i'isidi.

Guinuwa 27:3

Ta tomwa 'iulisina ga Saidoni 'ena 'alugu, ta Yuliasi Paulo 'i'atenuwa 'ole'oleyena ga 'itagwalena ga 'itauya gosenao 'ediya, be sida 'ita'i'isina.

Guinuwa 27:43

Ta 'adi toanugana nina nuwanuwana be Paulo 'i'etoseyei, 'enega 'i'etobodedi, 'aene geya'abo siloeloemwawasidi. Ta esiya 'iloinedi taudi sawesawediya be situtube sida 'atui nugana be dabala manuna sida tube,