Guinuwa 2:4 - Loina Tabu Auwauna NT

⁴ 'Enega maibo'adi Yaluyaluwa Tabuna 'iloemaedi, ta sie'ale ga mali 'enana be mali 'enana 'ediyega sionaona, nate Yaluyaluwa Tabuna 'ina waiwaiyega.

Guinuwa 2:4 Σταυροειδείς Αναφορές

Madiu 10:19

“Ta 'abo matadiya sietoolomi geya'abo wa'ate'atesa'ala be 'aene mwa'adega wada ona'esa, manuna 'etamo tuta nina 'ena Yaubada 'imi ona 'i'ebwa'emi,

Maki 16:17

“Ta 'agu toemisao nidi we'iwe'iyaya waiwaidi sida guinuwedi, nate 'agu esanega yaluyaluwa bi'i tomota 'ediyega sida ula apwesedi, be 'enana dumadumadi be dumadumadi 'ediyega sida onaona,

Luke 1:15

Manuna natumuna 'iabe 'ana esana sinabwana Yaubada matanaya, ta geya'abo oine nai bwasi waiwaidi 'inumanumadi, ta 'iabe 'ina tubuwa'unu 'enega 'ida maa Yaluyaluwa Tabunega.

Luke 1:41

Ta tuta nina Ilisabeti lokagutoki nina nibana 'enega 'inonona ga gwama nina gamwanaya 'iloniu, ta Yaluyaluwa Tabuna Ilisabeti nina 'iloemaena,

Luke 1:67

Ta tamanana Sakalaya Yaluyaluwa Tabuna 'iloemaena ga 'enega 'ionaupaupa, 'igwae,

Luke 12:12

manuna 'etamo tuta nina nate 'ena Yaluyaluwa Tabuna ma'emi, be tauna 'iabe 'ie'itami to'ase waonae.”

Luke 21:15

manuna 'abo'agu 'etamo ona palupaludi ta mwalatoi ya'ebwa'emi, be 'enega 'ami talauwalao geya'abo si'awa'awa kabokaboemi.

Luke 4:1

'Enega Yaluyaluwa Tabuna Yesu 'iloemaena ga Yolidaniyega Yesu 'i'au'ewena ga 'itauyena sena mitawa daitaya.

Yoni 14:26

be ma'etamo tolema nina, 'agu esanega Yaubada 'ida etunenama, nate Yaluyaluwa Tabuna, tauna yage yauyauna 'ida e'itami, ta wate ona nidi maibo'adi yaonaedi 'ida gienuwa'i'isimi.”

Yoni 20:22

Ta 'ina ona mulinaya ga yawasina 'imu'ebalena 'ediya ta wate 'ediya 'iona, “Yaluyaluwa Tabuna wa'ewa,

Guinuwa 1:5

Wanuwa'i'isi 'aene Yoni bwasiyega 'igiebapitaisoemi, ta 'asiyata nigeya yauna simiyami be 'omi 'imi bapitaiso Yaluyaluwa Tabuna 'enega wada loba.”

Guinuwa 1:8

Ta 'omi esi ma'etamo Yaluyaluwa Tabuna 'imamai be 'igiewaiwaiyemi, be manugu wada etosimana Yelusalema 'enaya, be Yudia ta Samelia 'asanao maibo'adi 'ediya, be wate bale'u maibo'ana 'ediya.”

Guinuwa 10:47

“Gosegwao! Wa'ita! Yaluyaluwa Tabuna ni'atu si'ewena, nadigega lowa 'abo'ada. 'Enega nigeya sawesawenaya 'idi bapitaiso bwasiyega ta'etobode, aga?”

Guinuwa 11:15

“'Enega yalolagata ga yaonaona, ta Yaluyaluwa Tabuna 'ediya 'imwa'utama, nadigega lowa 'abo'ada 'edaya 'igimi mwa'utama.

