Guinuwa 20:16 - Loina Tabu Auwauna NT

¹⁶ Paulo ni'atu 'ieonema be 'aene Epeso 'ada pilisine, be 'aene geya'abo wate tuta 'ida mudamudali Esia senanao 'ediya, manuna nuwanuwana be 'ida lomanini 'abo kapekapeyana Yelusalema 'ida loba Penitikosi 'emasulina 'ana 'asiyata 'ena.

Guinuwa 20:16 Σταυροειδείς Αναφορές

Guinuwa 12:13

'Enega Pita anuwa 'ana 'awa 'enaya 'i'aukeke, ta topaisewa mewainena 'ana esana Loda 'imai,

Guinuwa 16:6

'Enega Paulo magosenao sena Piligia be Galetia soladiyega sitautauya, ta Yaluyaluwa Tabuna ni'atu 'i'etobodedi be 'aene geya'abo Yaubada tetelina sena Esia 'enaya siloguloguguyae.

Guinuwa 18:19

'Idi 'adau nina 'ena nugana silugu Epeso, ga Akuila mamwanena sisuya ga simiyami, ta Paulo wate 'isuya ga 'ilugu me Yudia 'idi anuwa tapwalolo 'ena, ga 'itootoo be 'aene 'ilisidima be Keliso 'ena sida emisa, ta ma'ediya si'awa'awagwae.

Guinuwa 18:21

'igwae, “Ma'etamo yailama, 'eguma Yaubada 'itagwalegu.” 'Enega me Epeso nidi 'ilokaiyoniyedi, ta 'igelu limana,

Guinuwa 19:1

Apolosa 'etamo Kolinita 'ena 'imiyami, ga Paulo 'isakowasi senao 'aina mitawaya 'ediyega, ga Epeso 'enaya 'imai le'awaya. Gote 'ena 'aina Yesu 'ana tomuliyao 'ialobedi,

Guinuwa 19:21

Muliyega Yaluyaluwa Tabuna Paulo 'ienuwa sa'uyena 'aene Masidonia be Akaya 'ediyega 'ida tauya, be Yelusalema 'ena 'ida apwesa, ga 'igwae, “Yanuganugana Yelusalema, ta yanuwena muliyega yatatauya Loma.”

Guinuwa 2:1

Ga muliyega 'emasula 'ana esana Penitikosi 'ana 'asiyata 'enaya Yesu 'ana toemisao maibo'adi ni'atu sideli egogonama,

Guinuwa 20:13

Ta 'abo'ama wagega 'agelu ga 'a'adau Asosi be 'aene gote 'ena Paulo 'ada usa, manuna 'isimana 'emaya, 'igwae, “Wagega watatauya, ta 'abo'agu 'aeguyega yatatauya Asosi, be gote 'ena wausagu.”

Guinuwa 20:18

Ta ni'atu 'ena simai ga Paulo 'ieonedi, 'igwae, “'Omi wamwalamwalatoni 'igu bubuna tuta nina tamiyami ma'egwao, Esia 'ena igu mai'unu 'enega ga batuwa,

Guinuwa 20:22

“Ta gete tuga Yaluyaluwa Tabuna 'ina loinega yatautauya Yelusalema, ta nigeya tamwalamwalatoni to'ase nai 'iabe nada 'eguya 'iapwesa.

Guinuwa 20:4

Ta 'aina tomota ma'enao sitauya, 'ebweuna goma Belia, tauna Pilo natuna 'ana esana Sopeta, be siteluwa me Tesalonaika, taudi Alisitako ta Sikanido, be goma Dabi 'ana esana Gayo, be Timoti wate, ta me Esia siteluwa, 'adi esanao Tikiko be Tilopimo.

Guinuwa 20:6

Ta 'abo'ama Pilipai 'ena 'amiyami 'ana laba pwalawa daisinamo 'emasulina 'aguinuwena ga muliyega 'abo'ama wate 'agelu, ta 'asiyata nima soladiya 'apilipili, ga muliyega 'alugu Tiloasi, ga gosemao nidi 'alobedi, ga 'asiyata sebeni wate 'amiyami.

Guinuwa 21:4

Ta 'aina Yesu 'ana toemisao 'alobedi ga ma'emao 'amiyami 'asiyata sebeni, ta Yaluyaluwa Tabuna mwalatoi gosemao nidi 'i'ebwa'edi, 'enega Paulo sieonena, sigwae, “Geya'abo 'ulagalaga Yelusalema.”

Guinuwa 24:17

“Ta yakwala yauna ni'atu sigumwala 'enega yaila Yelusalema ga 'ebwayadaita yame'ena 'igu boda 'ediya, ta wate taliya Yaubada manuna.

1 Kolinita 16:8

Gete tuga Epeso 'enaya yamiyami 'ana laba Ataona Sagalina 'igugumwala be muliyega yawawai.