Guinuwa 2:10 - Loina Tabu Auwauna NT

¹⁰ Piligia, be Pamipilia, be Itipita, be Libia senanao nidi Sailini solanaya simiyami, be taudi Lomega simai, 'aidi me Yudia, ta 'aidi nigeya me Yudia ta esi 'ida tapwalolo 'ena sitagwaledi ma'ediyao,

Guinuwa 2:10 Σταυροειδείς Αναφορές

Madiu 2:15

Ta 'enega Itipita 'ena simiyami ga 'ana laba Elodi 'imwawasa. 'Idi miya sugalagala nina be 'aene Yaubada 'ina ona 'ida apwesa, tauna 'ebweu palopita 'igimisimanena, 'igwae, “Itipita 'enega natugu yabwauyenama.”

Madiu 23:15

“'Omi loina 'ana toe'itao be Palisiyao nuwa'ole'olemi sa'i, manuna 'ebweu wate gete 'imi loegesi. Tuta yauna wa'ada'adau sakowasi 'asa yaudi 'ediya be 'aene 'ami tomuliya 'ebweu wada loba, be muliyega tomotai nina wae'ita be nadigega 'omi waguiguinuwa Seitani 'enaya, tauna nadigega 'ida guinuwa, ta 'ida guinuwa wawasae.

Madiu 27:32

Ta Yesu siapwesena ga sitauyena, ta 'edaya goma Sailini 'ebweu, 'ana esana Saimoni, sialobena ga sididigena be 'aene Yesu 'ana kelose 'ida 'aali.

Maki 15:21

Ga 'asa sinabwana 'enega siapwesa, ga goma Sailini mitawega 'imeemai silobena, ga sididigena be Yesu 'ana kelose 'ida 'aali. Tai nina 'ana esana Saimoni, ta Alekisana be Lupuso tamadiya.

Guinuwa 11:20

Ta muliyega 'aidi toekalesiyao, taudi me Saipilosi be me Sailini, siapwesa Anitioki 'enaya, ga 'Inapwana Yesu tetelina siguguyaena me Yudia, be taudi nigeya me Yudia wate, 'ediya,

Guinuwa 13:1

'Asa Anitioki 'enaya, ekalesiya 'idi palopitao be toe'itao getedi: Banaba be Simioni (tauna sibwauyena Bwalagai) be Lusiasi (tauna goma Sailini) be Maneeni (tauna kini Elodi 'ana 'epata 'ebweu) ta Saulo.

Guinuwa 13:13

Ta Paulo ma 'ana bodao Peposeyega sigelu ga situpa limana, ga Peliga 'ena silugu, sena Pamipilia solanaya. Ta Yoni 'ipilisinedi ga 'iila Yelusalema.

Guinuwa 13:43

Ga boda anuwa tapwaloloega sideli apwesa, ta 'aidi me Yudia, be 'aidi Yaubada 'ana toemisao mali sena be mali sena 'ediyega, Paulo be Banaba simuliyedi, 'enega Paulo be Banaba 'ediya siloguguya be 'aene Yaubada 'ina oboboma sida giyai'i'isi.

Guinuwa 14:24

Ta Pisidia solanega simai ga Pamipili 'ena siapwesa,

Guinuwa 15:38

Ta Paulo 'igwae, “Nai geya'abo tauna 'i'oaya'oayabuda, manuna lowa Pamipili 'ena 'ipilisineda, ga 'iila 'asaya, ta geya nuwana be 'i'oayabuda 'ida sakowasi 'enaya.”

Guinuwa 16:6

'Enega Paulo magosenao sena Piligia be Galetia soladiyega sitautauya, ta Yaluyaluwa Tabuna ni'atu 'i'etobodedi be 'aene geya'abo Yaubada tetelina sena Esia 'enaya siloguloguguyae.

Guinuwa 17:21

Ta me Ateni be 'owagao maibo'adi 'idi nuwanuwa mwalatoi auwaudi 'adi e'ita be 'adi enono namo tuga manudi.

Guinuwa 18:2

ga goma Yudia 'ilobena, 'ana esana Akuila, ta 'ina 'asa Ponitio, ta mamwanena Pilisila ni'a Italiega simai, manuna Kini Kolodia me Yudia maibo'adi 'iloinedi be Lomega sida apwesa. Ga Paulo Akuila mamwanena 'iayausidi,

Guinuwa 18:23

Anitioki 'ena 'imiya'amana, ga muliyega 'itoolo ga Galetia be Piligia 'asanao 'ebweuna 'ebweuna 'ediya 'isakosakowasi, ta Yesu 'ana toemisao 'igiepa'alidi.

Guinuwa 2:11

be wate me Kiliti be me Alebia, ta maibo'ada tauda 'enada dumadumadi be dumadumadi 'ediyega 'idi 'awagwae Yaubada 'ina guinuwao waiwaidi manuna sionaona.”

Guinuwa 23:11

Ta boiboiya 'Inapwana Paulo selabenaya 'itoolo, ta 'ieonena, “Paulo, 'uda 'atepatu. Ni'atu 'usimanegu Yelusalema 'ena, be nadigega wate 'iabe Loma 'ena 'uda simana'esa.”

Guinuwa 27:5

Ta ni'atu Silisia be Pamipili olanao 'apilisinedi, ga Maila 'alugu, sena Lisia 'enaya.

Guinuwa 28:15

Ta toekalesiyao nidi Loma 'ena alema sinononaya, ga simai 'edaya siaesotema sena 'Ebegimwane, 'ana esana Apio be Anuwa 'Owaga 'etoi 'ediya. Ga tuta nina Paulo gosemao nidi 'ilobedi, Yaubada 'ena 'ilokagutoki, ta 'i'atepatu.

Guinuwa 6:5

Ta boda sigwausowala 'idi loina gete manuna, 'enega site sebeni siesinuwedi getedi, Sitibeni, tauna 'ina emisa sinabwana Yesu 'ena, ta Yaluyaluwa Tabuna 'ina waiwai 'ena, be Pilipi be Pilokolo be Nikano be Timoni be Pamena be wate Nikola, tauna goma Anitioki ta ni'atu me Yudia 'idi tapwalolo 'ena 'ilugu.

Guinuwa 6:9

Ta 'aina tomota simai ga Sitibeni ma'ediya siegewagewana, taudi 'aina me Yudia 'idi tapwalolo sieesena “Li'ali'amina,” ta 'aidi Sailini 'enega, ta 'aidi Alekisanidela 'enega, ta 'aidi Silisia be Esia 'ediyega,

Loma 1:15

'Enega 'omi wate me Loma nuwanuwagu sinabwana 'emiya Tetela Bobo'ana yada guguyae.

Loma 1:7

Ta Yaubada Tamada be 'ida 'Inapwana Yesu Keliso 'idi obobomega wada miya siwalowa.

2 Timoti 1:17

Ona'ai'aila, lowa Onesipolo nina 'iapwesama bada Loma 'enaya, ga manugu 'i'ebesa waiwai ga 'ana laba 'ilobegu.

E'ita'ita 11:8

Ta kokowadi sida 'eno besobeso 'asa sinabwana solanaya. 'Asa nina lowa 'ida 'Inapwana 'ena sigiekeloseyena, ta 'asa nina 'ana kunuwadawada sieesena Sodoma, nai Itipita.