Guinuwa 20:17 - Loina Tabu Auwauna NT

¹⁷ Ta Milito 'enega 'isa'uale Epeso ekalesiya 'ana toanuganao 'ediya be sida mai.

Guinuwa 20:17 Σταυροειδείς Αναφορές

Guinuwa 11:30

'enega sigimi 'ebwayadaita ga mani silobena, ga tuta nina botana 'iapwesa, 'enega si'ebwa'edi Banaba ta Saulo, ga taudi sitauyena sena Yudia 'enaya.

Guinuwa 14:23

Ta wate 'asa 'ebweuna 'ebweuna 'ediya Paulo be Banaba toekalesiyao 'idi toanuganao siaseyedi, ta 'adi gilagata gete nadigega, 'ebotanega 'Inapwana nina siemisenaya 'ena sisidasida, be 'ida giewaiwaiyedi 'idi guinuwa nina manuna.

Guinuwa 15:23

ga toemisao nidi taudi nigeya me Yudia 'idi leta si'ewena, ta 'ana 'etoladi 'igwae, “Kagutoki tasimao 'omi toekalesiyao sena apwesaya Anitioki be Silia be Silisia 'ediya wamiyami. 'Abo'ama Yesu 'ana tosimanao be toanuganao 'imi leta 'a'etoladinawa.

Guinuwa 15:4

'Enega siapwesa Yelusalema, ga toekalesiyao be Yesu 'ana tosimanao be toanuganao si'au'ewedi 'idi anuwaya, ga Paulo be Banaba siemwasala 'ediya to'ase be to'ase 'idi paisewa Yaubada 'ina waiwaiyega siguinuwedi.

Guinuwa 15:6

'Enega Yesu 'ana tosimanao site tuwelo nidi be toanuganao deliegogona siguinuwena, ga nuwanuwa gete manuna sionaona.

Guinuwa 16:4

'Enega sisakosakowasi 'asa 'ebweuna 'ebweuna 'ediya, ga loina nina Yesu 'ana tosimanao be toanuganao to'ase Yelusalema 'ena siloinenaya sisimanena 'asa maibo'adi 'ediya, be 'aene loina nina sida mulimuliye.

Guinuwa 18:19

'Idi 'adau nina 'ena nugana silugu Epeso, ga Akuila mamwanena sisuya ga simiyami, ta Paulo wate 'isuya ga 'ilugu me Yudia 'idi anuwa tapwalolo 'ena, ga 'itootoo be 'aene 'ilisidima be Keliso 'ena sida emisa, ta ma'ediya si'awa'awagwae.

Guinuwa 20:15

Ta Mitiline 'apilisinena, ga tomwa 'iulisina Kiyo matanaya 'apilipili, ta tomwa wate 'iulisina ga Samo 'ena 'alugu, ta 'asiyata wate 'ebweuna ga Milito 'ena 'alugu.

Guinuwa 20:28

“'Enega toanuganao 'omi, taumimo wa'ita'i'isimi be 'imi sipiyao wate wa'ita'i'isidi, manuna Yaluyaluwa Tabuna 'imi paisewa nina 'i'ebwa'emi be toekalesiyao nidi walomata'i'isidi, manuna 'ida 'Inapwana Yesu tomotai nidi tauna lalanega 'igimwanedi.

1 Timoti 5:17

Ta 'ami toanuganao 'eguma silema 'ai'ailimi, 'omi wate wada 'amayaba 'ai'ailidi be wada 'ita'i'isidi, nate 'idi loguguya ta 'idi e'ita 'ana e'isa.

Taito 1:5

Gete manuna yaebesinemu Kiliti 'ena be to'ase ekalesiya solanaya nigeya bobo'ana 'uda giepaepalu, be 'igu loinega toanuganao 'uda esinuwedi 'asa 'ebweuna 'ebweuna 'ediya.

Yemesa 5:14

Ta 'eguma wate 'ebweu 'emiyega ma ina le'oasa, ekalesiya 'ana toanuganao 'ida bwauyedima be sida sidasida manuna, ta wate bunama 'ena sida siwa, 'ida 'Inapwana 'ana esanega.

1 Pita 5:1

Toekalesiyao 'idi 'inapwanao 'omi, 'aene yada gienuwa'i'isimi 'imi paisewa manuna. Manuna 'abo'agu 'ebweu wate toekalesiyao 'idi 'inapwana, ga 'abo'agu mataguyega Keliso 'ina 'elouya ya'itena, be ma'etamo 'ina esaesa maemaedanina 'ena yada miyami to tuta 'abo 'ina esaesa nina 'igieapwese.

2 Yoni 1:1

'Abo'agu 'imi 'ena'i, ta 'oyo waine Yaubada 'iesinuwemu manatumwao 'emiya leta gete ya'etoladinawa. Ona'ai'aila, yaobobomemi sinabwana. Nadigega wate taudi 'eda 'ai'aila 'ana tomuliyao siobobomemi,

3 Yoni 1:1

'Abo'agu 'imu 'ena'i, ta leta gete ya'etoladinawa 'oyo gosiyagu Geyo 'emuya. Ona'ai'aila, 'ateguyega yaobobomemu.