Guinuwa 22:24 - Loina Tabu Auwauna NT

²⁴ Ta 'enega boda saiya 'ana toloina 'ina tolosaiyao 'iloinedi, 'igwae, “Tai nate watauye anuwaya, be sapi yauna wa'ebwa'e, be 'ana laba 'isimana apwesa to'ase tomota 'idi gamwasowala 'enaya 'alena.”

Guinuwa 22:24 Σταυροειδείς Αναφορές

Yoni 19:1

'Enega Pailato Yesu 'i'au'ewena ga 'ina tolosaiyao 'i'ebwa'edi, ga balae metametana si'ewena ga 'enega Yesu sisapina sinabwana.

Guinuwa 16:37

Ta Paulo 'iguitoyasa, 'igwae, “Geya'abo 'atautauya. Manuna nigeya 'ebweu 'ima loegesi etala 'enega silobaloba, ta bodao matadiya siunu dadanema, ga deliya sisa'u luguyema, ta 'abo'ama sa'i lowa 'aeLoma. To'ase manuna 'aene sida li'amima be sigieapwesema kwaiyega? Ta 'ilobwenedi esi taudi tuga sida mai be si'au'ewa apwesema.”

Guinuwa 21:34

Ta boda sibwau, 'idi onao dumadumadi be dumadumadi, ta nigeya sawesawenaya be 'inono 'ai'aili, bwau toitoila manuna, ga 'iloina 'aene tolosaiyao 'idi anuwaya sida me'e.

Guinuwa 21:37

Ta 'iabe si'au'ewenama anuwaya, ga Paulo boda saiya 'ana toloina 'isidena, 'igwae, “Kapekapeyana ona 'ebweuna 'emuya yaonei?” Ta toloina nina 'ilosuyaena, ga 'igwae, “Na! Tumada! 'Ena Gilisi 'umwalamwalatoni.

Guinuwa 23:10

Ta ni'atu sie'ue'upwa sinabwana, ga boda saiya 'ana toloina pwaluyao 'imatautedi, 'abona nai Paulo sigiyai be sigieto'umaliye, ga tolosaiyao 'iloinedi ga sidolo ga Paulo gamwagamwanidiyega sime'ena anuwaya.

Guinuwa 23:27

Tai gete me Yudia sigiyaina be 'iabe siloemwawasi, ta alena yanonona 'aene tauna goma Lomana, ga tolosaiyao ma'egwao 'atauya 'ediya, ga nimadiyega 'a'etoseyena.

Guinuwa 28:18

Ta 'igu etala mulinaya me Loma nidi nuwanuwadi be sida li'amigu, manuna nigeya 'ebweu 'igu to'umalina silobaloba, be 'aene manuna sida loemwawasigu,

Ibeliu 11:35

'Aina iine wate 'idi tokwaiyao mwawasega sitoolo limana. Ta wate 'aidi toemisao 'adi talauwalao 'ediyega 'elouya silobena, manuna sitoodi 'aene sigiesana iledima be emisa silosa'u, ta sitoo yogenedi, manuna 'idi emisa pa'alina 'aene ma'etamo mwawasega sitoolo limana be yawasidi bobo'ana si'ewa.