Guinuwa 2:37 - Loina Tabu Auwauna NT

³⁷ Tomota nidi Pita 'ina ona gete ni'atu sinonona, ga manuna sinuwanuwa sinabwana, ga Pita magosenao 'ediya sienaida, sigwae, “Tasimao, ni'atu 'aloegesi. Mwa'adega 'ada guinuwa'esa?”

Guinuwa 2:37 Σταυροειδείς Αναφορές

Luke 3:10

'Enega boda nidi Yoni sienaidena, sigwae, “To'ase 'ilobwenema be 'ada guinuwe?”

Luke 3:12

Ta 'aidi wate takisi 'ana to'ewao simai 'idi bapitaiso manuna, ga Yoni 'ena sienaida, sigwae, “Toe'ita, 'abo'ama mwa'adega 'ama loina?”

Luke 3:14

Ta 'aidi wate tolosaiyao sienaenaida, sigwae, “Ta 'abo'ama, mwa'adega 'ama loina?” Ga Yoni 'igwae, “'Omi 'ami e'isao ni'atu sawesawemiya ta esi manudi wada gwausowala, ta geya'abo 'ami e'isa 'ana loeposeyana kaboega be giematautega wa'ewa'ewa.”

Yoni 8:9

Ta gote 'ena Yesu 'ina ona sinonona ga 'idi loegesi sinuwedi, 'enega 'ebweuna 'ebweuna sitautauya. Taudi 'inapwanao sitauya nugana 'enega maibo'adi simuliya, ga siteluwa Yesu be waine nina 'itootoolo ma'iyana sipilisinedi.

Guinuwa 1:16

“Tasigwao, lowa Debida 'ina ona Yaluyaluwa Tabuna 'i'ebwa'ena Yudasa manuna, ta Buki Tabu 'ena 'imiyami. Yudasa nina lowa ma'edai taetosimana Yesu manuna, ta sa'i 'ida 'Inapwana 'isipupuyena ga 'i'ebwayaena Yesu 'ana talauwalao nimadiya. Ta 'ebweu wali Buki Tabu solanaya Debida 'ina ona Yudasa manuna, gete nadigega 'igwae, ‘'Ina 'asa 'ida wabolebole, be geya'abo 'ebweu yaita tomota 'enaya 'ida miyami.’ Ta wate 'igwae, ‘'Ana lopa'elu tauna 'ina paisewa 'ida 'ewa.’ 'Enega 'ilobwenena be ona gete 'ana mwalatoi 'ai'aila 'ida apwesa.” Pita 'ina ona gete nadigega manuna Yudasa ni'atu 'imwawasa. Tauna lowa 'ina guinuwa to'umalina 'ana maisa 'enega bwa'a 'iegimwanena, ga bwa'a nina solanaya 'ibe'u sanamwa'uta, ga gamwana 'ilosabuyena, ta diyana maibo'ana 'iapwesa, ga tetelina me Yelusalema maibo'adi sinononaya, ga 'enadiyega bwa'a nina sieesena “Akelidama,” ta 'ana mwalatoi “Bwa'a lala.”

Guinuwa 22:10

Ta yaona, “'Inapwana, to'ase yada guinuwa?” Ta 'ieonegu, “'Utoolo, ta Damasiko 'ena 'utatauya, be gote 'ena 'amu loina 'uda nono.”

Guinuwa 5:33

Ta toloinao Yesu 'ana tosimanao 'idi ona gete sinonona, ga sigamwasowala 'ai'aila, ta nuwanuwadi be siloemwawasidi.

Guinuwa 7:54

Sitibeni 'ina ona gete toloinao sinonona ga sigamwasowala sinabwana, ta siesala'i'ita 'idi gamwasowala manuna.

Loma 7:9

'Abo'agu wate nadigega lowa mayawasigu yamiyami, nigeya 'ebweu wate loina 'eguya 'imiyami, ta tuta nina loina 'iapwesama ga to'umalina 'eguya 'iewaiwai,