Guinuwa 20:35 - Loina Tabu Auwauna NT

³⁵ 'Igu bubuna getedi 'ediyega yae'itemi 'aene 'ilobweneda be tauda 'ida paisewega tonenetao tada lemedi. Nadigega wate 'Inapwana Yesu 'ina ona wanuwayaina, nate 'igwae, ‘'Ewadaita nigeya gwausowalinamo, ta 'ebwaya esiya 'ana gwausowala sinabwa wawasae.’ ”

Guinuwa 20:35 Σταυροειδείς Αναφορές

Madiu 10:8

Tole'oasao wagiebobo'anedi be tomwawasa wagietoolodi be tolepeloyao wagie'esasedi, ta wate yaluyaluwa bi'i tomota 'ediyega waula apwesedi. Yaubada 'ina oboboma ni'atu 'i'ebwaya daisimi, 'enega 'omi wate 'ilobwenemi be wada 'ebwayadaita tomota 'ediya.

Guinuwa 20:20

ta sa'i nigeya 'ebweu to'ase 'Inapwana tetelina bobo'ana 'ana simana yaegagalena, ta esiya maibo'ana yae'itemi 'imi tapwalolo 'ediya, be wate 'imi anuwa 'ebweuna 'ebweuna 'ediya,

Guinuwa 20:34

ta esi ni'atu wamwalatonigu 'aene taugu 'igu paisewega 'agu 'e'ai be gwegwe yalobedi, ga 'igu 'ali'eiyao wate yalemedi.

Guinuwa 20:36

Paulo 'ina ona gete 'igumwalaya ga 'i'aetulasa, ga ma'enao sisidasida Yaubada 'ena.

Loma 15:1

Yaisigedi 'abo'ada 'ida emisa waiwaina, 'ilobweneda be gosedao taudi 'idi emisa nenetadi tada lemedi, ta geya'abo taudamo manuda tanuwanuwa.

1 Kolinita 9:12

Manuna mali tosimanao wae'enidi, 'enega 'ilobwenemi be wada e'enima wate, ta tuwa tuga 'a'alama'i'itana sinabwana, manuna 'abona nai 'aoopa'ala 'emiya be Keliso tetelina wasinali.

2 Kolinita 11:12

Wate 'igu guinuwa manumi ma'etamo tuga yada guiguinuwa, be 'enega yada gielosa'udi taudi toona gagasa sigwae 'aene 'idi guinuwa 'emiya nadigega 'abo'agu 'igu guinuwa.

2 Kolinita 11:9

Wate tuta nina 'imi senaya yamiyami ta yabotabotana, nigeya yada sida 'emiya, ta esi 'aina tasidao Masidonia 'enega simai ga lema si'ebwa'egu; manuna geya nuwagu be mwau 'emiya yasa'usa'u 'agu masula manuna. Lowa nigeya 'ebweu mwau 'emiya yasa'usa'u, be tuta simeemai 'ediya wate geya'abo yasa'usa'u.

2 Kolinita 12:13

Wate 'igu guinuwa manumi tuga nadigega 'igu guinuwa ekalesiyao maibo'adi manudi, ta 'ebweu yage namo nigeya 'emiya yaguiguinuwa, 'agu lema mani ya'ewena ekalesiyao yaudi 'ediyega, ta esi 'omi 'emiyega nigeya. Gosegwao, yasidasida 'emiya be 'igu loegesi gete wada nuwatau.

2 Kolinita 8:9

'Omi 'ida 'Inapwana Yesu Keliso 'ina oboboma wamwalatonina, tauna 'ina esaesa sinabwana 'ipilisinena ga 'iegomabeso sabi 'etoseyemi, be 'aene 'ina egomabeso 'enega 'omi wada eesaesa.

Epeso 4:28

To'ipwalao 'ilobwenedi be silosa'u, ta esi paisewa bobo'ana nimadiyega sida guiguinuwe, be paisewa nina 'ana maisa 'enega lema sida 'ebwa'ebwaya togomabeso 'ediya.

1 Tesalonaika 4:11

be wate wada too be wada miyasiwalowa be taumimo 'imi paisewa wada paisewadi, be geya'abo mali tomota 'alodi wa'e'enuwadi, nadigega lowa 'aemataluwa'esemi.

1 Tesalonaika 5:14

Ta gosemao, 'ilobwenemi wate be tologwautoyasao waloguguyadi, be to'atesa'ala wagie 'atepatudi, be toneneta walemedi, ta yage nidi getedi e'alama'i'itega wada guinuwedi.

Ibeliu 13:16

'Ebweu taliya wate Yaubada nuwanuwana sinabwana, nate oboboma tomota manudi ma ida 'atenuwa'ole'ole.

Ibeliu 13:3

Wate gosemiyao wada nuwa'i'isidi taudi deliya simiyami, be wada lemedi 'atuwa 'omi nadigega deliya ma'emiyao wamiyami. Ta wate gosemiyao taudi simiyamwau wada nuwa'i'isidi be wada lemedi, manuna 'omi tomota tuga, taudi nadigega!

3 Yoni 1:7

Taudi Keliso 'ina guinuwa manuna sisakosakowasi, ta nigeya lema sida lobena taudi nigeya Yaubada 'ana toemisao 'ediyega.