Guinuwa 11:24

Manuna Banaba nina tai bobo'ana ga Yaluyaluwa Tabuna 'iloemaena ta ma ina emisa sinabwana 'Inapwana 'enaya. 'Enega 'ina loguguya 'enega tomota yaudi 'Inapwana siemisena, ga toekalesiyao 'idi boda 'isinabwa.

Guinuwa 13:52

Ta esi Yaubada 'ana toemisao sigwausowala sinabwana, ta Yaluyaluwa Tabuna 'ina waiwai 'iloemaedi.

Guinuwa 13:9

Ta Saulo, tauna 'ana esana 'eluwena sibwauyena Paulo, Yaluyaluwa Tabuna 'iloemaena ga to'oba nina 'iduneduneye,

Guinuwa 15:8

Ta Yaubada to'ase 'atedaya simiyami 'imwalamwalatoni, ga taudi nigeya me Yudia 'ediya 'itagwala, ga Yaluyaluwa Tabuna 'i'ebwa'edi, nadigega 'abo'ada 'i'ebwaya'eseda,

Guinuwa 19:6

ga Paulo 'igidebedi ga Yaluyaluwa Tabuna 'ilugu 'ediya, ta 'ina waiwaiyega mali 'enana be mali 'enana 'ediyega siona apwesa, ta Yaubada manuna siloguguya.

Guinuwa 2:11

be wate me Kiliti be me Alebia, ta maibo'ada tauda 'enada dumadumadi be dumadumadi 'ediyega 'idi 'awagwae Yaubada 'ina guinuwao waiwaidi manuna sionaona.”

Guinuwa 2:3

ta 'ebweu yage si'itena 'ana 'ita kaiwe sabesabeluluna nadigega, ga 'enega sabelulu nidi debadiya sitowa 'ebweuna 'ebweuna.

Guinuwa 4:31

'Idi sidasida gete silosalonina, ga anuwa nina 'ena simiyamiya 'iloniu, ga maibo'adi Yaluyaluwa Tabuna 'ina waiwaiyega si'atepatu, ga Yaubada 'ina ona siona apwesena.

Guinuwa 4:8

Ta Pita Yaluyaluwa Tabuna 'ina waiwaiyega 'ieonedi, 'igwae, “'Ima toloinao be 'inapwanao ye,

Guinuwa 6:3

'Enega 'omi 'emiyega tai sebeni waesinuwedi, yaisigedi ma 'adi 'amayaba, ta sinasinapudi, ta wate 'abo Yaluyaluwa Tabuna 'ina waiwai 'ediya, be paisewa gete masula 'ana eguyai manuna, 'ada 'ebwa'edi.

Guinuwa 6:5

Ta boda sigwausowala 'idi loina gete manuna, 'enega site sebeni siesinuwedi getedi, Sitibeni, tauna 'ina emisa sinabwana Yesu 'ena, ta Yaluyaluwa Tabuna 'ina waiwai 'ena, be Pilipi be Pilokolo be Nikano be Timoni be Pamena be wate Nikola, tauna goma Anitioki ta ni'atu me Yudia 'idi tapwalolo 'ena 'ilugu.

Guinuwa 6:8

Ta Sitibeni nina ma ina waiwai, ta ma ina oboboma sinabwana, ga guinuwa 'ebe nuwaowana ta we'iwe'iyayao 'iguinuwedi tomota gamwagamwanidiya.

Guinuwa 7:55

Ta esi Yaluyaluwa Tabuna Sitibeni 'iloemaena, ta galewa 'iduneduneyena ga Yaubada ma ina esaesa tuyayalina be Yesu 'atainaya 'itootoolo, 'i'itedi,

Guinuwa 8:17

'Enega Pita be Yoni nimadi sisa'udi 'ediya ga Yaluyaluwa Tabuna 'ediya 'ilugu.

