Guinuwa 19:10 - Loina Tabu Auwauna NT

¹⁰ 'Ina guinuwa nina gete nadigega tuga 'ipaipaisewa yakwala 'eluwa 'ediya. 'Enega sena Esia 'ana tomiyanao maibo'adi, taudi me Yudia be taudi nigeya me Yudia, 'Inapwana tetelina sinonona.

Guinuwa 19:10 Σταυροειδείς Αναφορές

Guinuwa 13:12

Ta toloina nina Sagiu Paulo 'ina guinuwa gete 'i'itena, ga 'Inapwana tetelina manuna nuwana 'iowana, 'enega 'iemisena.

Guinuwa 16:6

'Enega Paulo magosenao sena Piligia be Galetia soladiyega sitautauya, ta Yaluyaluwa Tabuna ni'atu 'i'etobodedi be 'aene geya'abo Yaubada tetelina sena Esia 'enaya siloguloguguyae.

Guinuwa 18:11

Ta yakwala 'ebweuna ta tupwana 'ediya Kolinita 'ena 'imiyami, ga Yaubada 'ina ona 'ie'ie'itae.

Guinuwa 18:4

Ga Sabate 'ebweuna 'ebweuna 'ediya me Yudia 'idi anuwa tapwalolo 'ena 'ionaona, toluguyao ma'enao, ga 'itootoodi be sida emisa, ga 'aidi me Yudia ta 'aidi wate nigeya me Yudia siemisena.

Guinuwa 19:20

Gote 'enega Yaubada 'ina ona 'itabwa sinabwana, ta 'iewaiwai tomota yaudi 'ediya.

Guinuwa 19:22

'Enega tauna 'imiyami Esia tuta kukupana namo 'ena, ta 'ana tolemao nidi Timoti be Elasito 'ietune nuganedi ga sitauya Masidonia.

Guinuwa 19:8

Ga nawalae 'etoi 'ediya me Yudia 'idi anuwa tapwalolo solanaya Paulo nina 'ilugulugu, ta Yaubada 'ina etoloina manuna ma ina 'atepatu 'ionaona, ta 'iegewagewana ta 'i'i'i'imidi.

Guinuwa 2:9

'enana nidi nate Palitia, be Midia, be Elama, be Mesopotemia 'ana tomiyanao, be Yudia, be Kapadosia, be Ponito, be Esia, be

Guinuwa 20:18

Ta ni'atu 'ena simai ga Paulo 'ieonedi, 'igwae, “'Omi wamwalamwalatoni 'igu bubuna tuta nina tamiyami ma'egwao, Esia 'ena igu mai'unu 'enega ga batuwa,

Guinuwa 20:31

'Enega walomata'i'ita be wate 'igu loguguya wanuwa'i'isi, 'aene yakwala 'etoi soladiya nigeya yada eyawai'ata, 'asiyata be boiboi 'ediya, ta esi ma mataselugu yaloguloguguya 'ebweuna 'ebweuna 'enaya.

Guinuwa 6:9

Ta 'aina tomota simai ga Sitibeni ma'ediya siegewagewana, taudi 'aina me Yudia 'idi tapwalolo sieesena “Li'ali'amina,” ta 'aidi Sailini 'enega, ta 'aidi Alekisanidela 'enega, ta 'aidi Silisia be Esia 'ediyega,

Loma 1:16

Tetela nina 'ana guguya manuna nigeya yada omayamaya, manuna Yaubada 'ina waiwai 'ena 'imiyami be 'enega 'abo yaisigedi taudi siemisa 'ida 'etoseyedi, ta nugana 'abo'ama me Yudia 'emaya, ta 'enega muliyega 'omi nigeya me Yudia 'emiya.

Loma 10:12

Gete 'enega nigeya 'ebweu weyala 'edaya 'imiyami, 'abo'ama me Yudia be 'omi nigeya me Yudia gamwagamwanidaya, manuna maibo'ada tauna 'ida 'Inapwana, 'enega 'abo ta'awanoi 'enaya tauna 'ina esaesa 'ida 'ebwa'eda.

Loma 10:18

Ga mwa'adega me Yudia nidi ni'atu 'ina ona sinononaya, nai nigeya? Na, ni'atu sinonona, manuna ni'atu Buki Tabu 'ena 'isimana, 'igwae, “'Idi loguguya ni'atu sena maibo'adi sinonona manuna bale'u maibo'ana 'enaya ona nina 'i'elelewana.”

Galetia 3:28

Manuna maibo'ada Keliso ma'eda, ta nigeya 'ebweu wate weyala soladaya 'imiyami. 'Enega me Yudia be mali bodao leleleya, ta 'inapwanao be 'idi topaisewao leleleya, ta wate me'olotodi be mewainedi leleleya, manuna maibo'ada Yesu Keliso 'enega tae'ebweu,

Kolose 3:11

'Enega nigeya 'ebweu wate weyala 'imiyami be wada gwae, “Me Yudia mali boda ta 'abo'ama mali boda”, nai wagwae, “Taudi bwaladi sidabedi mali boda, ta taudi nigeya, mali boda”, nai “'Owagao be to'u'umalao mali bodao”, nai “'Ali'eiyao mali boda be 'inapwanao mali boda”, ta tuwa tuga Keliso 'ina boda maibo'ada, ga 'atedaya Keliso namo 'iloegogoneda.

2 Timoti 1:15

Ni'atu 'umwalamwalatoni 'aene me Esia taudi Paigelio be Elimogini, ta boda nidi, siguitoyasegu ga sipilisinegu.

1 Pita 1:1

'Abo'agu Yesu Keliso 'ana tosimana, gete 'igu leta 'emiya, 'omi Yaubada 'ina tomotaiyao waesugalagala mali sena 'ediya, nadigega Ponito be Galetia be Kapadosia be Esia, be wate Bitinia 'asadiyao 'ediya.

E'ita'ita 1:11

“Yage nidi ma'etamo 'u'itadi manudi 'uda 'etoladidi, be 'enega buki nina 'uda etune Ekalesiyao sebeni 'ediya, nate Epeso be Simulina be Peligamo be Tayataila be Salidisa be Piladelipia be Laodisia wate 'enaya.”

E'ita'ita 1:4

'Abo'agu Yoni 'imi leta ya'etoladinawa ekalesiyao 'ami yau sebeni Esia solanaya. Oboboma be nuwasiwalowa 'emiya, Yaubada 'enega, be yaluyaluwa sebeni 'ediyega, ta Yesu Keliso 'enega. Tauna Yaubada nina lowaenei ga batuwa ta tuta simeemai 'ediya 'imiyami, ta yaluyaluwa nidi sebeni taudi Yaubada 'ina 'ebemi esaesa matanaya simiyami.