Guinuwa 2:39 - Loina Tabu Auwauna NT

³⁹ Manuna Yaubada 'ina onaupaupa nina 'aene 'omi manumi, be natumiyao wate manudi, be taudi 'edasolaya simiyami manudi, yaisigedi taudi Yaubada 'ibwauyedi 'ena.”

Guinuwa 2:39 Σταυροειδείς Αναφορές

Guinuwa 10:45

ga mali 'enana be mali 'enana 'ediyega sionaona, ta Yaubada situputupu, ta me Yudia taudi Yesu 'ana toemisao nidi, Pita ma'enao Yopa 'enega simaiya, sinuwaowana, manuna si'itena Yaubada ni'atu Yaluyaluwa Tabuna 'i'ebwaya taudi nigeya me Yudia 'ediya. 'Enega Pita 'ieonedi, 'igwae,

Guinuwa 14:27

'Enega tuta nina Anitioki 'ena siluguya, toekalesiyao sibwau egogonedima, ga yage yauyauna Yaubada 'iguinuwenaya manudi, 'idi sakowasi nina solanaya siemwasalidi, nate emisa 'ana 'awa 'igigegena taudi nigeya me Yudia manudi, be taudi wate sida lugu.

Guinuwa 15:14

Saimoni 'edaya 'isimanaya 'aene Yaubada ni'atu 'ie'ale, ga taudi nigeya me Yudia 'ediyega 'aina 'ina tomotaiyao 'iesinuwedi.

Guinuwa 15:3

'Enega toekalesiyao silokaiyoniyedi ga sena Pinisia ta Samelia siataonedi, ga 'idi sakowasi nina 'ena 'asa apwesa tomoteninao 'idi sanaila Yaubada 'ena sisimanena, ta Yesu 'ana toemisao 'asa 'ebweuna 'ebweuna 'ediya, simana gete sinonona, ga 'enega sigwausowala sinabwana.

Guinuwa 15:8

Ta Yaubada to'ase 'atedaya simiyami 'imwalamwalatoni, ga taudi nigeya me Yudia 'ediya 'itagwala, ga Yaluyaluwa Tabuna 'i'ebwa'edi, nadigega 'abo'ada 'i'ebwaya'eseda,

Loma 11:29

'enega nigeya sawesawenaya be 'ina bubuna be 'ina esinuwa, nai 'ina oboboma 'ediyega 'isa'ugelasa.

Loma 8:30

Yaubada nina 'iesinuweda, 'enega 'ibwauyeda, ga 'i'awa palupaluyeda, ta wate 'ida 'ebemi esaesa 'i'ebwa'eda.

Loma 9:24

'Enega boda 'eluwa 'ediyega 'ibwauyeda, me Yudia 'emega, ta 'omi nigeya me Yudia 'emiyega.

Loma 9:4

Ta ona'ai'aila, 'igu bodao nidi Yaubada lowa ni'atu 'i'awa natunedi, ga wate 'ina esaesa be 'ina onaupaupa be 'ina loina bobo'adi 'i'ebwa'edi, ta wate tapwalolo be yage bobo'adi manudi 'ionaupaupa

1 Kolinita 7:14

'Abo yaita tai nai waine 'abo mwanena nigeya 'iemiemisa Yaubada 'enaya, ta esi ma'iyana tuga simiyami, 'iabe toemisa nina mwanena 'igiebobo'ane, ta 'enega natudiyao sena 'esasena 'ena simimiya. Ta 'abo sisa'ila, 'iabe natudiyao simiya to'umali.

Epeso 1:18

be wate 'atemiyega yage nidi bobo'adi manudi 'ibwauyemiya wada mwalatonidi, be wada emisa 'aene ma'etamo walobadi, be wada mwalamwalatoni wate 'ina eguyai sinabwana 'ina tomotaiyao 'edaya, nate tauna 'ina esaesa 'enega,

Epeso 2:12

Wada nuwa'i'isi 'aene tuta nina lowa Keliso 'enega wamiya 'edasola, ta Isileli 'ina 'ebeloina 'enega wamiya apwesa, ta yage bobo'adi Yaubada 'iona upaupaena Buki Tabu solanaya nigeya 'ebweu to'ase 'omi manumi 'i'ina'inana, 'enega geya'abo 'ebweu to'ase bobo'ana ma'etamo walobaloba be manuna wada emisa, ta nigeya wate 'imi Yaubadamo tuta nina bale'uya wamiyami.

