Guinuwa 21:21 - Loina Tabu Auwauna NT

²¹ ga aleyo sinonona 'aene 'oyo me Yudia taudi mali senao 'adi tomiyanao 'ue'ie'itadi be 'aene Mosese 'ina loina sida guitoyasa, ta 'ueoeonadi 'aene geya'abo natudiyao me'olotodi sida lodalodabadi be tubudao 'idi bubuna geya'abo sida mulimuliye.

Guinuwa 21:21 Σταυροειδείς Αναφορές

Guinuwa 16:3

ga Paulo nuwanuwana be Timoti ma'ediya sisakowasi, 'enega 'ibwauyena ga bwalana 'ilodabena Mosese 'ina loina nadigega, be 'aene me Yudia Timoti nina sida 'amayabe, manuna me Yudia sena nina Lisitila 'ena simwalatonina 'aene Timoti tamana goma Gilisi.

Guinuwa 21:22

'Iabe sinono 'aene ni'atu 'umai saba, be sigamwasowaleyo, 'enega to'ase tada guinuwa?

Guinuwa 21:28

ta sibwaubwau, sigwaegwae, “Me Isileli ye, wamai be wa'ita tai getei, tauna tomota esena yaudi 'ediya 'ie'ita gesiyedi, be 'aene 'ida boda, be 'ida loinao be 'ida Anuwa Tabu sida sinalidi, ta wate Anuwa Tabu gete 'igie yage besobesoena, manuna mali tomota, taudi nigeya me Yudia, 'ime'edi solanaya.”

Guinuwa 28:17

Ta 'asiyata 'etoi sigumwala, ga Paulo me Yudia 'idi toanuganao 'ibwau egogonedima, ga 'ieonedi, “Tasigwao, 'abo'agu nigeya 'ebweu to'ase to'umalina 'ida bodao 'ediya yaguiguinuwe, nai 'ida bubuna tubudao 'ediyega yale'oale'oai, ta wada 'ita, Yelusalema 'ena si'ebwayaegu me Loma 'ediya ga deliya sisa'ugu.

1 Tesalonaika 2:16

ta 'ima simana 'omi sena yauyauna tomoteninao 'emiya sitootoo be sida 'etobode, manuna geya nuwadi be Yaubada 'i'etoseyemi. 'Enega 'idi to'umalinao sisinabwa 'ai'aila, ta 'ana e'isa nate 'elouya sinabwana Yaubada 'i'ebwa'edi.