Guinuwa 16:19 - Loina Tabu Auwauna NT

¹⁹ Ta gomagweine 'ina 'inapwanao sigamwasowalema, manuna 'idi mani sinabwana 'ana 'ebe loba tauna gomagweine nina, ta ni'atu Paulo 'igiebobo'anena. 'Enega Paulo be Sailasa sigiyaidi ga silisi dadanedi, ga sitauyedi 'ebe egimwane 'ena, ta si'au'ewedi toloinao 'ediya sabi etalaedi,

Guinuwa 16:19 Σταυροειδείς Αναφορές

Madiu 24:9

“'Omi 'iabe tomota sigiyaimi be sigie'elouyami nai siloemwawasimi, be sena maibo'adi tomoteninao sida etalauwalemi manuna 'omi 'aene 'agu toemisao;

Maki 13:9

“Ta 'omi esi wa'ita'i'isimi, manuna tomota sida giyaimi be sitauyemi etala manuna, be Anuwa Tapwalolo 'ediya 'etamo sisapisapimi, ta wate 'iabe toloinao be kiniyao matadiya si'au'ewami be watoolo ta sietalaemi, manuna 'omi 'aene 'igu bodao, be teteligu 'ediya wada simane.

Guinuwa 14:19

Ta sa'i me Yudia Anitioki be Ikoniami 'ediyega simai, ga silugu boda nidi Paulo ta Banaba 'adi toenonoyao soladiya, ga silo'ae etuetunedi ga Paulo gulewega siloibweibwena, ta 'asa solanega silisi apwesena, ta 'idi nuwanuwa ni'atu 'imwawasa.

Guinuwa 14:5

'Enega taudi nigeya me Yudia, be me Yudia wate, be 'idi 'inapwanao ma'ediyao siloina leleleya be Paulo ta Banaba sida gie'elouyaedi, nai gulewega sida loemwawasidi.

Guinuwa 15:22

'Enega Yesu 'ana tosimanao site tuwelo be toanuganao be toekalesiyao maibo'adi sinuwanuwa leleleya ga 'aidi 'ediyega siesinuwedi be sietunedi be 'aene Paulo be Banaba ma'ediyao sitatauya Anitioki. Ta 'eluwa toekalesiyao 'adi toanuganao 'ediyega siesinuwedi, natedi Yudasa, tauna sieesena Basaba, be wate Sailasa,

Guinuwa 15:26

Ta Banaba be Paulo nidi taudimo sitagwaledi ga tuta yauyauna 'ediya sitautauya 'ebe esilae soladiya, 'ida 'Inapwana Yesu Keliso 'ina guinuwa manuna.

Guinuwa 15:40

Ta Paulo Sailasa 'iesinuwena be 'ida 'oayabuna 'ina sakowasi nina 'ena. 'Enega toekalesiyao Yaubada 'ena sisidasida be 'ina obobomega siteluwa nidi 'ida giewaiwaiyedi; ta sitauya,

Guinuwa 16:16

Mali 'asiyata 'ena 'atautauya sena nina 'ebe lotapwalolo nina 'ena, ga 'aina 'inapwanao 'idi 'ali'ei gomagweine 'alobena, tauna yaluyaluwana nabwanabwasuwana 'enega sawesawenaya 'igimi simanedi to'ase ma'etamo 'ida apwesa, ta 'ina guinuwa gete 'enega gomagweine nina 'ina 'inapwanao mani sinabwana si'ewa'ewa tomota 'ediyega.

Guinuwa 16:20

ga sieonedi, sigwae, “Gete tai nidi taudi me Yudia, ta simai 'ida 'asaya ga 'ada 'oata'oata sisa'usa'u,

Guinuwa 16:25

Ta niuniuwanaya Paulo be Sailasa sisidasida ta siwaliwali Yaubada 'ena, ta 'enega tolugu deliyao maibo'adi sienoenonoedi,

Guinuwa 16:29

'Enega to'ita'i'ita nina 'ina toguinuwao 'ediya 'ibwau be mayale sime'e, ga mayale 'i'ewena, ta 'ipili ga 'ilugu ma ina dedela, manuna 'imatauta, ta 'ibe'usana mwa'uta Paulo be Sailasa matadiya.

Guinuwa 17:6

Ta si'ebesa yogenedi, ga Yesoni ta 'aina toekalesiyao ma'enao sigiyaidi, ta 'enega si'au'ewedi 'asa 'ana toloinao 'ediya sabi etalaedi, ta sibwaubwau, sigwae, “Tai getedi sena maibo'adi 'adi togieto'umali ni'atu simai bada,

Guinuwa 21:30

Gete manuna me Yelusalema maibo'adi sigamwasowala, ga sipili egogonama, ga Paulo sigiyaina, ga Anuwa Tabuyega silisi apwesena, ga 'ana 'awa sigibodedi,

Guinuwa 8:3

Ta Saulo sa'i toekalesiyao 'ie'ediluluyedi ga manudi 'ilugulugu anuwa 'ebweuna 'ebweuna 'ediya, ta 'eguma toekalesiyao me'olotodi be mewainedi 'ilobalobadi, 'igiyaidi tuga, be deliya 'isa'u luguyedi.

Guinuwa 9:16

Be wate yada e'itae 'ina 'elouyao sinabwadi 'ida lobadi, 'abo'agu 'agu simana manuna.”

2 Kolinita 6:5

sapi, 'ebeyona, saiya, paisewa, yawemasala, botana,

Pilipai 1:30

nadigega 'abo'agu 'igu losaiya Keliso manuna be 'igu 'elouyao wa'itedi, ta gete tuga wanonodi, ta 'omi wate 'imi losaiya be 'imi 'elouyao nadigega waloba'esedi.

1 Tesalonaika 2:2

Wanuwa'i'isi wate 'aene me Pilipai lowa sibubuna geyogeyoiyema ga sigie omayamayaema, ta tuwa tuga Yaubada 'igie 'atepatuma ga tetelina bobo'ana 'asimanena 'emiya 'anabwa'ayoi tomota sietalauwalema, ta 'aloguguya 'emiya,

1 Timoti 6:10

Manuna esaesa 'ana yala to'umalina maibo'ana 'aledi, ta wate esaesa 'ana 'ebesa waiwai 'enega 'aina gosedao tapwalolo 'ai'aila sipilisinena, ta 'ebe nuwamwau yaudi silobedi.

Yemesa 2:6

Ta esi togomabeso nigeya wa'ama'amayabedi. Ta sa'i taudi toesaesao loina mwau si'ebwa'ebwa'emi, ta wate si'alaetuetunemi 'ebe etala 'ediya.