Guinuwa 21:26 - Loina Tabu Auwauna NT

²⁶ 'Enega Paulo 'idi ona 'inonona, ga mali 'asiyataya site ata nidi ma'enao sitauya ga sigie'esasedi, ga Anuwa Tabu 'ena silugu, ga Paulo totaliya 'ieonena, 'igwae, “'Abo'ama ni'atu 'aonaupaupa Yaubada 'ena, ta 'asiyata sebeni 'ima 'esasa manuna silosalowa, be 'enega 'ailama be yada taliya manuma.”

Guinuwa 21:26 Σταυροειδείς Αναφορές

Yoni 11:55

Ta tuta nina 'ena me Yudia 'idi Ataona Sagalina 'ana tuta 'iloselabena, 'enega tomota yaudi 'idi 'asega situ'e Yelusalema 'ena sabi gie'esasadi be muliyega sagali nina sida guinuwe.

Guinuwa 21:24

'Enega 'oyo ma'ediya wagie'esasemi be watauya Anuwa Tabu 'ena, be 'aene 'uya'uyadi sida sui be sida taliya Yaubada 'ena, be 'imi guinuwa nina 'ana maisa maibo'ana 'oyo 'uemaisi, be gete 'enega tomota maibo'adi sida mwalatoniyo 'aene Mosese 'ina loina 'umulimuliye, ta 'awato'umalina nidi manuyo sinonodiya, maibo'adi ona besobeso.

Guinuwa 24:18

'Enega ni'atu yagie'esasegu, ga taliya nina yaguinuwena Anuwa Tabu solanaya, ta nigeya boda ma'egwao, ga nigeya galala,

1 Kolinita 9:20

'Enega yabubuna me Yudia 'idi bubuna nadigega be 'enega 'aene me Yudia yada lemedi, ta taudi Mosese 'ina loina simuliyena, 'abo ma'egwao 'amiyami yabubuna taudi nadigega be 'aene yalemedi, ta esi 'ateguyega geya'abo loina nina 'enaya yatagwatagwala.