Guinuwa 9:17

'Enega Ananayasi 'itoolo ga 'itauya, ga Yudasa 'ina anuwaya 'ilugu, ga Saulo 'igidebena, ta 'igwae, “Tasigu Saulo, 'Inapwana nina Yesu 'edaya 'iapwesa 'emuya, tauna gete 'ietuneguma matayo 'adi gie'esasa manuna, be wate 'aene Yaluyaluwa Tabunega 'iloemaeyo.”

Loma 15:13

Ta ona'ai'aila, Yaubada namo ma 'ana emisa, manuna taunamo 'enega lema bobo'adi talobalobadi, 'enega nuwanuwagu be ma imi gwausowala wada emisa 'aene 'imi miya sida bobo'ana, ta wate Yaluyaluwa Tabuna 'ina waiwaiyega 'imi emisao nidi 'ida giesinabwa 'ai'ailidi.

1 Kolinita 12:10

be 'ebweuna yage 'ebe nuwaowana 'ana guinuwa, be 'ebweuna loguguya, be 'ebweuna mali yaluyaluwao 'adi 'inana 'aene bobo'ana nai to'umalina, be 'ebweuna wate mali 'enana sawesawenaya be 'ediyega 'ioona, be 'ebweuna wate 'enana nidi 'ana gibui.

1 Kolinita 13:1

'Eguma 'igu onao bobo'adi, 'atuwa tologuguyao be aniloseyao 'idi ona, ta 'abo oboboma nigeya 'ateguya 'imiyami, 'igu loguguya nidi yage besobeso, 'atuwa sinaa siunuunu besobeso, nai yoguli simu'emu'e besobeso.

1 Kolinita 13:8

'Enega oboboma geya'abo 'igumwagumwala, ta esi taudi Yaubada 'ana tosimanao ma'etamo 'idi onao sigugumwala. Nadigega taudi mali 'enana be mali 'enana 'ediyega sionaona, ma'etamo 'enadina 'igugumwala.

1 Kolinita 14:18

'Enega yalokagutoki Yaubada 'enaya manuna mali 'enana 'ediyega yaonaona wawasae,

1 Kolinita 14:5

'Abo'agu nuwanuwagu be maibo'ami mali 'enana 'ediyega wada onaona. Ta wate nuwanuwagu sinabwana be wada loguguya, manuna tologuguyao 'idi guinuwa yage sinabwana, ta ona mali 'enanao 'ediyega nigeya yage sinabwana, ta esi 'abo 'ebweu togibui 'imiyami be ona nidi tauna 'igibunidi, nate yage bobo'ana toekalesiyao 'adi lema manuna.

Epeso 5:18

Geya'abo bwasi waiwaina 'enega wanumanuma kabaleya, nate yage 'ebe esilae, ta esi Yaluyaluwa Tabuna 'ida loemaemi be

Epeso 6:18

Tuta maibo'ana Yaluyaluwa Tabuna 'ina lema 'enega wada sidasida, be wada 'awa'awanoi Yaubada 'enaya, be ma imi toolopa'ala wa'ita'i'isimi be wasidasida toekalesiyao maibo'adi manudi,

1 Pita 1:12

Ta Yaubada palopitao nidi 'ie'itedi 'aene onaupaupa nidi sigimi simanedi nigeya taudi manudi, ta 'omi esi manumi, ta yage nina lowa manuna siona ni'atu gete wanononodi, tetela bobo'ana 'ana tosimanao 'ediyega, nate Yaluyaluwa Tabuna galewega 'ina waiwaiyega. Ta yage nidi bobo'adi manudi sieonemi, aniloseyao galewaya nuwanuwadi be taudi wate sida mwalatoni.

2 Pita 1:21

manuna palopitao nidi nigeya taudimo 'idi nuwenuwega sionaonaedi, ta esi Yaubada 'enega, ta Yaluyaluwa Tabuna palopitao 'ienuwa sa'uyedi ga ona nidi sionaedi.