Guinuwa 20:33 - Loina Tabu Auwauna NT

³³ “Lowa 'abo'agu ma'emiya tamiyami, nigeya yayatoyato'aiyedi 'imi esaesao, nai mani, nai 'oama bobo'adi,

Guinuwa 20:33 Σταυροειδείς Αναφορές

1 Kolinita 9:12

Manuna mali tosimanao wae'enidi, 'enega 'ilobwenemi be wada e'enima wate, ta tuwa tuga 'a'alama'i'itana sinabwana, manuna 'abona nai 'aoopa'ala 'emiya be Keliso tetelina wasinali.

1 Kolinita 9:15

Ta esi nigeya yaeonami be wae'enigu, ta wate geya'abo 'imi leta gete ya'eto'etoladi be 'aene wae'enigu. Geya'abo yaonaona masula manuna. 'Abo botanega yamwamwawasa, gete bobo'ana, manuna geya nuwagu be 'ami masula ya'ewadi.

1 Kolinita 9:18

Nate namo yagwausowala tuga manuna tetela bobo'ana 'emiya ya'ebwayadaita, ta esi geya'abo yanuwanuwa e'isa manuna.

1 Kolinita 9:4

'aene 'abo'agu Keliso 'ana tosimana 'ai'ailao nadigega. Manuna taudi 'adi masula be 'adi bwasi wa'ebwa'ebwa'edi, 'enega 'ilobwenena be 'abo'agu wate nadigega wada 'ebwa'egu.

2 Kolinita 11:7

Lowa Yaubada tetelina 'emiya yaloguguyaena, ta nigeya 'ebweu maisa manuna yaonaona 'emiya, 'enega wanuwena nai yaloegesi manuna 'abo'agu yagimwa'utegu be 'aene 'omi wada miyatu'e.

2 Kolinita 11:9

Wate tuta nina 'imi senaya yamiyami ta yabotabotana, nigeya yada sida 'emiya, ta esi 'aina tasidao Masidonia 'enega simai ga lema si'ebwa'egu; manuna geya nuwagu be mwau 'emiya yasa'usa'u 'agu masula manuna. Lowa nigeya 'ebweu mwau 'emiya yasa'usa'u, be tuta simeemai 'ediya wate geya'abo yasa'usa'u.

2 Kolinita 7:2

Gosegwao wada yalema, manuna 'ima bubuna 'emiya maibo'ana bobo'ana. Nigeya 'ebweu wate nuwami 'ada gieto'umaliyena, nai 'ada giekwaniyena, nai 'ada kaboemi.

1 Tesalonaika 2:5

Ta Wamwalamwalatoni lowa 'awai 'emiya nigeya ma ima ona dibidibidi, ta Yaubada wate 'imwalatonina 'aene nigeya 'aonaona 'awa yalayala 'emiya be 'aene 'imi gwegweyao 'a'ewadi.

1 Pita 5:2

'Enega wate yada emataluwemi 'aene 'imi bodao nidi wada 'ita'i'isidi, taudi nate Yaubada 'ina tomotaiyao. Ta wada 'ita'i'isidi 'imi 'atetagwalega tuga nadigega Yaubada 'ina nuwena, ta geya'abo ma imi logwautoyasa. Ta 'imi guinuwa wada guinuwedi, nigeya maisa manuna, ta esi tagwalega wada guinuwa.

3 Yoni 1:7

Taudi Keliso 'ina guinuwa manuna sisakosakowasi, ta nigeya lema sida lobena taudi nigeya Yaubada 'ana toemisao 'ediyega.