Epeso 4:4

Ona'ai'aila ooda 'ebweuna, ga 'ida nuwayaina wate 'ebweuna namo tuga, ga manuna 'ibwauyedama 'omi ta 'abo'ama, ta Yaluyaluwa Tabuna wate 'ebweuna,

2 Tesalonaika 1:11

Lowa Yaubada 'iesinuwemi ga 'ibwauyemi, ga 'enega waemisena. Gete manuna 'abo'ama tuta yauyauna 'asidasida manumi be 'aene wada muliya 'ai'aili. Manuna 'omi nuwanuwami be emisa 'ai'ailega wada bubuna palupalu, 'enega 'ima sidasida Yaubada 'enaya 'aene 'ida giewaiwaiyemi be guinuwa nidi wada guinuwedi.

2 Timoti 1:9

Yaubada nina 'i'etoseyeda ga 'ibwauyeda 'ina guinuwa bobo'adi sabi guinuwedi. Ona'ai'aila, nigeya 'abo'ada 'ida bobo'ana manuna ga 'enega 'iesinuweda, ta esi tauna 'ina nuwena ta 'ina oboboma 'edaya lowaenei Yesu Keliso 'enega manuna,

Ibeliu 3:1

Gosegwao, 'omi be 'abo'agu Yaubada 'iesinuweda 'ina sena manuna, 'ilobwenena be Yesu tanuwa'i'isi, manuna tauna 'ida tapwalolo 'ana tosimana be wate 'ida totaliya sinabwana,

Ibeliu 9:15

Ona'ai'aila, Keliso nina loina auwauna 'ime'ena ga 'enega tamai be Yaubada ma'edai taegosigosiyana, manuna 'abo 'iesinuweda yawasida ataya 'iona upaupaenaya 'i'ebwa'eda. Manuna 'abo'ada gimi loina tale'oena, 'enega 'ilobwenena be tada mwawasa, ta Keliso manuda ni'atu 'imwawasa sabi 'etoseyeda.

1 Pita 5:10

Yaubada tauna 'atenuwa'ole'ole 'alena ni'atu 'ibwauyeda be 'aene 'ina esaesa miyamiya atayana 'ena tada miyami Keliso ma'eda. Ta 'imi 'elouya tuta kukupana namo be sigugumwala, ta muliyega Yaubada 'ida gie'esasemi be 'ida giepa'alimi be 'ida giewaiwaiyemi be 'aene wada miya bobo'ana.

2 Pita 1:10

'Enega, gosegwao, watoo waiwai be geya'abo Yaubada 'ana esiesinuwao bodadi 'enega wamiyamiya apwesa. Ta 'abo 'igu ona getedi waematamatanedi geya'abo wabe'ube'u,

2 Pita 1:3

Yaubada nina 'ina waiwaiyega 'ilemeda ga 'iobobomeda, ta yage yauna yawasida be 'ida bubuna 'esasena manudi 'i'ebwa'eda. Manuna tauna tamwalatonina 'aene 'iesinuweda be 'ina esaesa ta 'ina bubuna palupaluna 'i'ebwa'eda.

E'ita'ita 17:14

Be 'enega Lami 'enaya sida losaiya, ta Lami nina 'ida ewaiwai sinedi, manuna tauna 'inapwanao 'idi 'inapwana, ta kiniyao 'idi kini, ta wate taudi 'ina esinuwega 'ibwauyedima, taudi 'ana tomuliya 'ai'ailao ma'enao.”

E'ita'ita 19:9

'Enega anilose nina 'eguya 'igwae, “Ona gete 'uda 'etoladi 'aene ‘Yaisigedi 'omi Yaubada 'ibwauyemi Lami nina 'ina ai sagalina 'enaya, wada gwausowala.’ ” Ta wate anilose nina 'iona limana, ta 'igwae, “Gete Yaubada 'ina ona 'ai'aila.”