Guinuwa 19:33 - Loina Tabu Auwauna NT

³³ Ta me Yudia 'ebweu tai Alekisana silo'ae etuetunena be 'ida laga nuganaya be 'ida ona. 'Enega 'itoolo nuganaya, ga 'aidi tomota 'idi nuwanuwao sibwau apwesena 'enaya, 'enega nimanega 'ieonedi 'aene galala sida losa'u, be me Yudia 'idi ona 'ida simana apwese.

Guinuwa 19:33 Σταυροειδείς Αναφορές

Luke 1:22

'Enega Sakalaya 'iapwesa, ta nigeya kapekapeyana be 'iona 'ediya, manuna meyana 'imwau. Gete 'enega simwalatonina 'aene ni'atu Anuwa Tabu solanaya we'iwe'iyaya 'i'itena. Ta nigeya sawesawenaya be 'iona 'ediya, ta tuga nimanega 'ienimasusumo.

Guinuwa 12:17

Ta Pita nimanega 'i'etobodedi be sida 'alaenono, ta 'iemwasala 'Inapwana deliyega 'i'au'ewenama manuna, 'enega 'igwae, “Tetela gete wasimana Yemesa be gosedao wate 'ediya.” 'Enega 'ipilisinedi ga 'itauya mali esenaya.

Guinuwa 13:16

'Enega Paulo 'itoolo ga nimana 'igilagasina, ta 'igwae, “Tasigwao me Isileli, be 'omi mali esenega Yaubada 'ana to'amayabao, 'igu ona gete wada nono.

Guinuwa 19:34

Ta pwalu si'inanena 'aene tauna goma Yudiana, 'enega sibwau toitoila, ta 'idi galala tuta dudulana nigeya silosalosa'u, ta sibwaubwau leleleya, sigwaegwae, “'Abo'ada me Epeso 'ida yaubada Dayana toloetana 'ai'aila.”

Guinuwa 21:40

Ta 'enega 'itagwalena, ga Paulo waisanaya 'itoolo, ga nimana 'igilagasina be sida 'alaenono, ta 'enega maibo'adi simiya 'alaenono, ga Paulo 'ena Ibeliuyega 'ieonedi, 'igwae,

Guinuwa 24:10

Ta 'enega gabana nimanega Paulo 'ieonena be 'ida ona. 'Enega Paulo 'ilolagata, 'igwae, “Yamwalatonina 'oyo 'ebeloina gete 'ena yakwala yauna 'uloiloina, 'enega ma igu gwausowala be matamuya yada onaila 'agu e'ewa gete manuna.

Pilipai 1:7

Ona'ai'aila, 'ilobwenena be manumi to'ase yalotolotoona nadigega, manuna 'omi nuwagu wa'ewena, manuna 'omi ma'egwao Yaubada 'ilemelemeda gete tuga deliya yamiyamiya, ta 'ilemelemeda wate tetela bobo'ana 'ana e'ita be 'ana 'ebe ewaiwai 'ediya.

1 Timoti 1:20

Tobe'u nidi 'ebweu 'ana esana Aimenio, ta 'ebweuna wate 'ana esana Alekisana. Siteluwa nidi ni'atu Seitani 'ena ya'ebwayaedi be 'iemata sabuyedi, be nuwadi 'ida sabwalena 'aene geya'abo 'ida 'Inapwana 'ana esana si'awa'awa to'umaliye.

2 Timoti 4:14

Kainumu 'ana toguinuwa, 'ana esana Alekisana mwau sinabwana 'i'ebwa'egu. 'Enega 'ana e'isa 'Inapwana 'enega ma'etamo 'iloba.