Guinuwa 20:20 - Loina Tabu Auwauna NT

²⁰ ta sa'i nigeya 'ebweu to'ase 'Inapwana tetelina bobo'ana 'ana simana yaegagalena, ta esiya maibo'ana yae'itemi 'imi tapwalolo 'ediya, be wate 'imi anuwa 'ebweuna 'ebweuna 'ediya,

Guinuwa 20:20 Σταυροειδείς Αναφορές

Maki 4:34

Tauna tuta yauna onasemalimaliyega 'iloguloguguya pwalu 'ediya, ta 'ina tononoyao dimo 'ediya onasemalimali nidi 'ili'ali'amidi.

Guinuwa 2:46

'Enega 'asiyata 'ebweuna 'ebweuna 'ediya ma idi 'atetagwala sitapwatapwalolo Anuwa Tabu 'enaya, ta taudi 'idi anuwaya ma idi gwausowola si'e'ai egogona,

Guinuwa 20:31

'Enega walomata'i'ita be wate 'igu loguguya wanuwa'i'isi, 'aene yakwala 'etoi soladiya nigeya yada eyawai'ata, 'asiyata be boiboi 'ediya, ta esi ma mataselugu yaloguloguguya 'ebweuna 'ebweuna 'enaya.

Guinuwa 5:2

Siteluwa nidi sitagwala ga 'aina mani sikwaiyena, ta 'ana tupwa namo Ananayasi 'ime'ena tosimanao nidi 'ediya.

Guinuwa 5:42

Ga 'asiyata 'ebweuna 'ebweuna 'ediya sie'ie'ita ta siloguloguguya Anuwa Tabu solanaya, ta wate tomota 'idi anuwao 'ediya, 'aene Yesu tauna To'etoseyana nina.

1 Kolinita 12:7

Ta Yaluyaluwa Tabuna 'ina eguyai 'ebweuna 'ebweuna 'edaya nate maibo'ada 'ada lema manuna,

1 Kolinita 14:6

'Enega gosegwao wada nuwa'i'isi 'abo yawawai 'emiya, be mali 'enana 'enega yaonaona 'emiya, nai geya'abo lema 'enega walobaloba. Ta esi 'abo yawawai 'emiya be lotoona auwauna nai mwalatoi nai loguguya nai e'ita ya'ebwa'emi, gete 'ebe lema 'emiya.

1 Kolinita 15:3

Tetela gete 'alena ya'ita lobena 'enega yasimanena 'emiya 'aene Keliso 'ida to'umalinao manudi 'imwawasa, nadigega Buki Tabu 'ina simana,

Pilipai 3:1

Gosegwao, 'ilobwenemi wate be 'ida 'Inapwana manuna wada gwausowala. Lowa 'ami loina ya'etoladinawa, ta gete watei nuwanuwagu be yada 'etoladi limanawa, be 'enega wada miya bobo'ana.

Kolose 1:28

Tauna Keliso nina 'asimasimane, ta 'ima mwalatoi 'ai'ailega 'aloguguya ta 'ae'ie'ita tomota maibo'ami 'emiya, be 'aene Keliso 'ana toemisao 'omi 'ada gieapwesemi ma imi bubuna maibo'ana bobo'ana, ta matuwana.

2 Timoti 4:2

'Amu loina nina gete: Tuta maibo'ana 'uetapewa waiwai be tetelina 'usimane, tuta mwau ta tuta gwausowala 'ediya, be tomota 'ediya 'uloguguya be siemisa, ta wate 'ugiepaludi be 'ugiewaiwaiyedi, ta yage nidi getedi 'ue'ita 'ai'ailidi ma imu 'alama'i'ita.