Guinuwa 2:5 - Loina Tabu Auwauna NT

⁵ Tuta gote 'enaya totapwalolo me Yudia mali esenega be mali esenega ni'atu simai, ga Yelusalema 'ena simiyami,

Guinuwa 2:5 Σταυροειδείς Αναφορές

Madiu 24:14

“Ta Yaubada 'ina loina tetelina 'ida 'elelewana nugana sena maibo'ana 'ediya, be muliyega tuta 'ana 'ebe losalowa 'ida apwesa.

Luke 17:24

Manuna tuta nina 'abo yamamai, galewa 'ana 'ita 'atuwa maedana daisina, nadigega namala sinabwana 'ina giweyala 'ana 'ita.

Luke 2:25

Ta gote tuta nina 'enaya Yelusalema 'enaya 'ebweu 'inapwana 'ana esana Simioni 'imiyami. Tauna tai bobo'ana, ta wate Yaubada 'i'amayabena sinabwana, ta ma ina 'alama'i'itana 'iyamwayamwa me Isileli 'adi To'etoseyana manuna. Tai nina Yaluyaluwa Tabuna 'ena 'imiyami.

Luke 24:18

Ga gosiyanana 'ana esana Kaliopasa 'iona limana ga Yesu 'ena 'igwae, “Na 'oyo tebweumumo Yelusalema 'enaya nigeya 'umwalamwalatoni to'ase 'iapwesa 'asiyata 'etoi sigumwala 'ediya, aga?”

Yoni 12:20

Tuta nina 'ena 'aidi me Gilisi gamwagamwanidiya simiyami, taudi tomota nidi situ'ema Yelusalema, Ataona Sagalina 'ena sabi lotapwalolo.

Guinuwa 10:2

ta tauna tai bobo'ana ga ma ina susuyao Yaubada si'amayabena, ta tuta yauna togomabeso 'ilemelemedi ta 'isidasida Yaubada 'ena.

Guinuwa 10:7

Anilose nina 'ina ona 'igumwala ga 'itauya, 'enega Konilio 'ina toguinuwao 'ediyega 'eluwa 'ibwauyedi ma ina tolosaiya 'ebweuna, tauna wate Yaubada 'ana to'amayaba sinabwana.

Guinuwa 13:50

Ta sa'i me Yudia Paulo be Banaba sietalauwaledi, ga silomugiyedi iine 'alawatao taudi totapwalolo 'ediya, be wate 'asa 'ana 'inapwanao 'ediya, 'enega taudi wate sietalauwala Paulo be Banaba 'ediya, ga sipa'idi, ta sena nina sipilisinena.

Guinuwa 2:1

Ga muliyega 'emasula 'ana esana Penitikosi 'ana 'asiyata 'enaya Yesu 'ana toemisao maibo'adi ni'atu sideli egogonama,

Guinuwa 22:12

Ta Damasiko 'ena 'ebweu tai 'ana esana Ananayasi 'imiyami, tauna Yaubada 'ana toemisa 'ai'aila, ta Mosese 'ina loina 'ana tomuliya, ta me Yudia sena nina 'ana tomiyanao si'awa bobo'anena.

Guinuwa 8:2

Ta 'aina tomota, taudi Yaubada 'ana to'amayabao, Sitibeni nina sisa'u 'ali'aliyena ma idi dedoi sinabwana.

Guinuwa 8:27

'Enega Pilipi 'itoolo ga 'itauya, ga goma Idiopia ina waga lisilisi 'enega 'itautauya 'ilobena, tauna tai 'ewa'ewana, ta 'ana esana sinabwana, ta 'idi kuwini Kanidesi manuna 'iguiguinuwa, nate 'ina esaesa maibo'adi 'i'ita'i'isidi, ta tauna ni'atu 'imai Yelusalema sabi tapwalolo,

Kolose 1:23

nate 'eguma 'imi emisa geya'abo 'ineeneta, be 'eguma watoolo pa'ala tetela bobo'ana nina wanononaya 'ana emisa 'ena, ta nigeya wapilipilisine. Tetela nina 'ana loguguya tomota maibo'adi bale'uya sinononaya, ta 'abo'agu Paulo 'ana tologuguya 'ebweu.