Guinuwa 19:21 - Loina Tabu Auwauna NT

²¹ Muliyega Yaluyaluwa Tabuna Paulo 'ienuwa sa'uyena 'aene Masidonia be Akaya 'ediyega 'ida tauya, be Yelusalema 'ena 'ida apwesa, ga 'igwae, “Yanuganugana Yelusalema, ta yanuwena muliyega yatatauya Loma.”

Guinuwa 19:21 Σταυροειδείς Αναφορές

Guinuwa 16:12

ga Niapoli 'enega 'atauya Pilipai, tauna 'asa sinabwana sena Masidonia solanaya, ta 'asa nina solanaya me Loma toesugalagala yaudi simiyami, ga gote 'ena 'amiya ila 'aina 'asiyata.

Guinuwa 18:12

Tuta muliyega Galio 'ietoloina sinabwana sena nina Akaya 'enaya, 'enega me Yudia nidi siloina ga Paulo sitauyena sabi etala Galio nina matanaya,

Guinuwa 18:21

'igwae, “Ma'etamo yailama, 'eguma Yaubada 'itagwalegu.” 'Enega me Epeso nidi 'ilokaiyoniyedi, ta 'igelu limana,

Guinuwa 19:22

'Enega tauna 'imiyami Esia tuta kukupana namo 'ena, ta 'ana tolemao nidi Timoti be Elasito 'ietune nuganedi ga sitauya Masidonia.

Guinuwa 19:29

'Enega tomota yauyaudi sipili egogonama, ta sibwaubwau ga galala besobeso siguinuwena, ga me Masidonia 'eluwa sigiyaidi, taudi Paulo 'ina sakowasi 'ediya 'ana to'oayabuyao, 'adi esanao Geyo ta Alisitako, ga sipiliyedi Anuwa Deliegogona 'enaya.

Guinuwa 20:16

Paulo ni'atu 'ieonema be 'aene Epeso 'ada pilisine, be 'aene geya'abo wate tuta 'ida mudamudali Esia senanao 'ediya, manuna nuwanuwana be 'ida lomanini 'abo kapekapeyana Yelusalema 'ida loba Penitikosi 'emasulina 'ana 'asiyata 'ena.

Guinuwa 20:22

“Ta gete tuga Yaluyaluwa Tabuna 'ina loinega yatautauya Yelusalema, ta nigeya tamwalamwalatoni to'ase nai 'iabe nada 'eguya 'iapwesa.

Guinuwa 21:17

Ta ni'atu Yelusalema 'ena 'amai, ga totapwaloloyao silokagutokiyema ma idi gwausowala.

Guinuwa 21:4

Ta 'aina Yesu 'ana toemisao 'alobedi ga ma'emao 'amiyami 'asiyata sebeni, ta Yaluyaluwa Tabuna mwalatoi gosemao nidi 'i'ebwa'edi, 'enega Paulo sieonena, sigwae, “Geya'abo 'ulagalaga Yelusalema.”

Guinuwa 23:11

Ta boiboiya 'Inapwana Paulo selabenaya 'itoolo, ta 'ieonena, “Paulo, 'uda 'atepatu. Ni'atu 'usimanegu Yelusalema 'ena, be nadigega wate 'iabe Loma 'ena 'uda simana'esa.”

Guinuwa 27:1

Ta ni'atu siloina 'aene Itali 'ena 'ada tauya, 'enega Paulo be 'aina yoniyonidi wate ma'enao si'ebwayaedi Sisa 'ina tolosaiyao 'adi toanugana 'enaya, 'ana esana Yuliasi, be 'ima 'adau 'ena 'i'ita'i'isidi.

Guinuwa 27:24

ta 'ieonegu, ‘Paulo, geya'abo 'umatamatauta; 'iabe Sisa matanaya 'uda toolo, manuna 'imu sidasida 'enega waga 'ana togeluyao maibo'adi ma'emwao Yaubada 'ida 'etoseyemi.’

Guinuwa 28:16

Gote 'enega 'atauya ga Loma 'ena 'aapwesa, ta tolosaiyao Paulo sitagwalena be 'ida miya dumaduma, be 'ana to'ita'i'ita tolosaiya 'ebweuna namo tuga.

Loma 1:11

Manuna nuwanuwagu be ya'itami be yada lememi, ta 'enega yaluyaluwami sida ewaiwai.

Loma 1:13

Tasigwao wada nuwa'i'isi 'aene tuta yauyauna yanuwanuwa sinabwana be mwa'adega yada ayausimi, ta nigeya kapekapeyana 'eguya, manuna nuwanuwagu 'igu ayausa uwana 'ida apwesa, nadigega 'igu ayausa nidi mali senao taudi nigeya me Yudia 'ediya uwadi ni'atu siapwesa.

Loma 1:15

'Enega 'omi wate me Loma nuwanuwagu sinabwana 'emiya Tetela Bobo'ana yada guguyae.

1 Kolinita 16:5

Gete tuga nuwanuwagu be yatatauya Masidonia be muliyega yawawa 'emiya,

1 Kolinita 4:19

Nigeya! Ta esi 'abo 'ida 'Inapwana 'itatagwala, ma'etamo yalomanini be yawawa 'emiya, be taudi togagasa nidi yatoodi, nigeya 'aene 'idi onao namo 'ediyega, ta 'idi guinuwao wate ya'itadi, waiwaidi nai nenetadi.

2 Kolinita 10:16

'enega taudi wate sena 'edasola 'ediya tetela bobo'ana yada loguguyae, ta geya'abo yaonaona laga, 'eguma yapaipaisewa tuga taudi tetela bobo'ana ni'atu sinononaya 'ediya.

Galetia 2:1

'Enega yakwala potini sigumwala, Banaba ma'iyagu 'atu'e limana Yelusalema, ga wate Taito ya'au'ewena, ga ma'emai 'atu'e.

1 Tesalonaika 1:7

'Enega 'omi 'ebe'ita bobo'ana, ga Keliso 'ana toemisao, sena Masidonia be Akaya 'ediya, sietotowanemi.